Udas 1:19 - El Nuevo Testamento en matsés

¹⁹ Adquido yec chieshëmënec cuësh cuëshëdmianquido nec. Adec abi bunacpadec tabadquid icnuc Nuquin Papan Mayan aidobëd tabadenquio iquendac.

Udas 1:19 ပူးပေါင်းရင်းမြစ်များ

Doma 8:9

Nëbi Nuquin Papan aton Mayan Bëda meniaid icquin mibi bunacpaden icsambuen nainquio yec bëdambuec tabadquido mibitedi nec. Nuquin Papan Mayan Bëda mibëd iquec. Esuquidistun Mayambëd tabadesa yec Esuquidistu tantiaquidpenquio nec.

Codinto 1 2:14

Nuquin Papan abipadquid aton Mayan meniacmaid icquin: Aidën chiaid abimbo caic, quequin tantiatiapimbo iquec. Aden tantiatiapimbo yec: Ambembi chiec onquequid nec, quepec. Aden Nuquin Papa tantiesabo icquin Nuquin Papan Mayanën chiaid tantienquio icquido nec.

Codinto 1 6:19

Nuquin Papan aton Mayan meniaido mibitedi nec. Adoaido yec Nuquin Papa tabadte shubu mibi nec. Adquid icnuc: Nuquin Papan Mayan Bëda ubëd tabadec, quequin ¿tantienquioda mimbi icpe? Mibibi: Cun dadan icbo nebi, quetiapimbo mibitedi iquec.

Ebedeo 10:25

Aden nabanec: Nuquin Papa tantiaquid utsibobëd iccuededtiapimbo iquebi, utsi utsiec quenubi adenquio icnuna. Adec iccuededec: Nuquin Papan chiacpadquiec bëdambuec tabadnuna, quec chuinannuna. Cuidnuen matsesën naid chuibante uëshë nëbimbobi yanec, quiash adec baded badedquiec chuinannuna.

Santiaco 3:15

Aden icsambuen tantiaquid Nuquin Papan tantiamiacmaid nec. Esus tantiesabon tantiacbimbuen tantiaquid nec. Adecbidi Mayan Icsa Satanasën tantiamiaid nendac.