Udas 1:1 - El Nuevo Testamento en matsés

¹ Esuquidistun iuambo nebi. Santiacon utsi Udas nebi. Mibitedi tantiaquioquin Nuquin Papan tantiamiaido icquin abi tantiasho: Ubi tantienquio yannushe, queshun Esuquidistun mibitedi cudasquin dayunuaic, quequin chuiquin mimbi iste dada uanu.

Udas 1:1 ပူးပေါင်းရင်းမြစ်များ

Mateo 10:3

Nëidic Uedipe. Nëidic Badtodome. Nëidic Tomas. Nëidic ubibi Mateo Doma yacnocquidon chuiquidën chiacpadombuen cun matses piucquid bedshundenned. Nëidic Santiaco utsi Adpeon mado. Nëidic Tadeo cuënaid.

Mateo 13:55

quenubien utsibo: ¿Nuqui isacmaidta nedic? Ma aton papa cute chëshshun nacnenquid nepaboc. Aton tita Madia nec. Aton utsibo nëidtedi iquec. Nëidic Santiaco. Nëidic Ose. Nëidic Simon. Nëidic Udas.

Madcos 3:18

Nëidic Andedes. Nëidic Uedipe. Nëidic Badtodome. Nëidic Debi cashumbic Mateo cuënaid. Nëidic Tomas. Nëidic Adpeon mado Santiaco. Nëidic Tadeo. Nëidic Simon cananebo caid.

Madcos 6:3

Adnubic utsibo: ¿Madian mado cute chëshshun nacnenquidpenquioda nedic? Ma aton utsibo nëidted nëmbobi icpayoc. Nëidic Santiaco. Utsibic Ose. Utsibic Udas. Utsibic Simon. Adecbidi aton chibi chedo nëmbobidi icquido neuaic, quequin Esus chieshënquin aidën chuibansho tantiate bunenquio iccuededpanëdash.

Ducas 6:16

Nëidic Udas Santiaco utsin mado. Nëidic Udas Iscadiote iuecshun abi chieshënquido Esus bedmetequid. Aidtedi Esusën: Ubi chuibenneta, caido icpanëdash.

Uanën dada uaid 12:26

Ubi nashunte bunquidën umbi chiacpadombuen natsiash. Adquid ubi tantiaquid icsho Cun Pan utsibo dadpen chuiquin: Nëid bëdambocquid nec, caindac, quepondash Esus.

Uanën dada uaid 14:22

Adsho tantiashun Udas utsin abi bedmequidëmpenquio naden chuipondash: ¿Atotsi queshun ubitediuidtsëqui aden tantiamequin mimbi chuibampe? ¿Matses abitedi tantiamequin chuibantiapimboda ique, Icbo? capondash.

Uanën dada uaid 15:16

Esusbëd icquid icnu ¿quequinda mimbembi tantiadionda? Padenquio. Umbien mibi: Cho, caondac. Utsibo tantiamequin ma nëidon ubi chuibennenu. Aden chuibanac utsibotsen ubëd tabadtequid yanendac, queshun mibi: Cho, caondambi. Aden umbi chiacpadombuen naquidën Nuquin Papa chuiquin: Min mado tantiaquid nebique. Ubi nashun, Papa, cac mimbi chiacpadombuen Nuquin Papan mibi nashunendac.

Uanën dada uaid 17:15

Aden tantiaquin: Ubi tantiesabobëd ubëd icquido tabadmenda, quequin chienquio icquin: Satanas iuamequin chieshtomenda, quequin chiec nebi, Papa.

Uanën dada uaid 17:17

Mimbi chiaidquio bëdambuen tantiamequin mibimbo tantiamequin mitsana icmeta, Papa.

Uanën dada uaid 17:19

Nëido tantiaquiec nëbimbobini mimbi chiacpadec ubided cuidadec uënësendac. Adombuembidi ma nëidon mimbi chiacpadombuen nanu, quiash mibi tantiaquidombo icmenuec adebi, quepondash Esus Nuquin Papa chiec.

Uanën dada uaid 6:39

Aden aidën chomiaid yec ambi chiacpadombuen naquin ambi ubi tantiamiaido chieshtoenquiocnoc dayun uaindambi. Uënësacsho uincuenmeshun cuidenquio icquin ubëdi tabadmendambi. Uënësaid abitedi uincuenmete uëshën adoendambi.

Hechos 1:13

Aido Edusaden yacno choash shubu abuc quënë icquidën abi tabadbocno dectatoash tabaduapanëdash. Aid quënë nuntan Esusën: Ubi chuibenneta, caido nëidtedi icpanëdash. Nëidic Petedo. Utsibic Uan. Utsibic Santiaco. Utsibic Andedes. Utsibic Uedipe. Utsibic Tomas. Utsibic Badtodome. Utsibic Mateo. Utsibic Adpeon mado Santiaco cuëmëdquid. Utsibic aton matses isadaidbo iuaquido chuiquid bunesa Simon cuëmëdquid. Utsibic Santiaco utsin mado Udas cuëmëdquid.

