1 CODINTIYO 14:2 - Wanaadi A'deddu

² Ñäädä anejja a’deucwato wa’deuwödö na’deuwa soto wwäiñe’da, Wanaadi wwääne, soto aneeta’da yeichomjäcä yää ya’deuwödö. Epíiditu Santo woije ya’deutaame, yaawääne’ owaanojöönö ai na’deuwa.

1 CODINTIYO 14:2 ပူးပေါင်းရင်းမြစ်များ

MATEO 13:11

Töwö cöneccujä’a’to: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Chäwwäiñe mmaane etaatojo ’je’da na.

MAADOCO 16:17

Edääje na’de täneemö ecaanö’nnamo ene’ju’to’como: Tönwanno odo’sha nija’canö’jaato’de öwö yeetö joi. Anejja a’deucwe na’deuwaato’de.

MAADOCO 4:11

Töwö cönä’döaacä chäwwäiñe: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Anejjacoomo wwä mmaane yö’seeno joi ecammadö;

DOSECHO 10:46

Tönwanno cöneeta’to anejja a’deucwe ya’deuwödööcomo, aashicha Wanaadi jäcä ya’deuwödööcomo mmaja.

DOSECHO 19:6

Paudo tamäädö tödööa’jäcä ye’cäcäiñe Epíiditu Santo cönä’täi yaawä chääjäcäiñe; anejja a’deucwe cöna’deuwa’to yaawä; Wanaadi nutuudu woije cöneecammajä’a’to dea.

DOSECHO 22:9

Ñanno jaadoncomo’jödö cönääcatoncaicho tawaanato eneedö’jo; tönwanno aneeta’da cöneiya’to ñäädä öwwä cöna’deuwa’dö.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

1 CODINTIYO 12:10

Anejja wwä nä’tua täneemö tödöötojo; anejja wwä ’quene Wanaadi nutuudu woije ecammajo’tojo. Anejja wwä nä’tua Epíiditu Santo woijatooje yeichö chö’tamme’tojo, odo’sha woijatooje yeichö jeiñe mma. Anejja wwä nä’tua anejja a’deucwe ya’deutojo; anejja wwä ’quene anejja a’deucwe wa’deuwö’jä ecammajo’tojo.

1 CODINTIYO 12:28

Mädääje mmaja Wanaadi cönnöi quedeiyentecoomo weicho’como: Awa’de anonta’como; yäätonno Wanaadi nutuudu woije ecammajä’nnamo; yäätonno owaanomannamo; yäätonno täneemö tödönnamo, äjiichö’tännamo mmaja, ’wa’tännamo mmaja, soto e’se’tännamo mmaja, anejja a’deucwe töwa’deuwaamo mmaja.

1 CODINTIYO 13:1

Anejja soto a’deucwe wa’deuwa’jäcä, amoode a’deucwe mmaja, wä’jummanä ’je’da weichaame, samjuda wä’dheucwadö nönge mma wa yaawä, jadancaana wä’dheucwadö nönge jeiñe mma.

1 CODINTIYO 13:2

Wanaadi nutuudu woije ecammajä’neije weiya’jäcä mmaja, jooje towaanojo’ne weiya’jäcä mmaja, ecamjödö öwwä töweiye yeiya’jäcä jöö eseecatoojo jadä’jödöödä, yaawääne’ wä’jummanä ’je’da weiya’jäcä a’que wa.

1 CODINTIYO 14:16

Odo’tadö que mma aashicha Wanaadi jäcä awa’deuwa’jäcä yaawä ñäädä aneetajöönö awa’deuwö’jödö jäcä chö’tajä’jai’cha na, eta’jödööjönö chäwwä.

1 CODINTIYO 14:26

Mädääje na jimmä; awe’jummadaawäiñe awaadäiñe tödööjai maato. Anejja wecanta’ñänä dha’me eijai ña, anejja ’quene woowanoomanä dha’me, anejja mmaane töwwä Wanaadi neneejodö, anejja a’deucwe wa’deunä jeiñe mma, yää ecammajo’tojo jeiñe mma. Tameedä yää tödööjai maato quedeiyentecoomo wä’jädu’toto’comooje.

1 CODINTIYO 15:51

Edä owaanojöönö’jödö odhoowanääcäiñe yei’she wa: Tameedä’da töwä’ja’aamoje caato, töwenwacaamaamoje mmaane caato tameedä,

1 CODINTIYO 2:10

Epíiditu Santo yää tönaawanaanö’ca weneene cöwwäiñe, Wanaadi woije. Ñäädä Epíiditu Santo tameedä nemmenca, sö’jato Wanaadi nödöödö jadä’jödöödä.

1 CODINTIYO 2:7

Ñaa töneecammajä’e weneene Wanaadi sejjedö owaanojöönööne, yää owaanäcä’da jenaadä cönä’ja’dö, edä nono tödöödö owaajodä cöwääwanaacato’comooje Wanaadi cöneejodöichö.

EUJEESIYO 6:19

Öwö jääcä mmaja Wanaadi wwä adha’deutäcä’dede, soto wwäiñe wa’deuwödö waadäi wa’deutojo äntuiye yaawä, tösaade’da wecammajäätöiye yaawä aashichaato wätunnä owaanojöönö’jödö jäcä.

CODOOSENSE 2:2

Tötö’tajäätödööcomo jäcä yä’jädu’tä’seiñe wa, äänönge töwä’jummancädäiñe. Chäwwäiñe yeejamö’se wa ecamjödö chäänöngato, yää towaanojo’ne weiñawä töweiye naichö. Quidiito dhowaanäcäiñe yei’she wa dea, ñäädä Wanaadi woije jenaadä owaanäcä’da cönä’ja’dö.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

1 TIIMOTEO 3:9

Tönwanno dhowaanäcäiñe eijai ña Wanaadi a’deddu owaanojöönö’jödö, chäänönge tötö’tajäätödööcomo yeiyancädä.

APOOCADIISI 10:7

Yää anootoi’chädö awä dea, aacä amoojatooto amoode wwä waajänta’jäcä töjaanau’cwai etöödö, Wanaadi necamma’jödö owaanojöönö’jödö neja’dä’a’de, yää tanoonö wwäiñe cöneecammajäätöichö, ñanno ta’deddu ecammajä’nnamo; quee cönä’döaacä amoode.