Uan 1 4:14 - El Nuevo Testamento en matsés

¹⁴ Nuquin Papan Madombo ubitedishun ispondambi. Aden isondashun: Matses abitedi abëd tabadtequid icmenuen Nuquin Papan chomiac Esus chopanëdash, quequin dacuëdenquiocquin chuibanec nebi.

Uan 1 4:14 ပူးပေါင်းရင်းမြစ်များ

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Uanën dada uaid 1:29

Badiadshun padpiden Uanën matses acten mentobanuapondash. Aden mentobannubien Esus chopondash. Chosho isashien Uan mentoquid nadpondash: Is. Nuquin Papan Chomiaid yec obecabimbuecquid choeque. Aidi matsesën icsambuen naid bedshunec abided cuidadec uënësendac.

Uanën dada uaid 10:36

Nuquin Papan tantiacpadec abi yacnouësh chondaid nebi. Adquid yec: Nuquin Papan Madombo nebi, ubi quesho tantiashun ¿atotsi quequin mibitedishun ubi chushcai? ¿Nuquin Papadambi icsambuen chuiquin muauadio?

Uanën dada uaid 12:47

Umbi aden chuisho tantienquio icquido nëbi cuidnu ¿quectabi icti? Padenquio. Nëbi Cun Pan bëdambuen isquin matses cuidenquio abëd tabadmete chuinu, quequini chondac.

Uanën dada uaid 3:11

Tantia. Mibi abimbo chuinu. Umbi isondaidbëta umbi tantiondaidquio chuibanaqui ma mibitedishun tantienquio icpaboc.

Uanën dada uaid 3:32

Esusëmbien ambi Nuquin Papa yacnoshon isnëdaidbëta ambi tantianëdaid chuibampec. Aden chiaqui matses dadpenshun: Abimbo caic, quequin tantiate bunenquio iquec.

Uanën dada uaid 3:34

Nuquin Papan Chomiaidquio icquin Aidën Chiaidquio chuibanec. Nuquin Papan aton Mayan abëd tabadmiaid icquin nadatiambocquin nabanquin abimbo chuibanec.

Uanën dada uaid 4:42

Adshumbic chido chiec: Mimbiuidtsëqui chuisho tantiabuedëmbi nëbi aidënquio chuisho bëdambuen tantiembi. Aidi Nuquin Papa yacno matses tabadmequid nec, quequin tantiembi, quecuededpondash Samadia yacnocquido dadpen.

Uanën dada uaid 5:39

Mibitedi nadpec. Nuquin Papan Chiaid nuquin tsusedpabon dada uampid tantiaquidquio nebi. Aid isbanquid yec Nuquin Papabëd ënëdenquio yec tabadtequid nebi, mibi quepec. Ma ubimbo chuiquin Nuquin Papan dada uamiampid neyoc.

Hechos 18:5

Adnubien Sidasbëd Timoteo nidaid Masedonia caid yacnouësh choshon isaquien Pabadon shubumpi nacnenenquio icquin: Esus Nuquin Papan Chomiaid Quidistu cashumbic Mesias niondash, quequin isadaidbo tantiamenuen Nuquin Papan Chiaid Bëda chuibampanëdash.

Petedo 1 5:12

Umbi daëdpactsëc chuiquin Sidbano dada uamebued mibi yacno buanmembi: Ma mibitedishun isnu, queshun. Aidi chieshtoenquio icquin Esus tantiaquidquio icsho umbi cun utsi caid nec. Ma nëid isash: Ubitedi tantiaquidquio icquin Nuquin Papan ubitedi bëdambuen isquin bëdambo icmec, quequin ma tantianu, quequin abimbo mibitedi chuibanondambique. Chieshtoenquio icquin Nuquin Papa tantiec tabadta.

Uan 1 4:10

Matses tantianquidquio nadquid nec. Nuquin Papa tantiaquid nebi, quequidpenquio nec. Nuquin Papambien nuqui tantiaquioquin: Matsesën icsambuen naidtedi tantienquio yec bëshunquin cuidenquio icnu, quequin aton Mado chomiac matsesën icsambuen naidtedi bedshunash abided cuidadec Esus uënëspondash.

Uan 1 5:9

Matsesën ambi isaid chuibansho: Abimbo chiec, nuqui capec. Adombuembidi abimbo chuibanquidquio icquin Nuquin Papan: Cun Madombo nec, quequin abimbo chiaid nec, quequin nuqui tantiec.