Hechos 20:32

Bëdambuen chuibanombi, quequin tantiaquin mibi nianembi. Esus tantiaquid nec, quequin Ambi Chiaid Nuquin Papan mibi bëdambuen tantiamendac. Aden tantiamequin mibi tantiaquioquin ambi chiampicpadombuen mibitedi bëdambo icmendac.

Hechos 27:23

Nuquin Papan iuambo yec aid nashunquidquio nebi. Adquid icsho inchëshën abëd icquid ambi budmiaid isadcuenshun naden chuiposhi:

Doma 1:1

Esuquidistun iuambo Pabado nebi. Aidën: Ubi chuibenneta, quequin tantiamiaidquio nebi. Adembidi Nuquin Papantsen: Umbi Chiaid Bëda tantiamequin chuibenneta, caidquio nebi. Adquid icquin mibitedi tantiembi.

Doma 1:6

Utsi utsiec Doma yacnocquido Esuquidistu tantiabenash iccuededquido icsho mibitedi chiec nebi. Nuquin Papan mibitedi tantiaquin: Cun matses canu, queshun mibitedi tantiamiac. Nuquin Papabëtan Nuquin Icbo Esuquidistun ma bëdambuen isquin bëdambuec tabadmepanu, queshun mibitedi tantiaquin Nuquin Papa chiannembi.

Doma 16:18

Nuquin Icbo Esuquidistun chiacpadombuen nainquio icquin aidon: Umbi chiaid tantiata, quequin abi bunaidquio namequin muaquin Esus tantiabentsëcquid icsambuen namec.

Doma 6:22

Nëbi mimbi icsambuen naid ënshun Nuquin Papa tantiaquin aidën chiacpaden nabanec mibitedi tabadec. Adec tabadquin bëdambuen nabanec mibi bëdambouidi iquec. Aden nabanec tabadsho Nuquin Papan ënenquiocquin abëdi tabadmendac.

Doma 8:30

Ëndenquimboshë abitedimbo uabi yequi Nuquin Papa nadpampic: Nëido Cun Madobimbuecquido icmembi, abi quiampicpadombuembidi tantiamebenquin: Nuquibi icnuc cho, caquin ambi cuënaido nec. Aido Nuquin Papan icsaisabimbuecnuc isendac. Adembidi bëdamboshë yacno tabadmendac, quequin nuqui tantiec.

Doma 9:24

Aden ambi tantiacpadombuen Esus tantiasho Nuquin Papan nuqui bëdambuen isec. Isadaidbon Esus tantiasho bëdambuen isquinc isadaidpembon abi tantiasho bëdambuen isquinc caindac.

Codinto 1 1:2

Aidbëtambi Codinto yacnoquid Nuquin Papan bëdambuen tantiamiac Esus tantiaquido icsho mibitedi tantiembi, quequin chiec nebi. Esuquidistunuidtsëqui bëdamboshëcquid icmequin tantiamiac Nuquin Papa tantiaquido mibitedi nec. Adoaido icquin utsi utsiec yacnoshon Esus tantiaquid utsibobëtan Nuquin Icbo Esuquidistu chiannequid nuquitedi nec. Aidi Nuquin Icbo yec aidon Icbobidi nec.

Codinto 1 6:11

Ënden mibitedi utsi utsiec adquido iccondaidi nëbi abi tantiaquido yansho issun acten mentoaido iquec. Adembidi mibitedi Nuquin Papan bëdamboshëcquid icmequin Nuquin Icbo Esuquidistu tantiaquid icsho mibi isaisabimbuecnuc bëdambuen isec. Adembidi Nuquin Papan aton Mayan meniaido mibitedi nendac.

Epeso 5:26

Adec abided cuidadec uënëssun: Ubi tantiaquido bëdamboshëcquid icmenu, queshun ambi Chiaid tantiamequin abi tantiaquido acten mentoadmendac.

Tesadonica 1 2:12

Nuquin Papan: Bëdambuec tabadquid icmeshun umbi namiacno bëdamboshëcquid yacnombo tabadtequid icmembi, quequin Esus tantiamiaido mibitedi nec. Adquido yec Nuquin Papa bunacpadec bëdambuec tabadquid neque. Ambi Chiaid niaquenquio yec bëdambuec tabadnuna, quequin mibitedi chuidenniondambi.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Timoteo 2 1:9

Nuquin Papan: Cuna nec, quequin aton Mado Esus tantiamiaido icquin adonona. ¿Nuqui bëdambuec tabadshoda Nuquin Papan nuqui bëdambuen isbempondash? Padenquio. Ëndenquimboshë nidaidbëta matses uabi yequi Nuquin Papa: Umbi chiaid niac niacquin icsambuen naquidëmbi cun Mado Esuquidistu tantiasho cuidenquio iquendambi, quequin ambi chiampicpadombuen nuqui Esus tantiaquid icmiac.

