1 CODINTIYO 14:13 - Wanaadi A'deddu

¹³ Ñäädä anejja a’deucwato wa’deuwödö Wanaadi wwä e’ca’jai ña töwa’deuwö’jödö ecammatoojo soto wwäiñe.

1 CODINTIYO 14:13 ပူးပေါင်းရင်းမြစ်များ

MAADOCO 11:24

Yääje yeijäcä yääje wä’döä äwwäiñe, tameedä Wanaadi wwä ane’catäädöcoomo ecaanö’täcä utuudu; yaawä äwwäiñe nä’tua’de.

DOSECHO 1:14

Tameedä ñanno weiñäje töwe’jumma cönä’ja’to Wanaadi wwä töwa’deuwödööcomo wetä Jesuuquidiito acontomo jadä, yeenö Madía jadä mmaja, anejjacoomo wodiiñamo jadäiñe mmaja.

DOSECHO 8:15

Peedhodo wä’döa’comjäcä tönwanno Wanaadi wwä cöna’deuwöicho Samaadiya ñancomo quedeiyentecoomo jäcäiñe, Epíiditu Santo ’je yä’dödööcomo wetä,

1 CODINTIYO 12:10

Anejja wwä nä’tua täneemö tödöötojo; anejja wwä ’quene Wanaadi nutuudu woije ecammajo’tojo. Anejja wwä nä’tua Epíiditu Santo woijatooje yeichö chö’tamme’tojo, odo’sha woijatooje yeichö jeiñe mma. Anejja wwä nä’tua anejja a’deucwe ya’deutojo; anejja wwä ’quene anejja a’deucwe wa’deuwö’jä ecammajo’tojo.

1 CODINTIYO 12:30

äjiichö’tännamooje jeiñe mma? ¿Tameedä ca anejja a’deucwe töwa’deuwe naicho? ¿Tameedä ca anejja a’deucwe wa’deuwö’jä ecammajä’nnamooje naicho? Ng’jn, tameedä’daane.

1 CODINTIYO 14:12

Yääje yeijäcä jimmä, Epíiditu Santo nu’jätöödö tujunne yeiya’jäcä äwwäiñe yääne encano’tätääcä, quedeiyentecoomo i’wa’toto’comoone.

1 CODINTIYO 14:14

Anejja a’deucwe Wanaadi wwä wa’deuwa’jäcä do’tadö mma na’deuwa, tö’taajäätödö mmaane yää wa’deuwö’jödö äntö’tammecö’da na.

1 CODINTIYO 14:26

Mädääje na jimmä; awe’jummadaawäiñe awaadäiñe tödööjai maato. Anejja wecanta’ñänä dha’me eijai ña, anejja ’quene woowanoomanä dha’me, anejja mmaane töwwä Wanaadi neneejodö, anejja a’deucwe wa’deunä jeiñe mma, yää ecammajo’tojo jeiñe mma. Tameedä yää tödööjai maato quedeiyentecoomo wä’jädu’toto’comooje.