Uan 2 1:2 - El Nuevo Testamento en matsés

² Nuquin Papan Chiaid abimbo iquec, quequin ënenquio icquin tantiaquido icquin ubitedi tantiasho mibitedi tantiaquiembi.

Uan 2 1:2 ပူးပေါင်းရင်းမြစ်များ

Uanën dada uaid 14:16

Aden naquidquio icsho issun Cun Pabëd icquin Cun Pa naden chiendambi: Nuqui tantiaquido bëdambuen tantiamequin ma aido cudasënquin bëdambuen nashunnu. Nuquin Mayan Bëda aidobëd ënëdenquio icnuc tabadmenuna, Papa, umbi cac Cun Pan Aton Mayan Bëda mibëdi tabadmendac.

Uanën dada uaid 15:7

Adshumbic Esusën padpiden chuipondash: Ubi tantiec ubëd tëshnanenquio yec tabadquin umbi chiacpadombuen nabanquidën: Ubi nashunta, Papa, cac mimbi chiacpadombuen Nuquin Papan mibi nashunendac.

Codinto 1 9:23

Adec tabadquin umbi Esuquidistu chuibanac aid tantiaquido yanash ubëdi bëdambuec tabadendac, quequin tantiembi.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Codosas 3:16

Esuquidistun naid chuibanaid bëdamboshëcquid tantiaquido mibitedi neque. Aid bëshunenquio icquin tantiec bëdambuec tabadta. Adembidi bëdambuen tantiaquin Esus tantiaquid utsibobëd tantiananec Esuquidistun chiaid chuinanec: Bëdambuec tabadnuna, quec chuinanta. Aden naic chuiquid tapa Dabidën dada uampid cuëdëntebëta cuëdënte utsi Nuquin Papan mibi bëdambo icmiaidbëtabi ambi naid utsi chiec cuëdëndedneta.

Timoteo 2 1:5

Naden mibi tantiembi. Tauambuen aton chichi Doidabëtan aton tita Eunisen Esus tantiabenondacpadombuen Timoteontsen nëbi Esus tantiaquiec, quequin mibi tantiembi.

Petedo 2 1:12

Umbi aden chuibuedtedi mibitedishun tantiondac. Aden tantiash chieshtoenquio yec Esus tantiec bëdambuec mibitedi tabadanondac. Aden abimbo chiaid tantiondaid icsho mibi adembi chuiquin tantiamedednendambi.

Uan 1 1:8

Icsambuen naisambo nebi, quec nuquibi mua uadquid icquin abimbo chuibanquidpenquio nuqui nendac.

Uan 1 2:14

Cun bacuëbobimbuecquido, Nuquin Papa tantiabenquido icsho mibitedi chuiquin dada uaombi. Papa icquin Esus tantiaquido icsho mibitedi chuiquin: Nuquin Papan abitedi uabi icnubi Esus icpampic. Aid tantiaquid mibitedi nec, quequin aid chuiquin dada uaombi. Caniabo, Esus tantiaquid icquin chieshtoenquio icquin mimbi aid tantiec. Nuquin Papan chiacpadombuen nabanquid mibi nec. Adquid icquin Mayan Icsa Satanasën: Icsambuen namenu, cac: Padi, aden nainquio iquembi, mimbi cannioc, quequin aid chuiquin dada uaombi.

Uan 1 2:17

Adec Esus tantiesabo icquin ambi icsambuen naidbëdi abi bunaidtedi nibëdanendac. Padnuen Nuquin Papan chiacpadombuen naic tabadquid ënëdenquio yec Icbobëd tabadtequid nendac.