Uan 1 4:4 - El Nuevo Testamento en matsés

⁴ Cun bacuëbobimbuecquido yec mibitedi Nuquin Papan namiaido nec. Muaquidon chuisho tantiashun: Muaquin chiec nec, quequin mibitedishun tantiac. Nuquin Papa nadatiambocquidën aton Mayan meniac Aidën tantiamiac muaquidën chuibansho mimbi: Muaquid nec, quequin dëniacquin tantiendac. Padnuen Nuquin Papa chieshënquido namequid Mayan Icsa Satanas bëdiactsëc nabanquid nec.

Uan 1 4:4 ပူးပေါင်းရင်းမြစ်များ

Uanën dada uaid 12:31

Nëbi abi tantiesabo Nuquin Papan cuidtequido yanendac. Adembidi matses dadpenquio icsambuen namequid Mayan Icsa Satanas chedo Nuquin Papan cuenmetequid yanendac.

Uanën dada uaid 14:30

Nëbi mibi utsi dadpen chuibantiapimbo iquebi. Ubi tantiesabon icbo Mayan Icsa Satanas ubi bedmec choec. Ambembi aidën ubi dëniacquin uënës uametiapimbo ictsiash.

Uanën dada uaid 16:11

Adembidi tantiamiac: Matses dadpenquio iuaquid Mayan Icsa Satanas Nuquin Papan cuidendac, quequin matsesën tantiendac, quepondash Esus.

Uanën dada uaid 17:23

Aidobëd ubi tantiananquiacpadec mibëd tantiananquiebi. Adec mibëd tantiananquiacpadec aido ubi tantiaquido utsibobëd tantiananquiendac. Adsho issun: Abembi adec tantianantiapimbo iquec. Nuquin Papan chomenëdaid Esusën namiaquien nec. Aton Papan Esus tantiacpadombuembidi Esus tantiaquido tantiec, quequin ubi tantiesabon tantiendac, Papa.

Doma 8:31

Aden tantiasho ¿atotsi nuquitedi cape? Nuquin Papa tantiasho utsibon chieshënquin: Icsa uanu, cashobi Nuquin Papan nuqui cudasquin icsa uamenquio iquendac, quequin nuqui tantiec.

Doma 8:37

Aden natiamiaid icshobi nuqui tantiaquidquio icquin Esuquidistunuidtsëqui chieshtoenquiocquid nuquitedi icmendac chieshëmënquido dëniacquin cuesacbimbuen.

Codinto 1 2:12

Nuquitedi Nuquin Papan abipadquid Aton Mayan meniaido icquin Esus tantiesabon tantiacpaden tantiatiapimbo nuqui iquec. Adquid icnuc: Matses tantiaquidquio icquin Nuquin Papan tantiamiaid nebi, quequin nuqui tantiec.

Codinto 1 6:13

Adembidi naden chiaid iquec: Pete piaid pucu yacno budtequid nec. Pucu yacno budtequid pete piaid nec, queuapec. Ai, abimbo mimbi caic. Adquid daëd icshobi Nuquin Papan nibëdquio icmendac. Adotequid icnuc mibi bunacpadombuen tantiaquin nabanquin mimbi natemaidi naic chudnanquin natepenquio min dada nec. Padnuen nuquin dada Nuquin Icbona nec. Adquid icnuc Nuquin Icbo nashunec tabadtequid nuquin dada nec.

Codinto 2 4:4

Ad icnuc: Nuquin Papapadquidquiobidi bëdamboshëcquid Esuquidistu nec, quequin chuibansho tantiaquido icnushe, queshun icsambuen namianquid icquin Mayan Icsa Satanasën pamunacbimbuen utsi utsien tantiamenquio iquec.

Codinto 2 6:16

¿Matsesën ambibi nacnenshun papa caid tantiaquidta aton Mayan Nuquin Papan meniaid icpadic? Padenquio. Abi tantiaquid yec abi tabadtequid nuquibi nec. Adec Nuquin Papa uënëstiapimbocquidbëd tabadtequido nuqui nec. Nuquin Papan dada uamiampid nad iquec: Ubi tantiaquidobëd iquendabi. Aidobëd capuendabi. Aidon Papa caid nendabi. Aido cun matses nendac, quepampic Nuquin Papa.

