Uan 1 4:8 - El Nuevo Testamento en matsés

⁸ Matses tantianquidquio Nuquin Papa nec. Adquid icnuc nuqui utsibobëd tantiananesa yec Nuquin Papa tantiaquidpenquio nec.

Uan 1 4:8 ပူးပေါင်းရင်းမြစ်များ

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Epeso 2:4

Aden cuidembi, quebuedëmbi nuqui cuidte bunenquio icquin Nuquin Papan nuquitedi tantiaquiec.

Ebedeo 12:29

Nadatiambocquid yec cute nëdënquequin abitedi nibëdquiecnuc pichicaquidbimbuecquid Nuquin Papa neque. Aidquio tantianuna.

Uan 1 1:5

Esuquidistun Nuquin Papan naid chuibansho tantiondashun mibitedi chuiuaimbique. Tantia. Nuquin Papa bëchamauanquiecquid yec bëdamboshë icquid nec. Adquid yec inchështiapimbo yacbimbuen icsambuen naisambo nec.

Uan 1 2:4

Adnubien utsi: Aid tantiembi, queshumbi aidën chiacpadombuen nainquio icquin muaquin chuibanquid yec abimbo chuiquidpenquio nendac.

Uan 1 2:9

Esuquidistu tantiaquid yec bëdambuec tabadquid nebi, queshumbi abëtan Esus tantiaquid utsi chieshënquid inchëshën icacbimbuen abi icsambuen nabanquid nendac.

Uan 1 3:10

Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.

Uan 1 3:6

Adec Esus tantiaquido iquec aidbëd abentsëc yacbimbuec tabadquidën ambi icsambuen naidtedi ënendac. Padnuen icsambuen nabanquidon Esus tantiabenabicquin Ambi Chiaid tantienquio iquendac.

Uan 1 4:16

Naden nuquitedi tantiec: Tantianquidquio icquin Nuquin Papan nuqui tantiec. Adecbidi aton matsesbëd tantiananquidquio yec Nuquin Papabëd cuëshëdenquiocquid nec. Adecbidi nuquibëd Nuquin Papa iquec.

Uan 1 4:7

Tantia, cun utsibo, umbi tantiaido icsho mibitedi chuinu. Nuquin Papa tantiaquido yec utsibobëd ënëdenquio yec tantiananec tabadnuna. Aden Nuquin Papan nuqui utsibobëd tantiananmendac. Adec tantiananquid icquin nuqui naden tantiec: Ambi: Cun bacuëbo nec, caido icquin Nuquin Papa tantiaquid nebi, quequin nuqui tantiendac.