Uan 3 1:5 - El Nuevo Testamento en matsés

⁵ Mimbi bëdambuen naid chuisho tantiombi, cun utsi. Esuquidistu tantiaquid utsibo uannocquido chochosho issun iuedshun Cayon nashunosh, quequin chioshi.

Uan 3 1:5 ပူးပေါင်းရင်းမြစ်များ

Mateo 24:45

Adshumbic abi cainte Esusën naden chuiuapondash. ¿Icbon chiac Mitsi padquid iuan abipadquid utsibo bëdambuen namepec? Adquid chuinu. Tantia. Pete tambanquin musucshun umbi namiaid utsitedi bëdambuen menebanta, quequin ambi namiaid utsi abentsëc chianec icbo nidec.

Mateo 25:16

Adnubien piucquid 5midted bedbuedën aton matsesën nacpadombuen piucquid daëd uanuen utsibo menequin iuecshun ambi meniondaid daëd uaid beduaposh. 5midted iccondaidi 5midtedbidi beduaposh 10midted icnuc.

Ducas 12:42

Adoaquien Esusën: Icbon chiac ¿mitsipadquidën ambi namiaido bëdambuen namepec? Adquid chuinu. Tantia. Pete tambanshun musucshun umbi namiaid utsitedi bëdambuen menebanta, quequin ambi namiaid abentsëc chianec icbo nidposh.

Hechos 1:15

Aido 120ted iccuedednubi nënantanquio nidtoshon Petedon naden chuipanëdash:

Doma 12:13

Esus tantiaquido atona nibëdsho issun meneta. Isedanquido chosho bëdambuen isquin iuedta.

Cadasia 6:10

Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.

Codosas 3:17

Aden nabanec tabadquin: Cun Icbo Esus nec, quequin tantiaquin aidën chiacpadombuen nabanta. Adec tabadquin: Mimbi tantiampicpadombuen Esuquidistun tantiamiaid yec bëdambo iquebi, Papa, quequin Nuquin Papa chianneta.

Ebedeo 13:2

Shubu utsi yacnouësh choquid bëdambuen isquin iuedshun mibi yacno ushmeta. Aden nate bëshunenda. Aden nashunquin utsin utsinquien: Nuquin Papabëd icquido aid yacnouësh choquido nëido nec, quequin tantienquio icquin matses danquin aton shubun iuedshun ushmepanëdash.

Uan 3 1:10

Mibi yacno nidshun ubitedi icsambuen chuishunquin muaquin chuibennequid icsho chomeshun Diotedepes chiendambi. Aidi Esuquidistu tantiaquid utsibo iuedesa nec. Utsi: Aido iuednu, quesho tantiash: Padi. Iuedenda, quec iuedmianesa Diotedepes nec. Adembidi: Iuednu, quequido icsho Esus tantiaquid utsi cuenmequin cuëshëdmequid aidi nec.

Uan 3 1:3

Mibëd icquidon nëmbo choshon naden chioshi: Esuquidistun chiacpadombuen nabanec tabadquid Cayo nec, quequin chuibanoshi. Aden chuisho tantiabosh bëdambo iquec cuishonquec tsadebi.