Uan 1 4:7 - El Nuevo Testamento en matsés

⁷ Tantia, cun utsibo, umbi tantiaido icsho mibitedi chuinu. Nuquin Papa tantiaquido yec utsibobëd ënëdenquio yec tantiananec tabadnuna. Aden Nuquin Papan nuqui utsibobëd tantiananmendac. Adec tantiananquid icquin nuqui naden tantiec: Ambi: Cun bacuëbo nec, caido icquin Nuquin Papa tantiaquid nebi, quequin nuqui tantiendac.

Uan 1 4:7 ပူးပေါင်းရင်းမြစ်များ

Uanën dada uaid 13:34

Aden tantiaquin Nuquin Papan Chiaid chuca utsi mibi chuinu. Ubi nidan umbi chiacpadombuen nata. Umbi mibitedi tantiaquiacpadquiecbidi mibitedi tantiananquiota.

Uanën dada uaid 17:3

Matsesën: Abipadquid utsi nibëdnuc Nuquin Papa abentsëcquiobi iquec. Adembidi Ambi Chomiondaidquio Esuquidistu nec, quequin tantiasho nuquibëd ënëdenquio yec tabadtequido icmendambi, Papa.

Codinto 1 8:3

Padnuen abi tantiaquidon abi tantiaquiosho Nuquin Papan aido tantiaquiec.

Codinto 2 4:6

Taëecquiobi ëndenquimboshë: Inchëshquio icbuedi uëshëmbo yanta, capampic Nuquin Papan. Adombuembidi Nuquin Papan Chiaid pamumëdacbimbuen tantienquiocbuedi Nuquin Papan tantiamiaido nebi. Esuquidistu aton Papapadquidquio bëdamboshëcquid nec, quequin tantiaquin utsibo chuibanquido nebi.

Cadasia 4:9

Adquid icbuedëmbi nëbi mimbi Nuquin Papa tantiec, queshumbic: Aidëmbi mibitedi tantiec, caimbi. Aidën tantiaido icquin ¿atotsi quequin aid tantienquio yanuai? ¿Moisesën chiampid tantiaquin namequidon nacpaden nanu, queshoda Nuquin Papan mibitedi bëdambuen ispec? Padenquio.

Cadasia 5:22

Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.

Timoteo 2 1:7

¿Nuquin Papan aton Mayan nuquibëd icmiacta nuqui natia dacuëdpe? Padenquio. Nadatiambocquin nabanquid nuquibëd icquin nuqui cuesambo icmec. Adembidi Nuquin Papan Mayan Bëdan tantiamiac nuqui utsibobëd tantiananec bëdambuec tabadec. Adembidi nuqui icsambuen nate bunaid namenquio icquin nuqui bëdambuec tabadmec.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Uan 1 2:10

Esuquidistu tantiaquid utsimbien: Cun utsibimbuecquido nec, queshun aid tantiaquin bëdambuen nashunquid nec. Adquidën Esus tantiaquido icsambuen namenquio icquin cuëshëdmenquio iquendac.

Uan 1 2:29

Esuquidistu Nuquin Papan chiacpadombuen naquid yec bëdamboshëcquid nec. Adembidi ambi chiacpadombuen naquidotedi bëdambuen isquin Nuquin Papan: Cun bacuëbo nec, caindac, quequin mibitedishun tantiec.

Uan 1 2:3

Nuquitedi naden tantiendac. Nuquin Papan: Naden nata, quequin Moises dada uamiampid tantiaquin nabanquid nebi, queshun aid bëdambuen tantiaquid nuqui nendac.

Uan 1 2:4

Adnubien utsi: Aid tantiembi, queshumbi aidën chiacpadombuen nainquio icquin muaquin chuibanquid yec abimbo chuiquidpenquio nendac.

Uan 1 2:7

Tantia, cun utsibo. Umbi tantiaido icsho mibi chuinu. Nuquin Papan: Naden nata, quequin chiaid chuca chienquio icquin mimbi ënden bedanquin chuibansho tantiondaidbidi mibitedi chuiquin dada uaic nebi.

Uan 1 3:9

Nuquin Papan: Cun bacuëbo nec, caido icquin ambi icsambuen naid abi nabantiapimbo iquendac. Nuquin Papan aton Mayambëd tabadmiaido yec icsambuen naic tabadtiapimbo iquendac.

Uan 1 4:11

Tantia, cun utsibo. Umbi tantiaido icsho mibi chuinu. Aden Nuquin Papan nuqui tantiaquiec, quequin chuisho tantiash Esus tantiaquido yec utsibobëd tantiananquionona.

Uan 1 4:12

Nuquin Papa matsesën isambo iquec. Adquid icnuc aid tantiaquid yec utsibobëd tantianansho isash Nuquin Papa nuquibëd tabadquin ambi tantiacpadombuen utsibobëd tantiananquidquio nuquitedi icmendac.

Uan 1 4:16

Naden nuquitedi tantiec: Tantianquidquio icquin Nuquin Papan nuqui tantiec. Adecbidi aton matsesbëd tantiananquidquio yec Nuquin Papabëd cuëshëdenquiocquid nec. Adecbidi nuquibëd Nuquin Papa iquec.

Uan 1 4:20

Utsi nadpec: Nuquin Papa tantiaquid nebi, quepec. Adquid icquimbi abëtan Esus tantiaquid utsi ambi isaidquio chieshënquid yec muaquidquio nendac. Aden ambi isaidquio tantienquiocquid iquec ambi isacmaidquio Nuquin Papa tantienquiocquidbidi nendac.

Uan 1 4:8

Matses tantianquidquio Nuquin Papa nec. Adquid icnuc nuqui utsibobëd tantiananesa yec Nuquin Papa tantiaquidpenquio nec.

Uan 1 5:1

Nuquin Papan nidaidën chomiaid Mesias caid Esuquidistu nec, quequin tantiaquid Nuquin Papan: Cun bacuëbo nec, caido nendac. Matses caic: Amë tantiaquin aton bacuëbotsen tantiaquid nec.

Uan 2 1:5

Tantia, cun utsibo. Nëbi Esuquidistu tantiaquido yec tantianannuna, quequin ënden Esusën chiondaid chuibanac mimbi tantiondaidbidi nec.