Uan 1 3:19 - El Nuevo Testamento en matsés

¹⁹ Adec utsibo nashunquid icquin: Nuquin Papan abimbo chuiquidën namiaid nebique. Ubi cuidenquio iquendac, quequin tantiaquin dacuëdenquio icquin Nuquin Papa nuqui chiannendac.

Uan 1 3:19 ပူးပေါင်းရင်းမြစ်များ

Uanën dada uaid 13:35

Ubi tantiaquido yec mibitedi tantianansho issun: Adec tantiananquidombo Esusbëd icquido nec, quequin utsibon tantiatsiash, quepondash Esus.

Uanën dada uaid 18:37

Adsho tantiashun Pidaton: Chuiquid tapa nebi ¿quecta ique? caquien: Ai, ma mimbibi chuipayoc. Chuiquid tapa icnuec matsesën tishaid nebi. Adquid icquin matses uaquid tantiamenuen abimbo chuibanombi. Adoac abimbo chuisho tantiate bunquidon ubi tantiendac, quepanëdash Esus.

Doma 8:38

Naden ënenquio icquin tantiembi. Nuquitedi Nuquin Papan ënenquio icquin tantiaido icsho nadquidtedishun cuëshëdmenquio iquec. Uënësmequin cuëshëdmenquio icquinc, uënësabicsho cuëshëdmenquio icquinc, Nuquin Papabëd icquidombi cuëshëdmenquio icquinc, podobitsi icsabon aton chuiquid tapabëtan cuëshëdmenquio icquinc nëbi icquidon cuëshëdmenquio icquinc, iuecash icquidon cuëshëdmenquio icquinc,

Timoteo 2 1:12

Aden chuibenneshobini chieshënquin natiamequin quënën tsadumpondash. Adoaqui dacuëdenquio yec chieshtotiapimbo icquin Esus tantiembi. Umbi tantiaidquio nadatiambocquin nabanquidquio Esus nec. Adquid icquin: Umbi naid chuibanenquio yannushe, queshun abi tantiamequin Esusën ubi chieshtomenquio iquendac. Aidëmbi nidaidën choabi icquin abi chuibanquid chieshtoenquio icquid ubi icmendac, quec dacuëdenquio iquebi.

Ebedeo 10:22

Adquid icnuc bëchish nibëdquiecnuc acten dapanacbimbuen nuqui icsambuen naid nibëdacbimbuecnuc Nuquin Papan nuqui bëdambuen isec. Adoac: Nuquin Papa tantiaquidquio nuqui nec. Adecbidi: Nuquin Papan ambi tantiacpadombuen naindac, quequin tantiaquidquio nuqui nec. Adquid yec Nuquin Papa chiannequid nuqui nendac.

Ebedeo 11:13

Aden umbi chuibuedotedi caidacsho Nuquin Papan: Mibi nidaid menendambi, quequin chiampicpaden aid bedambobi uënësbudnepampic. Aidon Nuquin Papan Chiaid tantiaquid icquin uannoshon isacbimbuen isec cuishonquequin tantiaquin naden chuipampic: Nëid nidaidën tabadec quenenenquio iquendabi, quequin tantiapampic.

Uan 1 1:8

Icsambuen naisambo nebi, quec nuquibi mua uadquid icquin abimbo chuibanquidpenquio nuqui nendac.

Uan 1 2:21

Aden: Nuquin Papan Chiaid abimbo iquec, quequin tantiaquido icsho mibitedi chuiquin dada uaic nebi. Aden tantiesabo icsho mibi chuiquin dada uainquio ictsenombi. Abimbo chuiquid yec muatiapimbocquid nec, quequin mibitedishun tantiec.

Uan 1 3:14

Cuidadtequido icbuedëmbi Esuquidistu tantiaquid yec tantiananquin naden nuqui tantiendac: Adec tantiananquid yec Nuquin Papabëd tabadtequid nebi, quequin nuqui tantiendac. Utsibobëd tantiananesa yec uënësacbimbuec tabadquidoen Nuquin Papan cuidtequido nendac.

Uan 1 3:20

Aden chiannequid iquequi: Icsambuen nachitombi, quequin tantiaquid icshobi Nuquin Papan abitedimbo tantiaquidquio icquin icsambuen naisabimbuecnuc mibi bëdambuen isendac. Adoac Nuquin Papa dacuëdënenquio icquin chiannequid nuqui iquendac.

Uan 1 3:21

Tantia, cun utsibo, umbi tantiaido icsho mibi chuinu. Icsambuen nëbi nambo iccombi, quequin abimbo tantiaquid icquin dacuëdenquio icquin Nuquin Papa nuqui chiannendac.