1 CODINTIYO 11:21 - Wanaadi A'deddu

²¹ Yää Santa Seena tödöödawä o’womoocö’da määnetääne; tooni nshai töwaajäntä määnetääne. Anejja miyooato, anejja ’quene töwä’dau’cwene’jödöödä.

1 CODINTIYO 11:21 ပူးပေါင်းရင်းမြစ်များ

JUAN 2:10

cönä’döaacä chäwwä: —Soto wocöödöcoomo chääjedöödö eccudu ecaamodö töweiye nai aashichaato awa’de; yää ’jeje jeene, a’dejja’como wwä enga’jäcä jeene aashichamjönöiche mma ecaamodö. Amäädä mmaane chääjedöödö eccudu aashichaato medeemuntäi eduuwa tängemööje; quee cönä’döaacä äwanshi ejoodödö edhaajä.

1 CODINTIYO 11:20

Yää yääje töwe’jumma määnetäänedö Jesuuquidiito woijato Santa Seena enöödöjöönö yää.

1 CODINTIYO 11:34

Anejja ämiije töweiya’jäcä tä’sacaane nääwashincho’ñojo, yää awe’jummadööcomo Wanaadi wwä äwäätä’maminchajooto’comooje mma ei’ño. Mädääje mma wä’dö’se wä’jaanä mädä jäcä. Yaawä adöiñaiñe ööta’jäcä anejja weiñä daja wisha’dumincha’de äwwäiñe.

2 PEEDHODO 2:13

Näntunaanö’aato’dede anejjacoomo soto cönentunamjöichodö jo’tädööje. Shiiyöcoomoje weneene anooto waadäi töweewodoichadööcomo. Jöije naato; tujuumä äwääwashinchädööcomo töncone’ma weneeneto. Conemjönö tumjummadööcomo aca töweewodoicha töweichaameiñe, ajaadäiñe dea töwääwashinchä weneeneto, yääjönö wa’cä.

JUUDHA 1:12

Jöije weneeneto, tujuumä äwääwashinchädaawäiñe töweewodoicha yeichomjäcä, wo’nontänä ’je’da. Oweeja edai’chännamo töwwäädo’como wä’jummadö töweiye naichodö nönge tönwanno. Ca’dutu conoojo ’jemjönö töweiye naichöje mmaja naato dea, jejeichä nemannäjöödöje. Dee töweejössetaatojo cu’nädö awä ejössetaajönö nönge mmaja tönwanno. Aacäde töwääma naato, dee imo’dichaajä töweiye naichöje.