1 CODINTIYO 11:17 - Wanaadi A'deddu

¹⁷ Eduuwa edä äwwadäädäiñe wimennaadö jäcä mmaane awa’deme’jaiñe’da wa. Aashichaatoje’da töwe’jumma määnetääne, aweecone’mato’comooje mma.

1 CODINTIYO 11:17 ပူးပေါင်းရင်းမြစ်များ

DOMAANO 13:3

Ñanno cajiichaanaje naatoodö aashicha’como ecaatoncannamooje’da naato, conemjönö tödönnamoone. Acu’shänä ñontä’se’da aweiya’comjäcä aashicha eichäcä, ta’cwaiñe äjääcäiñe eiye yaawä.

1 CODINTIYO 11:2

Jimmä, äjääcäiñe ta’cwaiñe wäänene öwö jääcä tötö’tajä’e aweichomjäcä, chäänönge tönnöe aweichomjäcä mmaja äwwäiñe neecammajäätödö’jödö.

1 CODINTIYO 11:20

Yää yääje töwe’jumma määnetäänedö Jesuuquidiito woijato Santa Seena enöödöjöönö yää.

1 CODINTIYO 11:22

¿Aaquene äwä’dö’se aweichöcoomo mädä? ¿Adhe’sadööcomo ’je’da ca’ nai äwääwashinchoto’como? Quedeiyentecoomo dajaane michiiñeme’cato mädä ännödööcomo que; ñanno wentumja’como mmaja cone’da mödööjaato dea. ¿Aaquene ä’döjai wanä äwwäiñe, “Ta’cwaiñe wa äjääcäiñe,” quee ’ja? Ng’jn, yääje ä’döjai’cha wa.

1 CODINTIYO 11:34

Anejja ämiije töweiya’jäcä tä’sacaane nääwashincho’ñojo, yää awe’jummadööcomo Wanaadi wwä äwäätä’maminchajooto’comooje mma ei’ño. Mädääje mma wä’dö’se wä’jaanä mädä jäcä. Yaawä adöiñaiñe ööta’jäcä anejja weiñä daja wisha’dumincha’de äwwäiñe.

1 CODINTIYO 14:23

Tameedä quedeiyentecoomo we’jumma’comjäcä naadö naane’, yaawä tameedä änwanno anejja a’deucwe awa’deuwa’comjäcä, ¿i’jeta’jödö nönge jönca adhe’täjaiñe nai quedeiyentejöönö adöiñaiñe yoomonga’jäcä, towaanojo’nemjönö womonga’jäcä jeiñe mma?

1 CODINTIYO 14:26

Mädääje na jimmä; awe’jummadaawäiñe awaadäiñe tödööjai maato. Anejja wecanta’ñänä dha’me eijai ña, anejja ’quene woowanoomanä dha’me, anejja mmaane töwwä Wanaadi neneejodö, anejja a’deucwe wa’deunä jeiñe mma, yää ecammajo’tojo jeiñe mma. Tameedä yää tödööjai maato quedeiyentecoomo wä’jädu’toto’comooje.

EEWEDEO 10:25

Cöwe’jummadööcomo e’nomjajai’cha caato, dhantai tä’da weneenetoodöje’daane. Töwä’wätuuja mmaane ä’wätuujajai caato, jooje’cä jeene eduuwa, amoinche’da Cajiichaana Jesuuquidiito we’tojo weijäcä.

1 PEEDHODO 2:14

dho’noichato yeiya’jäcä jeiñe mma. Ñanno dho’noicha’como, acu’shänä newaacadö ñanno, conemjönö dönnamo maminchannamooje, aashichaato dönnamo ya’deme’nnamooje mmaja.