Timoteo 2 4:18

Padpiden chieshëmënquidon: Chieshtomenu, casho Nuquin Icbon nac chieshtoenquio ictsiabi. Nuquin Icbombidi abi yacno ambi namiacno abuc abëdi ubi tabadmendac, queshun: Nuquin Icbo bëdamboshë iquec, caimbi ënenquio icquin. Amen.

Ebedeo 3:1

Cun utsibo, Nuquin Papan: Cun matses nec, queshun ambi tantiacpadombuen Esus tantiamiaido mibitedi nec. Adoaido icquin Esuquidistu tantiaquionona. Nuquin Papan: Ubi chuibenneta, caid Esus nec. Adecbidi matses Nuquin Papa bëdambuen ismenuen nëish iua cuessunneshun pichicaquidon chuiquid tapabimbuecquid Esus nec, queshun aidquio tantiaquionona.

Santiaco 1:1

Santiaco nebi. Nuquin Papan namiaidquio yec Nuquin Icbo Esuquidistun namiaidquiobidi nebi. Adquid icquin nuquin tsusedpa Acobon mado docetedshun tsiuecquido yec uanno uannuec nidanniash tabadquin Esus tantiaquido icsho mibitedi tantiembi, quequin chiec nebique. Isec onqueta.

Petedo 1 1:2

Ëndenquimbo Nuquin Papa: Umbi tantiactedi ubi tantiaquid icmendambi, quepampic. Nëbi ambi tantiampicpadombuen aton Mayanën tantiamiac: Aidën chiacpadombuen nate bunebi, quec mibi bëdambuec tabadte bunendac. Icsambuen naquid icsho cuidmenquio icnuec abided cuidadec intac chididiquec uënësondaid Esuquidistun Nuquin Papa bëdambuen ismequin bëdambuec tabadquid ma mibitedi icmepanuna.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.

Petedo 1 2:9

Padnuen mibitedi Nuquin Papan: Cun matses nec, caido nec. Adquid icquin Nuquin Papa bëdambuen ismenuen nëish iua pichicaquidbimbuecquido mibitedi nec. Nuquin Papan chiacpadombuenuidi nate bunebi, quequin aid nashunquin: Nadquio Nuquin Papa iquec, quequin chuiquido mibi nec. Adquido yec Nuquin Papan iuabo mibitedi nec. Adquid icsho Ambi: Cun matses caido yec bëdamboshëcquido nec. Ënden Nuquin Papa tantiesa yec icsamboshë iccondaidi nëbi: Nuquin Papa bëdamboshë iquec, quequin paposhquiacbimbuecnuc tantiamequin mibitedi abi chuibanquido icmepondash.

Petedo 1 5:10

Aden utsibon chieshënquin natiamiaido yec iuec iuecpactsëc mibitedi mëyadec tabadendac. Adec tabadsho Nuquin Papan bëdamboshëcquid icmequin dayacquiocquid yacbimbuecnuc chieshtoenquio icquid mibi icmendac. Adembidi nuqui tantiaquidquio icquin ambi Esus tantiamiaido icsho abi yacno buanshun nuqui bëdamboshëcquid icmiac ënëdenquio yec Esuquidistubëd daëdash abentsëc yacbimbuecnuc tabadmendac.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Udas 1:21

Ënenquio icquin Nuquin Papan ubi tantiec, quequin tantiaquiota. Abi chote uëshën Nuquin Icbo Esuquidistu chosho isnuen aid cainec tabadnuna. Aidëmbi nuquitedi cuidte bunenquio icquin abi tantiameshun ënëdenquio icnuc abëdi tabadmendac.

Udas 1:3

Tantia, cun utsibo, umbi tantiaido icsho mibitedi chuinu. Abëd tabadmenuen nuqui cuidmenquio icnuec Esus abided cuidadec uënësaid tantiateuidi bunsho mibitedi dadpen chuiquin dadauate bunobi. Adbuedi utsi chuiquin dada uanu. Nëbi mibi yacnoshon ambenquiobi muaquin chuisho tantiashun: Mua. Esusën chiaidpenquio mimbi chiec. Aid tantiatiapimbo iquebi, quequin aidon chiaid tantienda. Nuquin Papan Chiaidquio chuibanac aid tantiondaido mibi neque. Utsi tantienda.