1 CODINTIYO 1:24 - Wanaadi A'deddu

²⁴ Ñanno Wanaadi na’dejjadö wwäiñe mmaane Quidiito na Wanaadi jäduudu edhaajäje, shejjedö edhaajäje mmaja, judhío wwäiñe, quidiiyeeco wwäiñe mmaja.

1 CODINTIYO 1:24 ပူးပေါင်းရင်းမြစ်များ

DUUCA 11:49

“Yääje yeijäcä Wanaadi tösejjeque töweichö woije yääje cönä’döaacä: “Wa’deuwödö ecammannamo, anejjacoomo yaanonö mmaja, wanaanontaato’de yöiñaiñe. Dhantai nöja’aato’de; dhantai ’chene nimaaminchaato’de;” quee Wanaadi cönä’döaacä.

DUUCA 7:35

Yääje yeichaame wätunnä ecannö’nnamo aashicha yeiya’comjäcä owaanäcä yaawä yää wätunnä chäänönge yeichö; quee cönä’döaacä Jesuuquidiito.

DOMAANO 1:16

Aashichaato wätunnä jöichajo’da na yää Wanaadi töjääduduuje tönnöe yeijäcä tameedä ecaanö’nnamo ewaanacaato’comooje, judhío ewaanacaato’comooje awa’de, judhíojöncomo ewaanacaato’comooje mmaja.

DOMAANO 1:4

Töwäämaajo jonno Jesuuquidiito waadoncadö que Epíiditu Santo cöneecadeeme’joi Wanaadi nnedö jäduujatooje yeichö.

DOMAANO 1:7

Edä wimenna äwwadäädäiñe, tameedä änwanno Dooma ñancomo, Wanaadi nijummadö, tösootoije Wanaadi ne’tädö. Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

DOMAANO 9:24

Töwö Wanaadi ca’dejjatääne judhíocoomo, judhíojöncomo mmaja.

1 CODINTIYO 1:18

Cuduusa jäcä Quidiito wääma’jödö jäcä ecammajäätödö na i’jeta’jödö nönge ñanno töwännanö’aamo wwäiñe; cönwanno töwääwanaacaamo mmaane cowaanäcäiñe na Wanaadi jäduuduje yeichö.

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 1:9

Chäänöngato ñäädä Wanaadi, töwö dea adha’dejjatääne Tönnedö Jesuuquidiito jimmäje aweichöcoomo wetä, ñäädä Cädhaajotoncomo.

CODOOSENSE 2:3

Quidiito ñäädä tameedä sejje edhaajä, towaanojo’ne weiñä edhaajä mmaja.