1 CODINTIYO 10:27 - Wanaadi A'deddu

²⁷ Adheewashinchädö wetä tömmai chaca adha’dejja’jäcä quedeiyentejöönö wwä, äätä’se aweiya’jäcä, tameedä töwö inchudu tänääcä’de, chu’taajä wwä saaquidiijiisiyooje u’ajääje yeichö ecamma’jancädä’da, mädä ai mma ätö’tajäätödö maneejodööjo’no yaawä.

1 CODINTIYO 10:27 ပူးပေါင်းရင်းမြစ်များ

DUUCA 15:23

Jaaca nnedö’cä ejuiñanö’caajä eichantäcä, mamiiñä’catäiye; ta’cwaiñe cääwashinchätäiye, tujuumä.

DUUCA 19:7

Yää eneedö’jo tameedä soto cönenta’me’ca’to; cönä’döa’to: —Conemjönö tödöönei mmai chaca Jesuuquidiito nääwa’täi; quee.

1 CODINTIYO 10:25

Tameedä tänäämö ejeemajootojo tacaano tänääjai maato chu’taajä wwä saaquidiijiisiyooje u’ajääje yeichö ecamma’jancädä’da, mädä ai mma ätö’tajäätödööcomo maneejodööjoto’no yaawä.

2 CODINTIYO 1:13

Äwwadäädäiñe ñaa tömmennä weneene äwwäiñe ata’de’täjaicho mma, odhoowanääcäiñe eijaicho mmaja. Odhoowanääcäiñe yeichaame jooje’cä jeene odhoowanääcäiñe yei’she wa ñaa jäcä ta’cwaiñe eijai aweichöcoomo Cädhaajotoncomo Jesuuquidiito we’a’jäcä, äjääcäiñe ta’cwaiñe ñaa eijai ñaadöje mmaja.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

2 CODINTIYO 5:11

Yääje yeijäcä, Cajiichaana Jesuuquidiito tönontämje yeichö ñaa owaanäcä yeijäcä, soto wwäiñe töneecammajä’e ñaa weneene. Töwö Wanaadi dhowaanäcä na ñaa weichö; änwanno mmaja ñaa weichö chö’tamme’jai maato dea.