1 CODINTIYO 10:13 - Wanaadi A'deddu

¹³ Yää wä’yunaacanä ojoonaiñe töwe’e weneenedö tameedä soto noneejaatöcoomo dea yää. Chäänöngato ñäädä Wanaadi, töwö ayuunacaajotäiñe’da na adhe’jodheena’como que. Äwä’yunaacajoodöcoomo waadäi töwö Wanaadi nu’a äwwäiñe e’jodheinchatoojo, yää shinchädö wetä äwwäiñe.

1 CODINTIYO 10:13 ပူးပေါင်းရင်းမြစ်များ

MATEO 6:13

Ñaa mäiñunaacajoi’che; tösancwajoone ñaa sancwajoocä conemjönö jonno. Ñäädä mma amäädä Cajiichaana Jäduujato, aashichato wa’deuto’mato mmaja, yeichöödäje. Amén; quee caichäcä’de.

DUUCA 11:4

Ñaa cone’nadiiyö encwanno’jocä, ñaa mmaja tameedä töjääcä conemjönö tödöödö tönencwanno’jo ñaa weneenedööje mmaja. Ñaa mäiñunaacajoi’che; tösancwajoone ñaa sancwajoocä conemjönö jonno; quee caichäcä’de; quee cönä’döaaca Jesuuquidiito.

DUUCA 16:26

Dhanwadö mmaja cantawäiñe na dea. Eetonno adöiña töötä’sato täjai’cha na; chäänönge mmaja mänsenno ñaa döiña töweejö’sato e’jai’cha;” quee cönä’döaacä Aawadán.

DUUCA 22:46

Töwö cönä’döaacä chäwwäiñe: —¿Aaquene mädä wa’cä ännö’cato dea? Ä’jätääcä; Wanaadi wwä adha’deutäcä, mä’yunaacajooto’no; quee Jesuuquidiito cönä’döaacä chäwwäiñe.

DOSECHO 27:44

Yää ’jeje ñanno töjäänemjöncomo daja ijäänömjai ñaato tauda de’wä, jidaawa datomjödö de’wä jeiñe mma; quee cönä’döaacä suddau edhaajotoncomo. Mädääje tönwanno nono cöneejodöicho; ä’jajo’da cöneiya’to tameedäädä.

1 CODINTIYO 1:9

Chäänöngato ñäädä Wanaadi, töwö dea adha’dejjatääne Tönnedö Jesuuquidiito jimmäje aweichöcoomo wetä, ñäädä Cädhaajotoncomo.

2 CODINTIYO 1:10

Töwö Wanaadi ñaa ewaanacaane yää joojato conemjönö ñaa emaajaicho jonno; mädä nöngato we’a’jäcä mmaja töwö ñaa ’wa’ta’dede. Töwö dea ñaa necaanö’a ñaa ’wa’täneije.

1 TEESADOONISENSE 5:24

Chäänöngato ñäädä adha’dejjaneichomo’jödö; töwö dea mädääje äyöödöaato’de.

2 TEESADOONISENSE 3:3

Chäänöngato ñäädä Cädhaajotoncomo. Töwö äjäädu’taato’de; adheewontaato’dede conemjönö wwä.

2 TIIMOTEO 4:18

töwö dea yeewanaaca’de tameedä conemjönö jonno; aashicha yeedai’cha’de töjaatacäi caju ña wä’dödö jonaane. Töwö aashicha wa’deutojooje na, yeichöödäje. Amén.

EEWEDEO 10:23

Yäätäädä cötö’tajäätödööcomo cöödöto’ñojo cöwo’womoocödööcomo jäcä, cöweejäduuqueancädäiñe’da, cowaanäcäiñe yeijäcä chäänönge Wanaadi wwä tödöötojo yää cöwwäiñe töneecamma’jödö.

EEWEDEO 11:11

Ecamjödö que mmaja Saada töwensu’taamöje cönä’döi, yennacaatojo töweeja’dä’e yeichaame. Töwö cönennecai yaawä töwwä ecamjö’jödö weijäcä chäänönge Wanaadi töneecamma’jödö tödööjai yeichö.

EEWEDEO 12:4

Munu töseichajoone ä’jädu’tä’da dea maato conemjönö shinchädö jäcä.

EEWEDEO 6:18

Mädääje na; aacä enwacaamajaichojöönö töweiye na, yää Wanaadi necamma’jödö, töjoi yääcamma’jödö mmaja. Yääje töwääcamma’jödö weijäcä Wanaadi ätäncu’täjai’cha na. Yääje yeijäcä cönwanno, Wanaadi wwä yoowontäja’como, yää jäcä ä’wadi’ñäjai caato, chäänönge ecaanö’jai caato dea cöwo’womoocödööcomo, yää cöwwäiñe u’ajä naadö.

1 PEEDHODO 4:19

Yääje yeijäcä ñano Wanaadi woije töwäntunaanö’aamo aashichaato tödöödöje dea nei’ña’to. Tödo’tadööcomo nedai’chojo’ña’to Wanaadi wwä, ñäädä tamoode’näneichomo’jödö chäänöngato wwä.

2 PEEDHODO 2:9

Mädääje Wanaadi ñanno cöneewanaacaicho. Töwö dhowaanäcä na dea töwoija’como ewaanacaadöcoomo yä’yunaacajoodöcoomo jonno. Töwö dhowaanäcä mmaja töwoijemjöncomo maminchadööcomo, wätä’maminchajootojo anootoi’chädö neene jona tödööene.

1 JUAN 1:9

Yaawääne’ Wanaadi wwä conemjönö cönnö’jocoomo ecamma’jäcä cöwwäiñe, täcaanö’emje töwö na chäänönge tödööjai yeichö. Töwö conemjönö cönnö’jocoomo nencwannä’ja yaawä; tameedä cöcoone’nadiiyöcoomo nichocca dea.

APOOCADIISI 19:11

Yaawä weneeaqueene caju wata’ducaadö. Yäätä cönääneaacä cawaayu, tajääde’de. Ye’wono eetö cönä’jaacä Aashichaatoje, Chäänöngatooje mmaja, chäänönge tönemmenca yeijäcä, töweewänä’tä mmaja.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.