1 CODINTIYO 12:27 - Wanaadi A'deddu

²⁷ Änwanno maato Quidiito ejööje; awaadäiñe chääjäcoonoje maato.

1 CODINTIYO 12:27 ပူးပေါင်းရင်းမြစ်များ

DOMAANO 12:5

Mädääje mmaja cönwanno quedeiyentecoomo; wanna cöweichaameiñe tooni chääjö caato, Quidiito jadä cöweichomjäcä. Tojoodöjoojä’e caato yää dea ejööje cöweichöcoomo wetä.

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 10:17

Wanna cöweichaameiñe yää dea uu cäu’cato, tooniyaano; yääje yeijäcä tooni chääjöje caato.

1 CODINTIYO 12:12

Cäjööcomo naadö naane’, tooni chääjö yeichaame jooje chääjocoono ejoodöjaajä. Mädääje mmaja Quidiito.

1 CODINTIYO 12:26

Tooni adheejö jäcoono wäntunaanö’a’jäcä tameedä adheejö näntunaanö’a yaawä. Tööni adheejö jäcoono aashichaato oneeja’jäcä tameedä adheejö na’cwaincha yaawä.

1 CODINTIYO 6:15

¿Odhoowanääcäiñe’da ca’ nai adheejöcoomo Jesuuquidiito ejö jäcoonoje yeichö? Yääje yeiya’jäcä ¿aashicha eijai ñai masuudui ejö jadä Jesuuquidiito ejö ejoodöjoodö? Ng’jn, aashicha’daane.

EUJEESIYO 1:23

Ñanno quedeiyentecoomo Quidiito ejööje naato; tönwanno naato Quidiito weichö ’je, ñäädä tameedä yeichö wa’cä naadö.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

EUJEESIYO 5:23

Dhanwa wodi ju’jäje na, Quidiito quedeiyentecoomo ju’jäje naadöje mmaja. Quidiito dea quedeiyentecoomo Ewaanacaaneichomooje na dea, ñanno chääjöje naatoodö.

EUJEESIYO 5:30

täjööje yeichomjäcä. Cönwanno ñanno chääjö jäcoono, ijuunuja’como, ye’jäja’como mmaja.

CODOOSENSE 1:18

Quidiito na chääjö ju’jäje, ñanno quedeiyentecoomo ju’jäje. Töwö na yeicho’como u’neije, awa’deenato töwäämaajo jonnoto waadoncaajä mmaja, tameedä o’jodhaatoje töweichö wetä.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

CODOOSENSE 2:19

Ñäädä yääjato Quidiito jadä’da na, ñäädä iju’jäje naadö. Töwö Quidiito chääjö ju’jäje töweijäcä tameedä chääjö natö’nä’ja ewanshinchädö que; töwö dea chääjö nejoodöja chu’nädööcomo ai, Wanaadi nijummadö woije.