1 CODINTIYO 12:8 - Wanaadi A'deddu

⁸ Anejja wwä Epíiditu Santo ai Wanaadi nu’a tösejjeque ya’deutojo; anejja wwä ’quene Wanaadi nu’a towaanojo’ne ya’deutojo, ñäädä dea Epíiditu Santo ai.

1 CODINTIYO 12:8 ပူးပေါင်းရင်းမြစ်များ

MATEO 13:11

Töwö cöneccujä’a’to: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Chäwwäiñe mmaane etaatojo ’je’da na.

DOSECHO 6:3

Yääje yeijäcä ajimmotoncomo aneedantätääcä aacä amoojato dhanwaacomo, aashicha’como chääcadö dea, towaanojo’na’como, Epíiditu Santo jäduudu ’ja’como mmaja. Ñanno wwäiñe mädä tödööjotääcä.

DOMAANO 15:14

Jimmä, öwö yoowanääcä na aashichaato tönnöe aweichöcoomo, töseedujä’ne aweichöcoomo mmaja, änwannoje dea ä’wätuujajai aweichöcoomo mmaja.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 1:5

Quidiito jadä aweichomjäcä tameedä Wanaadi nutuudu aashichaato äwwäiñe na, awa’deuto’como, tösejjeque aweicho’como mmaja.

1 CODINTIYO 13:2

Wanaadi nutuudu woije ecammajä’neije weiya’jäcä mmaja, jooje towaanojo’ne weiya’jäcä mmaja, ecamjödö öwwä töweiye yeiya’jäcä jöö eseecatoojo jadä’jödöödä, yaawääne’ wä’jummanä ’je’da weiya’jäcä a’que wa.

1 CODINTIYO 13:8

Wä’jummanä ataame’da na’de. Wanaadi nutuudu woije ecammajäätödö mmaane nataamea’de, anejja a’deucwe wa’deunä mmaja; towaanojo’ne weiñä mmaja nataamea’dede.

1 CODINTIYO 14:26

Mädääje na jimmä; awe’jummadaawäiñe awaadäiñe tödööjai maato. Anejja wecanta’ñänä dha’me eijai ña, anejja ’quene woowanoomanä dha’me, anejja mmaane töwwä Wanaadi neneejodö, anejja a’deucwe wa’deunä jeiñe mma, yää ecammajo’tojo jeiñe mma. Tameedä yää tödööjai maato quedeiyentecoomo wä’jädu’toto’comooje.

1 CODINTIYO 14:6

Jimmä, edääje yeiya’jäcä naadö naane’, anejja a’deucwe wa’deuwancädä adöiñaiñe ööta’jäcä, ¿aaquene mmaja mani’wa’tätäädö deeade’ ? Öwwä Wanaadi neneejo’jödö jäcä täcammajä’emö dha’me ööta’jäcä mmaane ä’wa’täjaiñe wa, chäänöngato wätunnä jäcä ecammajäätödö dha’me weiya’jäcä jeiñe mma, Wanaadi a’deddu täcammajä’emö dha’me jeiñe mma, odhoowanoomato’como dha’me jeiñe mma; mädä nöngato dha’me ööta’jäcä ä’wa’täjaiñe wa.

1 CODINTIYO 2:11

Soto dhowaanäcä’da töweiye nai töjimmä tö’tajäätödö, töwö dea mma dhowaanäcä na tötö’tajäätödö. Mädääje mmaja Wanaadi tö’tajäätödö owaanäcä’da na, Epíiditu Santo mma dhowaanäcä na.

1 CODINTIYO 2:16

Edääje Wanaadi a’deddu imennaajä nä’döa: “¿Änääcö dhowaanäcä nai Cajiichaana tö’tajäätödö? ¿Änääcö Wanaadi onoowanoomadö’de?” quee nä’döa. Cönwanno cöwwäiñe töweiye na Quidiito tö’tajäätödö.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 11:6

A’deu edhaajäje’da weichaame, sejjedö mmaane töweiye na. Mädääje töweichö äwwäiñe töwäänejo töweiye ñaa cönä’jaacä weiñäje.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

2 CODINTIYO 6:6

Chäänönge töweichö que Wanaadi anoonöje ñaa weichö töwäänejo ñaa weneene dea, chäänöngato jäcä towaanojo’ne töweichö que mmaja, aashicha tönshinchä töweichö que mmaja, ta’cwaiñe töweichö que mmaja, Epíiditu Santo ’je töweichö que mmaja, chäänöngato wä’jummanä ’je töweichö que mmaja.

2 CODINTIYO 8:7

Änwanno anejja jäcä a’que’da’da maato: ecamjödö jäcä, ecammajäätödö jäcä mmaja, sejje jäcä mmaja, chäänönge tödööjätö’se weiñä jäcä mmaja, ñaa jummadö jäcä mmaja. Yääje yeijäcä yää aashichaato tödöödö wecammaadö jäcä mmaja a’que’da’da eijai maato dea.