Uan 1 5:9 - El Nuevo Testamento en matsés

⁹ Matsesën ambi isaid chuibansho: Abimbo chiec, nuqui capec. Adombuembidi abimbo chuibanquidquio icquin Nuquin Papan: Cun Madombo nec, quequin abimbo chiaid nec, quequin nuqui tantiec.

Uan 1 5:9 ပူးပေါင်းရင်းမြစ်များ

Mateo 17:5

Adec Petedo onquenubien abu ushu bëchamauanquiec choquidën abitedi bëtimpanëdash. Adnubien abu ushu nënantanuëshquio Nuquin Papa onquiampanëdash: Nëid Umbi tantiaidquio yec Cun Madombo nec. Umbi chiacpadombuen nasho Umbi bëdambuen isaidquio neque. Aidën chuibansho bëdambuen tantiata, quec dacuëdampambuec onquepanëdash.

Uanën dada uaid 10:38

Umbi chiaiduidtsëqui tantiatiapimbo icquin Cun Pan namiacpadombuen nasho issun: Ai ambi chuibocpadquidquio nec, quequin ubi tantiata. Adshun: Aton Pabëd abentsëc yacbimbuecquid yec aid padquidquiobidi nebi, quequin abimbo chiec, quequin tantiata, quepondash Esus.

Uanën dada uaid 5:39

Mibitedi nadpec. Nuquin Papan Chiaid nuquin tsusedpabon dada uampid tantiaquidquio nebi. Aid isbanquid yec Nuquin Papabëd ënëdenquio yec tabadtequid nebi, mibi quepec. Ma ubimbo chuiquin Nuquin Papan dada uamiampid neyoc.

Hechos 17:31

Matses abitedishun naid chuibanquin cuidte uëshë chonoc matsesën icsambuen naidbëta bëdambuen naid chuibanquin Nuquin Papan Chomiaidën cuidbanendac. Aden matsesën naid chuibanquid nec, queshun ismenu, quequin ambi chiampicpaden naquin Nuquin Papan isadaidbon uënës uacsho Aid uincuenmepanëdash, quepanëdash Pabado.

Hechos 5:32

Esusën nabansho ubitedishun ispondambi. Adembidi uënësash uincuenacsho isondambi. Adembidi aton Mayan Bëdan tantiec. Esus tantiaquido icquin ambi chiacpadombuen nasho Nuquin Papan aton Mayan Bëda menendac, quepanëdash Petedo.

Ebedeo 2:4

Aden chuibanaid abimbo iquec, camequin Nuquin Papan matsesën natiapimbo ictequid ismiantequid ismequimbi nadatiambocquin nabanquin nënquido bëdanmequin tantiamepanëdash. Adoshombic aton Mayan Bëda abi tantiaquido menequin abi bunacpaden ubitedi namepondash.

Ebedeo 6:18

Adec Nuquin Papa muatiapimbocquid icquin: Umbi chiacpadombuen naimbi, quequin chiaid utsi uatiapimbo iquec. Aden abimbo chuiquidquio nec. Adquid nec, quequin chiaid tantiashun nuqui: Ubi bëdambuen isquin dayun uata, Papa, quequin Ambi chiacpadombuen naindac. Adembidi abi tantiaquido caic: Ubi yacno mibi ubëd tabadendac, quequin chiampid utsi uatiapimbo iquec, quequin caimbudquid nuqui nendac.

Uan 1 5:10

Nuquin Papan Madombo Esus nec, quequin tantiaquin: Nuquin Papa abimbo chuibanquid nec, quequin nuqui tantiec. Padnuen Nuquin Papa tantiesan: Cun madombo nec, quequin abimbo chiaid chiesa yec muaquidquio Nuquin Papa nec, quequin muaquin chuiquid nec.

Uan 1 5:8

Abi acten mentoaidbëta aton intac chididiquiaid abimbo tantiamete nec. Adembidi Nuquin Papan Mayanën abimbo tantiamequid nec, quequin abibidi tantiamequid aidtedi nec.