Uan 1 4:6 - El Nuevo Testamento en matsés

⁶ Nuquien Nuquin Papan namiaido nendac. Adquid icquin: Nëid Mayan Icsa Satanasën namiaid yec muaquid nec. Nëidien Nuquin Papan Mayan Bëdan tantiamiaid yec abimbo chuiquid nec, quequin nuqui tantiendac. Umbi chuibansho Nuquin Papa tantiaquidon tantiendac. Nuquin Papa tantiesambien umbi Esuquidistu chuibansho tantiate bunenquio iquendac.

Uan 1 4:6 ပူးပေါင်းရင်းမြစ်များ

Ducas 10:22

Aden chiashic: Cun Pan ambi tantiaidtedi ubi tantiamec. Umbi nabambuedbëta umbi nabante abitedi utsibon tantienquio icnuc Cun Panuidtëqui tantiec. Adembidi cun Pan natebëta ambi nabambued utsin tantienquio icnuc umbentsëqui abitedi tantiembi. Aden tantiaquid icquin: Umbi tantiaidtedi nëid matses bëdambuen tantiamembi, queshun: Nuquin Papa nadquio iquec, quequin tantiamembi, quepanëdash Esus.

Uanën dada uaid 10:16

¿Nëid matses isadaidbouidtsëqui tantiectabi adec uënëspadi? Padenquio. Matses utsibontsen adembidi ubi tantiendac. Aidobëta nëid matses cun matses caquin nëish yua obecabimbuecnuc abitedi bëdambuen dayunuaic aidon icbouidtsëqui iquendabi.

Uanën dada uaid 10:27

Cun obecabimbuecquidien ubi tantiaquido nendac. Adshun obecan aton icbo tsibanacbimbuen umbi chiacpadombuen naic bëdambuec tabadquin tantiendac.

Uanën dada uaid 10:3

Obeca icbon: Puduednu. Shëcne, cac ambi: Cun iua ista, caidën shëcneshunquid. Aden shëcneshunac puduedtanquin ambi obeca cuëmëdquid cuëmëdquidquien cuëmbanquin: Cho, cac icbo tsibanquid obeca nendac.

Uanën dada uaid 13:20

Tantia. Mibitedi abimbo chuinu. Mibi padquid umbi nidmiaidën umbi naid chuibansho tantiash: Ai, abimbo caic, queshun ubi tantiabenquimbi ubi chomequidtsen tantiabenendac, quepondash Esus.

Uanën dada uaid 14:17

Adoaid yec mibëd tëshnanenquio iquendac. Mibëd icquin ubi chuiquin mibi abimbo tantiamendac. Aid isadenquio icsho ubi tantiesabon aid tantiatiapimbo iquec. Mimbien aid tantiec. Cun Pan ubëd icmiaidquio icquin ambi namiaid ubi icsho Aton Mayan issumbimbuen mibitedishun tantiec. Aidi ubi nidan choash mibëd tëshnanenquio yec Cun Mayan mibëd iquendac.

Uanën dada uaid 15:26

Adshumbic padpiden chiec: Umbi Cun Pa yacno nidshun: Matses dayun uaquid Nuquin Mayan bëdambo icmianquid ubi tantiaquidobëd tabadmenuna, Papa, cac: Ai, queshun Cun Pan chomiac mibëd tabadquin abimbo chuiquin ubi tantiamequiendac.

Uanën dada uaid 16:13

Nuquin Papan Mayan Bëda abimbo tantiamequid choshombien mibi abimbo chuiquin tantiamendac. Ambi tantiacpaden chienquio icquin Nuquin Papan Chiaiduidtsëqui chuiquin: Nadquio iquendac. Nadquid choendac, quequin mibi dadpen tantiamendac.

Uanën dada uaid 18:37

Adsho tantiashun Pidaton: Chuiquid tapa nebi ¿quecta ique? caquien: Ai, ma mimbibi chuipayoc. Chuiquid tapa icnuec matsesën tishaid nebi. Adquid icquin matses uaquid tantiamenuen abimbo chuibanombi. Adoac abimbo chuisho tantiate bunquidon ubi tantiendac, quepanëdash Esus.

Uanën dada uaid 20:21

Adsho istanequien ambi chuibocpadecbidi: Dacuëdenda, quetanec: Tantia. Mibitedi chuinu. Cun Pan: Matses chiec nid, quequin ubi chomiondacpadombuembidi: Ubi chuibennetan, quequin mibitedi nidmendambi, quepondash Esus.

Uanën dada uaid 8:19

Adsho tantiashumbien: ¿Mitsimbo papa icpec? capondash. Adoaquien: Ma mimbi ubi tantienquio icpayoc. Ubi tantiaquimbien mimbi Cun Patsen tantiatsiandac, quepondash Esus.

