1 CODINTIYO 1:23 - Wanaadi A'deddu

²³ Yääje yeichaame ñaa töneecammajä’e weneene Quidiito, ñäädä cuduusa jäcoono wääma’jödö. Yää ecammajäätödö na judhío cone’da yä’döjooto’comooje, judhíojöncomo wwäiñe ’quene na i’jeta’jödö nönge.

1 CODINTIYO 1:23 ပူးပေါင်းရင်းမြစ်များ

MATEO 11:6

Ta’cwaiñe eijai ña ñäädä chäänöngeedä yeecanö’nei; quee cönä’döaacä Jesuuquidiito Juan nowaanomaadö wwäiñe.

MATEO 13:57

Tönwanno cone’da cönä’ja’to chääjäcä. Yaawä Jesuuquidiito cönä’döaacä chäwwäiñe: —Aneiñaja Wanaadi wa’deuwödö ecammanei aashicha tönnöe naicho. Ijaatawoncomo mmaane tönquiiñeme’que, yä’jimmä’tädö mmaja; quee cönä’döaacä.

DUUCA 2:34

Yaawä Simeón Wanaadi wwä cöna’deuwöi chääjäcäiñe. Cönä’döaacä yaawä yeenö Madía wwä: —Edääje wä’dö’se wa äwwä: Määdhä mude’cä’cä na’de jooje iisadaaediitacoomo wejuccato’comooje; dhantai mmaane yaadoncato’comooje na’de. Töwö ta’dumi ñönge na’de; töwä’quiiñeme’jo mma nä’quiiñeme’ja’de.

1 CODINTIYO 1:18

Cuduusa jäcä Quidiito wääma’jödö jäcä ecammajäätödö na i’jeta’jödö nönge ñanno töwännanö’aamo wwäiñe; cönwanno töwääwanaacaamo mmaane cowaanäcäiñe na Wanaadi jäduuduje yeichö.

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

1 CODINTIYO 1:28

Töwö Wanaadi cönei chea edä nono de’wono täneejuquemjönö, chiiñeme’cajä mmaja, wacööjönö mmaja, ijoqque’da tödöödö wetä yaawä ñäädä edä nono de’wono täneejucaato.

1 CODINTIYO 2:14

Ñäädä Epíiditu Santo woijemjönö Epíiditu Santo nödöödö tömjo’ma weneene, i’jeta’jödö nönge yeijäcä chäwwä. Töwö yää etaajai’cha na, Epíiditu Santo ni’wa’tädö queene yää chö’tammecöödö yeiyajä.

1 CODINTIYO 2:2

Ajaadäiñe weichö anejja jäcä tö’tajäätö’se’da wä’jaaquene, Jesuuquidiito jäcä mmaane, cuduusa jäcä yääma’jödö jäcä mmaja.

1 CODINTIYO 4:10

Jesuuquidiito jo’tädööje i’jeta’jödööje ñaa e’tätä soto weneeneto, änwanno mmaane quedeiyente towaanojo’na’como. Ñaa na jäduuje’da; änwanno mmaane jäduuja’como wa’cä. Soto ñaa quiiñeme’tä weneeneto, änwanno mmaane yaacö’comje.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

CAADATA 3:1

Änwanno jimmä, Cadaasiya ñancomo, ¿aaquene mädä wa’cä aneene’jutu’da maato? ¿Änääcö ä’jedäätäne chäänöngato wätunnä woije’da aweichöcoomo wetä? Aneetadööcomooje ñaa cöneecammajäätöi Jesuuquidiito cuduusa jäcä yääma’jödö. Yää cönä’jaacä äwwäiñe eneedö wa’cä.

CAADATA 5:11

Jimmä, siicunsidaadoje soto tödööjodööcomooje dea weiya’jäcä yaawä tu’de’tä’da judhíocoomo eichöto. Yääje weiñä jäcä ecammajäätödööje dea weiya’jäcä, chäwwäiñe se’ne’daane eichö Quidiito wääma’jödö jäcä ecammajäätödö.

CAADATA 6:14

Öwö mmaane anejja jäcäinchädä o’jodhe tö’tajäätö’se’da wa; cuduusa jäcä Cädhaajotoncomo Jesuuquidiito wääma’jödö jäcäinchädä mmaane yääje chö’tajä’jai wa. Cuduusa jäcä Quidiito wääma’jödö weijäcä edä nono de’wono yäämaajä nönge cönä’döi öwwä; öwö mmaja yäämaajä nönge wa dea edä nono de’wono tödöödö jäcä.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

1 PEEDHODO 2:8

Edääje mmaja imennaajä nä’döa dea: Ñäädä dhanwa na’de soto weju’co’to’me; täju soto emajjoneichomo töweiye naichöje mmaja na’dede; quee. Ñanno aneecanö’jöncomo neju’cä’aato Wanaadi a’deddu ännö’da töweijäcäiñe. Yääje töweiyaamoje dea cönä’ja’to.