Uan 1 5:13 - El Nuevo Testamento en matsés

¹³ Nuquin Papan Mado Esuquidistu nec, quequin tantiaquid Icbobëd ënëdenquio yec tabadtequid nendac, quequin tantiaquidquio ma mibitedi icpanu, quequin chuiquin dada uaic nebi.

Uan 1 5:13 ပူးပေါင်းရင်းမြစ်များ

Uanën dada uaid 1:12

Adquid icnubien utsibon: Nuquin Papan Madombo nec, quequin aid tantiabenquid icsho Nuquin Papan: Cun mado nec. Cun champi nec, capanëdash.

Uanën dada uaid 2:23

Edusaden yacno abi tabadnubi tsusedpabon: Ma cun mado uënësmenquio icnu, queshun obeca caniactsëc cuessunniampid tantiate uëshë yannubi nadatiambocquin nabanquin Esusën ismepondash. Aden ismiac matses dadpenshun: Nuquin tsusedpabon chiampid Nuquin Papan Chomiaidien Esus nec, quequin tantiabededpondash.

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Uanën dada uaid 21:24

Aden Esusën nabanondaid umbi isondaidbëta ambi chiondaidquio chuiquin: Abimbo iquec, quequin aidtedi dada uaombi.

Uanën dada uaid 3:18

Nuquin Papan Aton Mado tantiaquido cuidenquio icquimbi Aton Mado abentsëcquid tantiesa icsho cuidendac.

Uanën dada uaid 5:24

Tantia. Mibi chuinu. Umbi chiaid tantiaquidën ubi chomiondaid cun Pa tantiaquid icsho cuidenquio icquin ubëdi tabadmendambi. Cuidtequid icbuedi ubi tantiabenash ubëdi tabadtequid yanendac, quepondash Esus.

Hechos 3:16

Esusën nëid bëdanmec, quequin umbi abimbo tantianubi nëid dada uishcash uesho mimbi isbededbuedi bëdanash bëdambuec capusho mibitedishun isec.

Hechos 4:12

Abi yacno iuedanquid aid abentsëqui icnuc utsi nibëdec. Nuquin Papa yacno tabadte bunec aid tantiaquid icta, quepanëdash Petedo Uambëd.

Codinto 2 5:1

Nuquitedi shububimbuecquido nec. Adquid yec nuquin dada shënibudash uënësash nuquin dada nibëdnuc abi yacno Nuquin Papabëd tabadec dada chuca uaid nuqui iquendac. Dada chuca uaid matsesën nacnenacmaid nec, quequin nuquitedi tantiec.

Cadasia 4:6

Aden Aton Mado tantiaquidotedi: Cun bacuëbo nec, queshun Nuquin Papan Aton Madon Mayan meniac nuquibëd tabadec. Aden meniac aidbëd tabadquin bacuën amë: Ubi, papa, cacbimbuen Nuquin Papa nuqui chiannec.

Petedo 1 5:12

Umbi daëdpactsëc chuiquin Sidbano dada uamebued mibi yacno buanmembi: Ma mibitedishun isnu, queshun. Aidi chieshtoenquio icquin Esus tantiaquidquio icsho umbi cun utsi caid nec. Ma nëid isash: Ubitedi tantiaquidquio icquin Nuquin Papan ubitedi bëdambuen isquin bëdambo icmec, quequin ma tantianu, quequin abimbo mibitedi chuibanondambique. Chieshtoenquio icquin Nuquin Papa tantiec tabadta.

Uan 1 1:4

Esuquidistu tantiaquido yec abentsëc yacbimbuec nuquitedi tabadec. Adec tabadec mibëdi cuishonquequiono, quequin chuiquin dada uaic nebi.

Uan 1 2:1

Mibitedi cun bacuëbobimbuecquido icsho: Icsambuen naic tabadnushe, queshun chuiquin dada uaimbique. Isec onqueta. Nuqui icsambuen nasho issun Esuquidistun Nuquin Papan chiacpadombuen naquid icquin Nuquin Papa chiendac. Ubi tantiaquidën icsambuen naid tantienquio yec bëshunta, quequin Esuquidistun chiendac.

Uan 1 2:21

Aden: Nuquin Papan Chiaid abimbo iquec, quequin tantiaquido icsho mibitedi chuiquin dada uaic nebi. Aden tantiesabo icsho mibi chuiquin dada uainquio ictsenombi. Abimbo chuiquid yec muatiapimbocquid nec, quequin mibitedishun tantiec.

Uan 1 2:25

Adquid icsho Esuquidistun: Ubëd abuc ënëdenquio yec tabadte iquendac, quequin chiondacpadec nuqui tabadendac.

Uan 1 2:26

Esuquidistu tantiaquido mibitedi icsho: Nuquin Papan Chiaid muaquin chuiquid iquendac, quequin aidon muaquin chuisho tantianushe, queshun chuiquin dada uaic nebi.

Uan 1 3:23

Nadembidi Nuquin Papan Chiaid nuqui tantiondac: Cun mado Esuquidistu tantiata. Aden tantiabenash aidën chiacpadec utsibobëd tantiananta, quequin chiaid nuqui tantiec.

Uan 1 4:9

Aden: Matses tantiaquidquio nec, quequin nuquitedi tantiamenuen Nuquin Papan aton Mado abentsëcquiobi nidaidën chomepanëdash. Aden chomiaid tantiaquido yec Nuquin Papabëd ënëdenquio yec tabadtequido iquendac.

Uan 1 5:10

Nuquin Papan Madombo Esus nec, quequin tantiaquin: Nuquin Papa abimbo chuibanquid nec, quequin nuqui tantiec. Padnuen Nuquin Papa tantiesan: Cun madombo nec, quequin abimbo chiaid chiesa yec muaquidquio Nuquin Papa nec, quequin muaquin chuiquid nec.

Uan 1 5:11

Nuquin Papan Chiaid nad iquec: Cun mado tantiaquido ënëdenquio yec ubëd tabadtequido iquendac, quequin chiaid iquec.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.