1 CODINTIYO 12:18 - Wanaadi A'deddu

¹⁸ Yääje’daane na; chääwaadäiñe Wanaadi cönnöi adheejö jäcoono, tumjummadö woije.

1 CODINTIYO 12:18 ပူးပေါင်းရင်းမြစ်များ

DUUCA 10:21

Yaawä Jesuuquidiito cöna’cwainchai Epíiditu Santo woije. Töwö cönä’döaacä: —Ta’cwaiñe wäänene äjääcä Jaaja, amäädä caju Edhaajä, nono Edhaajä mmaja, edä anaawanaanö’ca’da awei’jödö weijäcä towaanojo’na’como wwä, töseedujä’na’como wwä mmaja. Mudeeshi’chä nönga’como wwä mmaane mawaananö’cane. Chäänönge na, Jaaja, mädääje tödö’se aweiyeetö’da.

DUUCA 12:32

“Tösaade’daane eichäcä, änwanno sootoi, oweeja nönga’como. Wanna’da aweichaameiñe Oomotoncomo acaajichaanaichomooje na.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

DOMAANO 12:6

Cöwwäiñe Wanaadi cuntui cöwaadäiñe cöweicho’como, utu’se töweichö woije. Chäänönge tödööjai caato yää cöweicho’como u’ajä. Ñäädä Wanaadi nutuudu woije ecammajä’nei, töneecamjödö ’cäwa’cä ecammajä’jai ña;

1 CODINTIYO 12:11

Tameedä mädoocomo nödööa ñäädä tooniyaano Epíiditu Santo. Töwö tumjummadö woije cöwaadäiñe cöweicho’como nu’a.

1 CODINTIYO 12:17

Änuuje mma aweiya’jäcä ¿ane’cäämö que maneetadööde’ yaawä? Janaaje mma aweiya’jäcä jeiñe mma ¿ane’cäämö que momjo’jödööde’ yaawä?

1 CODINTIYO 12:19

Adheejö jäcoono töudäje yeiya’jäcä, adheejöjöönö yää.

1 CODINTIYO 12:24

Täneemö mmaane ñeejontädö tujunne’da na. Cönwanno cäjööcomo jäcoono cönencano’tädööcomoojönö Wanaadi cönnöi tujunnato’cäje jeene,

1 CODINTIYO 12:28

Mädääje mmaja Wanaadi cönnöi quedeiyentecoomo weicho’como: Awa’de anonta’como; yäätonno Wanaadi nutuudu woije ecammajä’nnamo; yäätonno owaanomannamo; yäätonno täneemö tödönnamo, äjiichö’tännamo mmaja, ’wa’tännamo mmaja, soto e’se’tännamo mmaja, anejja a’deucwe töwa’deuwaamo mmaja.

1 CODINTIYO 15:38

Yää ’jeje tumjummadö woije Wanaadi nu’a chääjö. Dhadöödö waadäi töweiye na chääjöje töweiyemö.

1 CODINTIYO 3:5

¿Änääcö ñäädä Paudo? ¿Änääcö ñäädä Apoodo? Wanaadi anoonöje mma ñaa na; ñaa joi mecaanö’täne änwanno. Töwaadäi ñaa cönnöi Cajiichaana nutuudu tötaadawaajui.

EUJEESIYO 1:5

Cujummatäiñe töweijäcä jenaadä töwö Wanaadi Jesuuquidiito jäcäinchädä tönnacoomoje töweiyaamoje cä’tätääne; yääje cödööto’como töwö cöntö’tammecöi tumjummadö woije.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

APOOCADIISI 4:11

Ñäädä mma amäädä Cajiichaana Wanaadi; aashicha wa’deutojooje ma, aashicha tödööto’me mmaja ma dea, jäduujatooje täcammaamöje mmaja, tameedä tödöönei’jödööje aweijäcä. Amäädä ämjummadö woije cönaamodeetai tameedä naadö; quee cöneecanta’ña’to.