1 CODINTIYO 11:29 - Wanaadi A'deddu

²⁹ Ñäädä Cajiichaana Jesuuquidiito ejööje yeichö chö’tamme’cancädä’da täu’nei, ennei mmaja, töwö töwoije töjoona conemjönö nene’ja yää täcuudu que, enöödö que mmaja.

1 CODINTIYO 11:29 ပူးပေါင်းရင်းမြစ်များ

DUUCA 7:34

Yää ’jeje Soto nnedö cöneeja, öwö waadö. Öwö mmaane soto jadäiñe töwääwashinchä wäänene, woocödö tönenque mmaja. Ämiijatooje daja ye’tätä määnetääne, töwä’dau’cwatooje mmaja. “Conemjöncomo wacöötö mä’dä, acu’shänä jödaatai i’jummannamo wacöötö mmaja;” quee töwä’döe määnetääne jääcä.

DOMAANO 13:2

Yääje yeijäcä ñäädä acu’shänä woijemjönö Wanaadi woijato jäcä nä’jädu’ta. Ñäädä yääjato töwoije nätä’maminchaja.

1 CODINTIYO 11:24

Yaawä Wanaadi wwä töwa’deuwö’jeje yää uu cöni’yajäätöi; cönä’döaacä yaawä: “Täu’täcä; edä yää yeejö äjääcäinchädäiñe tö’dajä’e naadö. Edä tödöötäcä’de jääcä ätö’tato’comooje;” quee cönä’döaacä Jesuuquidiito.

1 CODINTIYO 11:27

Yääje yeijäcä ñäädä Wanaadi owaadäädä chäänönge’da töweiyancädä Santa Seena ennei, conemjönö nödööa Cajiichaana Jesuuquidiito ejö jäcä, dhaquiiyö jäcä mmaja.

1 CODINTIYO 11:28

Töwäätämmencaane ätämmencajai caato awa’de, cöwaadäiñe yää uu täu’cweeje, tängemö engeeje mmaja.

1 CODINTIYO 11:30

Aneene’jutu’da Santa Seena tönenque aweijäcäiñe dhantai jäduuje’da määnetääne, cädäijeiñe mmaja, dhantai töwä’ja’e mmaja.

EEWEDEO 5:14

Äwanshi ñeene mmaane na inchoncomo ewanshiñööcomooje. Ñanno dhowaanäcäiñe na aashichaato edantädö, conemjönö edantädö jeiñe mma, weiñä tö’tammecöödö jäcä töwäämu’ca töweichomjäcä.

SANTIYAACO 3:1

Jimmä, jooje’da owaanomannamooje eichäcä. Jooje’cä jeene Wanaadi wwä cä’mencajaato’de cönwanno owaanomannamo.

SANTIYAACO 5:12

Jimmä, aashicha etaatäcä edä wä’wätuujanä. Jäduuje mma määcammatäi’che. Caju ñano joi määcammatäi’che, edä nono joi jeiñe mma, anejja joi jeiñe mma. Sa’donna mmaane ääcammatääcä, “Ee”, quee mmaane, “Ng’jn,” quee jeiñe mma, conemjönööje mma mätä’tojooto’no Wanaadi wwä.