Uanën dada uaid 8:23

Adsho tantiashien Esus: Mibitedi matses yec nidaidën tabadquido nec. Ubien abucuësh chondaidquio yec nidaidën tabadquidpenquio nec.

Doma 1:1

Esuquidistun iuambo Pabado nebi. Aidën: Ubi chuibenneta, quequin tantiamiaidquio nebi. Adembidi Nuquin Papantsen: Umbi Chiaid Bëda tantiamequin chuibenneta, caidquio nebi. Adquid icquin mibitedi tantiembi.

Doma 11:8

Naden chuiquin Nuquin Papan dada uamepampic: Nuquin Papan pacuënnëdacbimbuecnuc icmiac Ambi Chiaid mimbi nëbi tantienquio iquec. Nëbi adombuembidi ëshë icmeshunaqui bëdambuen isenquio iquec. Adembidi pabiate icmeshunaqui bëdambuen tantienquio iquec, quequin dada uamepampic.

Codinto 1 14:37

Nuquin Papan oncamiaidquio nebi, quequidën naden tantiatsiash: Ma tantianu, queshun Nuquin Icbon tantiamiacpadombuen chuiquin Pabadon dada uaid nec, quequin tantiatsiash. Adembidi Nuquin Papan Mayanën namiaidën tantiauatsiash.

Codinto 2 10:7

Ambi isaiduidi tantiec utsi utsiec onquec: Esuquidistu tantiaquid nebi, quequi aido: Pabado icsambocquid nec, quepec. Adec onquequidobi: Pabadotsen Esuquidistu tantiaquid nec, ma quenu, quequin chiec nebi.

Tesadonica 2 1:8

Icsambuen naisambo yec matses cuidquidquio nebi, quec choshon Nuquin Papa tantiesabo cuidendac. Nuquin Icbo Esus tantiasho Nuquin Papan mibi bëdambuen istsiash, quequin chuibanac aid tantiesabotsen Esusën cuidendac.

Timoteo 1 4:1

Tantia, mado. Nuquin Papan Mayanën tantiamiaid mibi chuinu. Esus chote uëshë nëbi yannuc abi tantiaquidon utsin utsinquien Esus tantienquio yanendac. Mayan Icsa Satanasën iuabo podobitsi icsabon muaquin tantiamiaid icquin matsesën chuisho tantiashun Esus tantienquio yanendac, quequin abimbo tantiamioshi.

Petedo 2 3:2

Ëndenquimbo Esus chote chuiquin Nuquin Papan oncamiaidon dada uampid ¿Ada tantie? Adombuembidi nuqui cuidmenquio icquidën Nuquin Icbo Esusën chuibampondash. Aidën chiondaid abëd iccondaidëntsen mibitedi chuinëdash. Aidën chuibanondaidquio tantiata.

Uan 1 4:1

Tantia, cun utsibo. Umbi tantiaido icsho mibi chuinu. Matsesën: Nuquin Papan Mayan Bëdan tantiamiaidquio nebi, quequin chuibansho: Abimbo chiec, quequin badedquio tantienda. ¿Nuquin Papan Mayanën tantiamiaidënquiobida chuipec? quequin aidën chuibansho tantiata. Nuquin Papan oncamiaid nebi, quequin chuiquido nidaid utsi utsiec yacnoshon dadpenshunquio ambembi chuibaneque.

Uan 1 4:4

Cun bacuëbobimbuecquido yec mibitedi Nuquin Papan namiaido nec. Muaquidon chuisho tantiashun: Muaquin chiec nec, quequin mibitedishun tantiac. Nuquin Papa nadatiambocquidën aton Mayan meniac Aidën tantiamiac muaquidën chuibansho mimbi: Muaquid nec, quequin dëniacquin tantiendac. Padnuen Nuquin Papa chieshënquido namequid Mayan Icsa Satanas bëdiactsëc nabanquid nec.

Uan 1 4:8

Matses tantianquidquio Nuquin Papa nec. Adquid icnuc nuqui utsibobëd tantiananesa yec Nuquin Papa tantiaquidpenquio nec.

Uan 1 5:19

Esus tantiaquid icquin Nuquin Papan: Cun bacuëbo nec, caido nebi, quequin nuqui tantiec. Nuquin Papa tantiesabotedi Mayan Icsa Satanasën iuaquin namiaido nec, quequimbidi nuqui tantiec.

Udas 1:17

Tantia. Cun utsibo, umbi tantiaidombo icsho mibitedi chuinu. Nuquin Icbo Esuquidistun: Ubi chuibenneta, caidon chiondaid mibi padpiden chuiuanu.