Udas 1:20 - El Nuevo Testamento en matsés

²⁰ Cun utsibo, umbi tantiaidombo mibitedi neque. Chieshtoenquio icquin Esus tantiaquiota. Adquid icquin aton Mayan Bëdan tantiamiacpadombuen Nuquin Papa chianneta.

Udas 1:20 ပူးပေါင်းရင်းမြစ်များ

Hechos 15:9

Matses utsibo nec, quenquio icquin aidotsen Esus tantiamequin bëdambuen tantiamequiopondash.

Hechos 26:18

Aden chuibanac utsin utsinquien pashuacbimbuec icbuedombi tantiendac. Icsambuen naquid nebi, quequin tantienquio icbuedëmbi: Icsambuen naquid nebique. Ubi icsaid tantienquio yec bëshunta, Papa, quendac adquid. Mayan icsa Satanasën iua icbuedi Nuquin Papan bacuëbo yanendac. Adquid yansho ambi icsambuen naid ënmiac Nuquin Papan bëdambo icmiaid ubi tantiaquid utsibobëd iquendac, quequin Esusën chuipondashi.

Hechos 6:7

Adshun Edusaden yacnoshon Esus chuibennequidon Nuquin Papan Chiaid chuibennesho tantiash utsi utsiec Esus tantiaquid dadpen yampanëdash. Adecbidi isadaidbo nëish iua cuessunneshun pichicaquido dadpen bëdambuen tantiash Esus tantiaquido yampanëdash.

Hechos 9:31

Aden Saudo nidmian Esus tantiaquido nidaid Udea yacnocquido yec nidaid Cadidea caid yacnocquido yec nidaid Samadia caid yacnocquido yec quec dacuëdenquio yec tabadpanëdash. Adec tabadec: Nuquin Papan Chiaid tantiabennu, quesho Nuquin Papan Mayan Bëdan tantiamiac bëdambuec tabadpanëdash. Adec tabadquin Esus chuibansho tantiash tantiesa icbuedi Esus tantiaquid dadpenquio yampanëdash.

Doma 15:2

Utsibon ma bëdambuen tantiabenquiono, queshun aido tantiaquin nuquitedi nashunnannuna. Aden nashunac uditsëc Nuquin Papa tantiatsiash, quiash: Bëdambuec tabadnuna, quec chuinannuna.

Doma 8:15

¿Nuquin Papan Mayanënda mibitedi icsambocquidën iuabimbuecnuc dacuëdmepec? Padenquio. Mibitedi dacuëdmenquio iquec. Aidëmbi namiac mibitedi Nuquin Papan: Cun mado nec, Cun champi nec, caindac. Aidën tantiamiacpadombuen Nuquin Papa chuiquin: Papa papa, quequin nuqui chiannec.

Codinto 1 1:8

Aden tantiamiac bëdambuec tabadsho utsibon: Icsambuec tabadquido nec, catiapimbo iquec. Adquid icsho Nuquin Papan Nuquin Icbo Esuquidistu chouacnobi cuëscaquin mibitedi chieshtoenquiocquid icmendac.

Codinto 1 10:23

Mibitedi utsi utsiec: Ubi bunacpadembi nabanembi, quepec. Ai, abimbo mimbi caic. Aden naic abitedi bëdambocquidpenquio nec. Aden mibi bunacpaden naquin Esus tantiaquid utsibo mimbi bëdambuen tantiametiapimbo iquec.

Codinto 1 14:15

Tantienquiocquid icquin ¿mitsipadembimbi nape? Naden naimbi. Cun mayanën chuimiacpaden Nuquin Papa chiannembi. Cun mayanëmbidi cuëdënmiacpadec cuëdënebi. Adembidi umbimbotsen tantiacpaden Nuquin Papa chuitanec Nuquin Papa tantiec cuëdënebi.

Codinto 1 14:26

Tantia, cun utsibo. Naden mibi chuinu. Mibitedi Esus tantiec iccuedednuc utsi utsiec cuëdënte cuëdënec. Utsimbic Nuquin Papan Chiaid tantiamequin chuibanec. Utsimbic: Nuquin Papan naden ushquin isacbimbuen ismioshi, quequin Nuquin Papan ismiaid chuibanec. Utsimbic abi onquiacmaid onquete utsin onquequin chuibanec. Utsimbic abi onquiacmaidën onquete utsin onquequin chuibansho tantienquiocsho issun aid onquete tantiaquidën: Ma utsibon tantianu, queshun chuibanec. Aden chuibanquin: Ma Esus tantiaquidtedi bëdambuen tantiec chieshtoenquio yec tabadnu, queshun aidtedi nabanec tabadta.

Cadasia 4:6

Aden Aton Mado tantiaquidotedi: Cun bacuëbo nec, queshun Nuquin Papan Aton Madon Mayan meniac nuquibëd tabadec. Aden meniac aidbëd tabadquin bacuën amë: Ubi, papa, cacbimbuen Nuquin Papa nuqui chiannec.

