Uan 3 1:11 - El Nuevo Testamento en matsés

¹¹ Tantia. Cun utsi Cayo umbi tantiaidquio icsho mibi chuinu. Icsambuen naquidën nacpaden naic icsainda. Bëdambuen naquid Nuquin Papa tantiaquid neque. Bëdambuen nata. Icsambuen naquid: Nuquin Papa iquec, quequin tantiesa nec.

Uan 3 1:11 ပူးပေါင်းရင်းမြစ်များ

Uanën dada uaid 10:27

Cun obecabimbuecquidien ubi tantiaquido nendac. Adshun obecan aton icbo tsibanacbimbuen umbi chiacpadombuen naic bëdambuec tabadquin tantiendac.

Uanën dada uaid 12:26

Ubi nashunte bunquidën umbi chiacpadombuen natsiash. Adquid ubi tantiaquid icsho Cun Pan utsibo dadpen chuiquin: Nëid bëdambocquid nec, caindac, quepondash Esus.

Uanën dada uaid 3:20

Adquidon: Uëshën chëncaquin tantiamiacbimbuen umbi icsambuen naid utsibo tantiamenushe, queshun ubi chieshëmpec.

Codinto 1 11:1

Esuquidistun tantiamiacpaden nabanec tabadquid nebi. Adecbidi mibitedi umbi nabanaid tantiaquin nabanec tabadta.

Codinto 1 4:16

Adquid icquin umbi nabambocpadombuen naic bëdambuec tabadta, quequin mibitedi chiec nebi.

Epeso 5:1

Mibitedi Nuquin Papan: Cun bacuëbo nec, queshun ambi tantiaido yec aidbimbuec tantiananec tabadta.

Pidipos 3:17

Tantia, cun utsibo, ubi yacpadquiec bëdambuec tabadta. Umbi chuibambocpadombuen utsibon nasho issun adombuembidi bëdambuen nata.

Tesadonica 1 1:6

Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.

Tesadonica 1 2:14

Cun utsibo, nidaid Udea caid yacnocquido yacpadquiec chieshtoenquio icquin mimbi Esus tantiec. Udea yacnoshon Esus tantiaquido icsho aton matses isadaidbon cuestiadquio icquin chieshënac chieshtoenquio iccondash. Adombuembidi min matsesën chieshënac mibitedi chieshtoenquio iccondac.

Timoteo 2 3:10

Umbi mua uainquio icquin abimbo chuibanondaid mimbi tantiec. Ma Esus tantianu, quequin Esusën naid chuibanec bëdambuec tabadondabi. Esus tantiaquidquio icquin matses tantiaquin Esusën naid chuibenniondambi. Chieshënaqui chieshtoenquio iccondabi.

Ebedeo 6:12

Aden umbi chiacpaden nabanquido yec chieshuidequi tabadenda. Adec tabadenquio icquin Nuquin Papan Chiaid tantiata. Nuquin Papan: Ubëd mibi tabadendac, quequin chiampid tantiash utsibo: Abimbo caic, queshun abi tantiasho Nuquin Papan ambi chiampicpadombuen abëdi tabadmendac. Aidon nabanquin tantiacpadombuen chieshtoenquio icquin Nuquin Papa tantiata.

Petedo 1 3:11

Icsambuec tabadbuedi bëdambuec tabadnuna. Utsibo chieshënnansho issun: Padi, chieshënnanenquio yec bëdambuec tabadnuna, caindac.

Petedo 1 3:13

Bëdambuen nabanec tabadquid icsho ¿tsuntsin mibitedi icsambo icmequin cuespatsiash?

Uan 1 2:29

Esuquidistu Nuquin Papan chiacpadombuen naquid yec bëdamboshëcquid nec. Adembidi ambi chiacpadombuen naquidotedi bëdambuen isquin Nuquin Papan: Cun bacuëbo nec, caindac, quequin mibitedishun tantiec.

Uan 1 3:10

Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.

Uan 1 4:1

Tantia, cun utsibo. Umbi tantiaido icsho mibi chuinu. Matsesën: Nuquin Papan Mayan Bëdan tantiamiaidquio nebi, quequin chuibansho: Abimbo chiec, quequin badedquio tantienda. ¿Nuquin Papan Mayanën tantiamiaidënquiobida chuipec? quequin aidën chuibansho tantiata. Nuquin Papan oncamiaid nebi, quequin chuiquido nidaid utsi utsiec yacnoshon dadpenshunquio ambembi chuibaneque.