1 CODINTIYO 10:11 - Wanaadi A'deddu

¹¹ Tameedä yää cadai’choncomo wei’jocoomo na cöwä’wätuujato’comooje. Yää tömennä na cöwä’sejje’toto’comooje, cönwanno anooto wataamedö enennamo.

1 CODINTIYO 10:11 ပူးပေါင်းရင်းမြစ်များ

MATEO 13:39

Ñäädä chu’dedö, conemjönö ñaatö’tänei’jödö, odo’sha cu’tädö ñäädä. Yää aiyodö cu’nädö anooto wataamedö cu’tädö. Ñanno äiña aiyonnamo ñanno Wanaadi amoodedö cu’tädö.

MATEO 13:40

Yääje mmaja na’de anooto wataamedaawä, yää woi cönnaichodööje dea, cöiñau’cwaichodööje mmaja.

DOMAANO 13:11

Mädä tödööjai maato mädä weiñä caatoodö chö’tamme’cancädä; cöwo’joto’como cu’nädö aca yä’döaajä mädä eduuwa. Eduuwa cöwääwanaacato’como amoinche’da na, queecanö’taneedawä cönä’ja’dö o’näde.

DOMAANO 13:12

Coijaicho ejä’dä’jai nä’döi eduuwa, awaanajai nä’döi. Yääje yeijäcä yää tööjano’taca tödööemö e’nomjajai caato eduuwa; cöwoowontoto’como cöödötäiye, suddau tawaanato aca töweewänä’täämö töweiye naichöje.

DOMAANO 15:4

Yää jenaadä Wanaadi a’deddu imennaajä jäcä cönä’mennäichö tömennä na cöwoowanoomato’comooje, yäätäädä cöweichöcoomo wetä cönwomoocödööcomo jäcä, Wanaadi a’deddu ni’wa’tädö que.

DOMAANO 4:23

Töwö Aawadán jäcä mma’da yää tömennä na: “Ñeecamjödö jäcäinchädä Wanaadi töjaadonooje cönnöi;” quee naadö;

1 CODINTIYO 10:6

Yääje yei’jocoomo na cöwä’wätuujato’comooje, conemjönö ämjumma’da cöweichöcoomo wetä, tönwanno cönä’ja’todööje’da.

1 CODINTIYO 7:29

Edääje wä’dö’se weichö mädä jimmä: Amoinche’da nä’döi chu’nä’taajä. Eduuwa naadö jonno ñanno tö’dha’como eijai ñaato tö’dhemjöncomo nönge;

1 CODINTIYO 9:10

cöwwoncomooje mmajaane yääje tömennä na, cöwäätuujato’comooje, cöwoowanoomato’comooje mmaja. Ñäädä ñaatö’tänei, natö shoomanei mmaja, töweetadaawa’cajo weneeneto töwwäiñe täu’tojo towaanäcäiñe yeiyancädä.

CAADATA 4:24

Tameedä mädä yei’jödö naadö yö’seeno joi täcammajä’emööje na. Ñanno wodiiñamo naato aacä weiñä ecammaajä cu’tädööje. Ñäädä Acaada Sinaí ’jödö de’cäi weiñä ecammaajä cönä’tuichö cu’tädööje na. Ñanno Acaada nnacoomo naato anooje, töwoijeiñe’da, yennu’jocoomoodä.

JIDIIPENSE 4:5

Ta’cwaiñe aweichöcoomo äänejootäcä tameedä soto wwäiñe. Amoinche’da Cajiichaana na.

EEWEDEO 10:25

Cöwe’jummadööcomo e’nomjajai’cha caato, dhantai tä’da weneenetoodöje’daane. Töwä’wätuuja mmaane ä’wätuujajai caato, jooje’cä jeene eduuwa, amoinche’da Cajiichaana Jesuuquidiito we’tojo weijäcä.

EEWEDEO 10:37

Edääje Wanaadi a’deddu imennaajä nä’döa: Eduuwa mma ñäädä töwe’emööje naadö ne’a’de; töwö encwainchejö’da na’de.

1 JUAN 2:18

Önnacoomo’cä, anooto wataamedö cu’nädö aca yä’döaajä mädä eduuwa. Änwanno metaatäne Quidiito tu’de’tänei we’tojo jäcä. Jooje naato eduuwa Jesuuquidiito tu’de’tännamo. Mädääje yeijäcä ene’ju’jai caato anooto wataamedö cu’nädö yä’döaajäje yeichö.