Epeso 4:12

Aden Ubi tantiaquidtedi ma chieshtoenquio yec bëdambuec tabadec nashunnanquid icmenu, quequin Esuquidistun ambi tantiacpadombuen adquido icmebanac.

Epeso 4:16

Cun Icbombo Esuquidistu nec, quequin aidën chiacpadombuen nabanquidquio yec abi tantiaquidtedi aidbëd abentsëc yacbimbuec tabadquido nec. Esuquidistun tantiamiac canidoacbimbuen abentsëcshun abentsëcshunquien bëdambuen nabanec tantiananec tabadec abi tantiaquidtedi aidbëd abentsëc yacbimbuecquid yanendac.

Epeso 4:29

Esus tantiaquido yec icsambuen chiec onquenda. Utsibo bëdambo icmenu, quequin tantiec bëdambuen chiec onqueta: Ma Nuquin Papan aidtsen bëdambo icmepanu, quiash.

Epeso 6:18

Aton Mayanën tantiamiacpadombuen ënenquio icquin Nuquin Papa chianneta. Adec tabadquin uidënquio icquid yacbimbuen chieshtoenquio icquin Nuquin Papa tantiaquidotedi tantiaquin chianneta.

Codosas 2:7

Adec tabadquin cute aton tapun ëquëducquiocquidën uidënash nidacbimbuen Esuquidistu tantiaquid icquin aidquio tantiaquiota. Aden Esuquidistu chuiquin ubipadquidon mibitedi tantiamepanëdash. Aid tantiaquid icquin Nuquin Papa chuiquin: Mimbi nac bëdambo iquebi, Papa, quequin Nuquin Papa chianneta.

Tesadonica 1 5:11

Umbi aden chuisho tantiashun mimbi nabocpadombuembidi Esus tantiec bëdambo icnuec utsibobëd umbi chuibued chuinanquiota. Adec bëdambuec tabadec: Adequi tabadnuna, cananta.

Timoteo 1 1:4

Nadembidi chuibanta. Tsusedpabon ambembi chiampiduidi chiec tabadenda. Adembidi utsibon: Nuquin matsesën tishaid nepampic. Utsibic nuquin matsesën tishaid cuëmëdquid chuibampac caondash. Utsibic: Aidën tsiuecquidouidtsëqui bëdambo iquec, quequin dadpenquio chuibamposh. Aden chiaiduidi tantiec abembi chushcananec tabadenda, cata. ¿Adenuidi chuiquinda mimbi Nuquin Papan Chiaidquio bëdambuen tantiamepe? Nuquin Papan Chiaidquien chuitiad, cata. Aden chiac Nuquin Papa bunacpaden Esuquidistu tantiatsiash.

Timoteo 2 1:5

Naden mibi tantiembi. Tauambuen aton chichi Doidabëtan aton tita Eunisen Esus tantiabenondacpadombuen Timoteontsen nëbi Esus tantiaquiec, quequin mibi tantiembi.

Tito 1:1

Pabado nebi. Nuquin Papan namiaidquio nebi. Adembidi Esuquidistun: Ubi chuibenneta, caid nebi. Nuquin Papan: Nëido cun matses nendac, caido yec Esuquidistu tantiaquidombo ma icpanuna. Adquid yec ma Nuquin Papan chiacpadec bëdambuec tabadpanuna, quequin chuibanec nebi.

Santiaco 2:22

Abadauanën Nuquin Papan Chiaid niaquenquio icquin naquin ismepampic. Aden nabanquid yec Nuquin Papauidtsëqui tantiaquin nabanquidquio yampampic.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Uan 1 5:4

Aden Nuquin Papan: Cun bacuëbo nec, caido icsho Nuquin Papa tantiesabon: Icsambuen namenu, quequidën icsambuen chiac: Padi. Adotiapimbo iquebique. Aden ubi chienda, caindac Esus tantiaquidën Esus tantiesa dëniacquin chuiquin.

Udas 1:3

Tantia, cun utsibo, umbi tantiaido icsho mibitedi chuinu. Abëd tabadmenuen nuqui cuidmenquio icnuec Esus abided cuidadec uënësaid tantiateuidi bunsho mibitedi dadpen chuiquin dadauate bunobi. Adbuedi utsi chuiquin dada uanu. Nëbi mibi yacnoshon ambenquiobi muaquin chuisho tantiashun: Mua. Esusën chiaidpenquio mimbi chiec. Aid tantiatiapimbo iquebi, quequin aidon chiaid tantienda. Nuquin Papan Chiaidquio chuibanac aid tantiondaido mibi neque. Utsi tantienda.

Esusën Uan ismiaid 13:10

Nuquin Papan tantiacpadembi abi tantiaquido mëyanendac. Aden Ambi tantiacpaden utsi utsien quënën tsadunendac. Utsi utsien chështe aucbidaëdi cuënumbocquidën seshun secaindac. Mibi padquid adoendac, quequin chiaid icnuc chieshtoenquio icquin Nuquin Papa tantiaquiota.