1 CODINTIYO 14:26 - Wanaadi A'deddu

²⁶ Mädääje na jimmä; awe’jummadaawäiñe awaadäiñe tödööjai maato. Anejja wecanta’ñänä dha’me eijai ña, anejja ’quene woowanoomanä dha’me, anejja mmaane töwwä Wanaadi neneejodö, anejja a’deucwe wa’deunä jeiñe mma, yää ecammajo’tojo jeiñe mma. Tameedä yää tödööjai maato quedeiyentecoomo wä’jädu’toto’comooje.

1 CODINTIYO 14:26 ပူးပေါင်းရင်းမြစ်များ

DOMAANO 1:13

Jimmä, edääje wä’dö’se wa äwwäiñe: Weiñäje adöiñaiñe öötä’se töweiye wä’jaaquennö’je, yaawääne’ eduuwa naadö jona tödööene täjai’cha töweiye wä’jaaquene. Adöiñaiñe öötä’se wäänene adhantawäiñe quedeiyenteje neewaacadö töweiye yei’she weijäcä, aneiñaja quedeiyenteje önnödö töweiye naadöje mmaja.

DOMAANO 12:7

ñäädä anejja ’wa’tänei, chäänönge yää tödööjai ña. Ñäädä quedeiyente owaanomaaneichomo, owaanomaadö jäcä oowoinchajai ña;

DOMAANO 14:19

Yääje yeijäcä yääne quencano’täto’ñojo, täncanoode’da cöweichöcoomoone, cöwe’wa’tädööcomo mmaja.

DOMAANO 15:2

Cöwaadäiñe cöjimmotoncomo weichö encano’täjai caato, aashicha yeichöcoomo wetä, yaatö’näjöödöcoomo wetä mmaja töneecamjödööcomo jäcä.

1 CODINTIYO 14:15

¿Aaquene eijai wanä yääje yeiya’jäcä? Edääje eijai wa: Wanaadi wwä a’deujai wa do’tadö que, yaawääne’ tö’tajäätödö que mmajaane’. Ecanta’ñäjai wa dea do’tadö que, tö’tajäätödö que mmaja.

1 CODINTIYO 14:2

Ñäädä anejja a’deucwato wa’deuwödö na’deuwa soto wwäiñe’da, Wanaadi wwääne, soto aneeta’da yeichomjäcä yää ya’deuwödö. Epíiditu Santo woije ya’deutaame, yaawääne’ owaanojöönö ai na’deuwa.

1 CODINTIYO 14:27

Anejja a’deucwe wa’deunawä, tooni nshai na’deuwö’ña’to, aacä mma, aaduwaawä jeiñe mma, mädä ’cäwa’cä mma. Ñanno wa’deuwö’jocoomo ätääcammajä’jai ña yaawä adha’deucweiñe.

1 CODINTIYO 14:40

Wecanta’ñänaawä tameedä chäänönge tödöötäcä, aweewodoichancädäiñe’da.

2 CODINTIYO 12:19

Ñaa woowontädö atäi’cha ca mädä mecaanö’atoodö jääcä. Ng’jn, Wanaadi owaadäädä dajaane ñaa na’deuwa Quidiito woije. Aashicha awa’tö’näjöödöcoomo jäcäinchädä mädääje ya’deuwa.

2 CODINTIYO 13:10

Edä wimenna äwwadäädäiñe adöiñaiñe öötääje, jäduuje a’deuwö’da weichö wetä yaawä adöiñaiñe ööta’jäcä, yää jäädudu Cajiichaana nutuudu que. Töwö Cajiichaana Jesuuquidiito yää cuntui öwwä äjäädu’toto’comooje, adheuto’comooje’daane.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

EUJEESIYO 4:16

Töwö yoije chääjö tojoodöjo na; tameedä chääjö jäcoono tojoodöjoojä’e na chu’nädö que. Tameedä chääjö jäcoono chäänönge yeetadaawa’caja’jäcä aashicha chääjö naatö’nä’a yaawä; wä’jummanääje adai’jä nä’döa.

EUJEESIYO 4:29

A’deu conemjönö mma äntaiñe mämja’canö’jotäi, aashichaato dea mmaane, ’wa’tänei chea mmaja, wa’deutojo cu’nädö awä mma, tameedä etannamo aashicha etaiyeto.

EUJEESIYO 5:19

Änwannoje dea Cajiichaana jäcä töwa’deujä’e eichäcä, chäwwonooje töweecanta’ñä mmaja, saadomo jäcä, anejja wecanta’ñotoojo jäcä mmaja; aashicha Cajiichaana miya’deme’täiye, adheewanööcomo jadäädä.

1 TEESADOONISENSE 5:11

Yääje yeijäcä ä’wa’dätääcä änwannoje dea; ä’jädu’tätääcä, tönnöe määnetäänedööje dea.