1 CODINTIYO 1:21 - Wanaadi A'deddu

²¹ Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

1 CODINTIYO 1:21 ပူးပေါင်းရင်းမြစ်များ

MATEO 11:25

Yääje mma yaawä Jesuuquidiito cönä’döaacä: —Ta’cwaiñe wäänene äjääcä Jaaja, amäädä caju Edhaajä, nono Edhaajä mmaja, edä anaawanaanö’ca’da awei’jödö weijäcä towaanojo’na’como wwä, töseedujä’na’como wwä mmaja. Mudeeshi’chä nönga’como wwä mmaane mawaananö’cane.

DUUCA 10:21

Yaawä Jesuuquidiito cöna’cwainchai Epíiditu Santo woije. Töwö cönä’döaacä: —Ta’cwaiñe wäänene äjääcä Jaaja, amäädä caju Edhaajä, nono Edhaajä mmaja, edä anaawanaanö’ca’da awei’jödö weijäcä towaanojo’na’como wwä, töseedujä’na’como wwä mmaja. Mudeeshi’chä nönga’como wwä mmaane mawaananö’cane. Chäänönge na, Jaaja, mädääje tödö’se aweiyeetö’da.

DUUCA 12:32

“Tösaade’daane eichäcä, änwanno sootoi, oweeja nönga’como. Wanna’da aweichaameiñe Oomotoncomo acaajichaanaichomooje na.

JUAN 12:31

Eduuwä nä’döi edä nono de’woncomo emmencato’como aca. Eduuwä nä’döi edä nono de’wono waanontädö u’catoojo, ñäädä odo’sha.

DOMAANO 1:28

Tujumma’se’da yeichomjäcä töwö Wanaadi cöneetömaicho tötö’tajäätödööcomo wecoone’maajä woije mma yeichöcoomo wetä, tödööemjönö tödöödö wetä chäwwäiñe.

DOMAANO 11:33

Mädä wa’cä sö’je Wanaadi a’deddu nai, shejjedö mmaja, towaanojo’ne yeichö mmaja. Mädä wa’cä chö’tajäätödö nai, owaanäcä’da; iiñödö mmaja chö’tamme’que’jönö.

1 CODINTIYO 1:18

Cuduusa jäcä Quidiito wääma’jödö jäcä ecammajäätödö na i’jeta’jödö nönge ñanno töwännanö’aamo wwäiñe; cönwanno töwääwanaacaamo mmaane cowaanäcäiñe na Wanaadi jäduuduje yeichö.

1 CODINTIYO 1:23

Yääje yeichaame ñaa töneecammajä’e weneene Quidiito, ñäädä cuduusa jäcoono wääma’jödö. Yää ecammajäätödö na judhío cone’da yä’döjooto’comooje, judhíojöncomo wwäiñe ’quene na i’jeta’jödö nönge.

1 CODINTIYO 1:24

Ñanno Wanaadi na’dejjadö wwäiñe mmaane Quidiito na Wanaadi jäduudu edhaajäje, shejjedö edhaajäje mmaja, judhío wwäiñe, quidiiyeeco wwäiñe mmaja.

1 CODINTIYO 1:25

Yää Wanaadi ’jedööje töne’tä weneenetoodö soto sejjedö e’jodhe’cä na; jäduuje’da Wanaadi weichö töne’tä weneenetoodö mmaja soto jäduudu e’jodhe’cä na dea.

1 CODINTIYO 1:27

Ñäädä towaanojo’nemjönööje edä nono de’woncomo ne’tädö Wanaadi cönei towaanojo’nato jöichojoodöje; jäduujemjönööje edä nono de’woncomo ne’tädö mmaja Wanaadi cönei chea jäduujato jöichojoodöje daja.

1 CODINTIYO 11:32

Yaawääne’ chäwwä cämmenca’comjäcä mmaane, töwö cöwäätuujaato yaawä, edä nono de’woncomo jadä mmaja cöwännamjödööcomo queiñe.

1 CODINTIYO 2:14

Ñäädä Epíiditu Santo woijemjönö Epíiditu Santo nödöödö tömjo’ma weneene, i’jeta’jödö nönge yeijäcä chäwwä. Töwö yää etaajai’cha na, Epíiditu Santo ni’wa’tädö queene yää chö’tammecöödö yeiyajä.

1 CODINTIYO 4:10

Jesuuquidiito jo’tädööje i’jeta’jödööje ñaa e’tätä soto weneeneto, änwanno mmaane quedeiyente towaanojo’na’como. Ñaa na jäduuje’da; änwanno mmaane jäduuja’como wa’cä. Soto ñaa quiiñeme’tä weneeneto, änwanno mmaane yaacö’comje.

1 CODINTIYO 6:2

¿Odhoowanääcäiñe’da ca’ nai quedeiyentecoomo edä nono de’woncomo emmencannamooje töweiyaamoje yeichöcoomo? Edä nono de’woncomo emmencannamooje töweiyaamoje aweichaameiñe ¿mänö’cä mmädä choonecaajai’cha ca maato?

CAADATA 1:15

Yääje yeichaame wennudu owaajodä dea Wanaadi ye’täne; aashicha töweichö woije töwö ya’dejjane. Yaawä, tumjummadö woije

CAADATA 4:8

Jenaadä, Wanaadi odhoowanääcäiñe’da yeichö, wanaadija’como anoonöje töweiye mä’ja’quene, wanaadi ñeeneje’da yeichaameiñe ñanno.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

EUJEESIYO 3:10

Wanaadi mädä cönnöi quedeiyentecoomo jäcäiñe aneejejaiñene’jödöödoto tösejjedö ecaademeecödö wetä tameedä caju ñancomo cajiichaanacoomo wwä, jäduuja’como wwä mmaja.

CODOOSENSE 1:19

Wanaadi woije dea tameedä Wanaadi weichö Quidiito wwä na.

EEWEDEO 1:14

Ñanno tameedä Wanaadi amoodedö naato tanontaamoje mma, töwääwanaacaamo i’wa’tännamooje anonta’como.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.

EEWEDEO 7:25

Yääje yeijäcä töwö yeichöödäje ewaanacaajai ñaato ñanno töjoinchomo Wanaadi wwadäädoncomo wötäädö, yeichöödäje nudä töweijäcä; chääjäcäinchädäiñe töwö töwa’deuwe weneene Wanaadi wwä.

SANTIYAACO 4:4

Masuuduija’como änwanno. ¿Odhoowänääcäiñe’da ca’ nai edä nono de’wono tumjumma weiñä Wanaadi tu’dedööje yeichö? Ñäädä edä nono de’wono ijummanei Wanaadi tu’dedööje na.

SANTIYAACO 5:15

Ecamjödö que ya’deuwa’comjäcä cädäijato nääwanaaca’de; Cajiichaana nadonca’de. Choone’nadiiyö töweiye yeiya’jäcä nätäncwannä’ja’de.

SANTIYAACO 5:20

Ñäädä tösaadijange yeichö jonno conemjönö tödöönei sha’duminchanei yäämatoojo jonno soto newaanaca; jooje conemjönö wätäncwanno’jotoojo nejoodöja ñäädä.