Epeso 2:2

Adquid icquin Nuquin Papa tantiesabon nacpadombuen mimbi icsambuen nabampondac. Adombuembidi podobitsi icsabon chuiquid tapa Mayan Icsa Satanas bunacpadombuen nabampondac. Aidëmbi Nuquin Papan Chiaid niacmequin icsambuen nate matses bunmec.

Epeso 3:17

Adembidi Esuquidistu tantiaquidombo icmequin ënëdenquio yec utsibobëd tantiananec tabadquid icmeta, Papa, quequin mibitedi tantiaquin Nuquin Papa chiannembi.

Epeso 6:10

Cun utsibo, nëbi: Nuquin Icbo nadatiambocquin nabanquid nec, quiash aidënquio uidënquio icmequin bëdambuen tantiamiaid icta.

Uan 1 2:1

Mibitedi cun bacuëbobimbuecquido icsho: Icsambuen naic tabadnushe, queshun chuiquin dada uaimbique. Isec onqueta. Nuqui icsambuen nasho issun Esuquidistun Nuquin Papan chiacpadombuen naquid icquin Nuquin Papa chiendac. Ubi tantiaquidën icsambuen naid tantienquio yec bëshunta, quequin Esuquidistun chiendac.

Uan 1 2:13

Aton papabo icsho mibitedi chuiquin dada uanu. Tantia. Nuquin Papan nidaidbëta abitedi uabi icnubi Esus icpampic. Aid tantiaquido mibitedi nec. Caniabo, Esus tantiaquido icsho mibitsen chuiquin dada uanu. Tantia. Mayan Icsa Satanasën: Icsambuen namenu, cac: Padi, aden nainquio iquembi, mimbi cannioc.

Uan 1 3:20

Aden chiannequid iquequi: Icsambuen nachitombi, quequin tantiaquid icshobi Nuquin Papan abitedimbo tantiaquidquio icquin icsambuen naisabimbuecnuc mibi bëdambuen isendac. Adoac Nuquin Papa dacuëdënenquio icquin chiannequid nuqui iquendac.

Uan 1 3:24

Aden ambi chiacpadombuen naquidbëd abentsëc yacbimbuec Nuquin Papa iquec. Adecbidi matses Nuquin Papabëd abentsëc yacbimbuecbidi icuaic, quequin Nuquin Papan aton Mayan meniaid nuquibëd icquin nuqui abimbo chiaid tantiamec.

Uan 1 4:13

Abi tantiaquid icsho aton Mayan meniaid icquin nuquitedi naden tantiec: Nuquin Papabëd abentsëc yacbimbuec nuqui icnuc nuquibëd abentsëc yacbimbuec Nuquin Papa iquec, quequin nuqui tantiec.

Uan 1 4:16

Naden nuquitedi tantiec: Tantianquidquio icquin Nuquin Papan nuqui tantiec. Adecbidi aton matsesbëd tantiananquidquio yec Nuquin Papabëd cuëshëdenquiocquid nec. Adecbidi nuquibëd Nuquin Papa iquec.

Uan 1 4:6

Nuquien Nuquin Papan namiaido nendac. Adquid icquin: Nëid Mayan Icsa Satanasën namiaid yec muaquid nec. Nëidien Nuquin Papan Mayan Bëdan tantiamiaid yec abimbo chuiquid nec, quequin nuqui tantiendac. Umbi chuibansho Nuquin Papa tantiaquidon tantiendac. Nuquin Papa tantiesambien umbi Esuquidistu chuibansho tantiate bunenquio iquendac.

Uan 1 5:19

Esus tantiaquid icquin Nuquin Papan: Cun bacuëbo nec, caido nebi, quequin nuqui tantiec. Nuquin Papa tantiesabotedi Mayan Icsa Satanasën iuaquin namiaido nec, quequimbidi nuqui tantiec.

Uan 1 5:4

Aden Nuquin Papan: Cun bacuëbo nec, caido icsho Nuquin Papa tantiesabon: Icsambuen namenu, quequidën icsambuen chiac: Padi. Adotiapimbo iquebique. Aden ubi chienda, caindac Esus tantiaquidën Esus tantiesa dëniacquin chuiquin.

Esusën Uan ismiaid 12:11

Nëbi umbi isac Mayan Icsa Satanasën Esus tantiaquido chieshtometiapimbo iquec. Obecabimbuecquid yec abided cuidadec uënësaidën intaquën chieshtotiapimbocquid icmendac. Cuessunnenu, caqui: Esusën iuambo nebi, queshun uënëste dacuëdënenquio icquin abi chuibanendac.