1 CODINTIYO 14:40 - Wanaadi A'deddu

⁴⁰ Wecanta’ñänaawä tameedä chäänönge tödöötäcä, aweewodoichancädäiñe’da.

1 CODINTIYO 14:40 ပူးပေါင်းရင်းမြစ်များ

DOMAANO 13:13

Chäänönge queichäiye, tawaanato acancomo eijai ñaatoodöje dea. Wä’dau’nä jäcä’da queichäiye, wänwanä jäcä’da mmaja, imaasuduicha’da mmaja, anejja conemjönö jäcä’da mmaja, ätäccujäätö’da mmaja, e’neimma’da mmaja.

1 CODINTIYO 11:34

Anejja ämiije töweiya’jäcä tä’sacaane nääwashincho’ñojo, yää awe’jummadööcomo Wanaadi wwä äwäätä’maminchajooto’comooje mma ei’ño. Mädääje mma wä’dö’se wä’jaanä mädä jäcä. Yaawä adöiñaiñe ööta’jäcä anejja weiñä daja wisha’dumincha’de äwwäiñe.

CODOOSENSE 2:5

Öwö ajaadäiñe’da weichaame tö’tajäätödööne ajaadäiñe na. Ta’cwaiñe wäänene chäänönge aweichöcoomo yoowanääcä yeijäcä, Quidiito ecamjödö jäcä yäätäädä aweichöcoomo yoowanääcä yeijäcä mmaja.

TIITO 1:5

Öwö männänne Quedeeta antadö ña cötaadawaajui acoichaneije, jata waadäi ansiyaano ewaacaneichomooje mmaja, manaanontäneedöje dea.