Uan 1 3:12 - El Nuevo Testamento en matsés

¹² Ëndenquimbo aton utsimbobi chieshënquid Cain icpampic. Aidpadquidpenquio icnuna. Mayan Icsa Satanasën tantiamiacpaden aton utsibi cuessunnepampic. ¿Atotsi queshun cuessunnepampic? Aton utsin bëdambuen nasho issun nëishtanquin icsambuen naquid icquin cuessunnepampic.

Uan 1 3:12 ပူးပေါင်းရင်းမြစ်များ

Mateo 13:19

Nuquin Papan namiacno tabadte iquec, quequin chiaqui tantienquio icsho Mayan Icsa Satanasën nac badedi bëshunendac. Adquid podquied nantan pete ëshë secac paëdacsho uicchunën badedi chiacbimbuecquid nendac.

Mateo 13:38

Padnuen tied tapan icquidbimbuecquid nidaidën tabadquidotedi nec. Pete ëshëbimbuecquid Nuquin Papan namiaido nec. Padnuen ubi chieshënquido Mayan Icsa Satanasën namiaido icquin uasin icsambocquid ansecaquidbimbuecquido nec.

Mateo 23:35

Adosho issun Nuquin Papan mibitedi cuidendac. Nuquin Papan chiacpadec bëdambuec tabadsho tsusedpan chieshënquin intac mëyanmequin tauambuen Abed cuessunnepampic. Adembidi bëdambuec tabadsho tsusedpa utsibon utsi utsien cuessun secapampic. Adoshombic ënquimbi Bedequias caidën mado Sacadias cuëmëdquid cuessunnepampic. Aidi Nuquin Papa tabadte shubu dapa në icnuc udictsëc nëish iua pichicate icnuc nënantanshunquio intac mëyanmequin Sacadias cuessunnepampic. Aidtedi cuessun secampido tantiaquin aid cuessunnequido cuidacbimbuen Nuquin Papan mibitedi cuidquiendac.

Mateo 27:23

Adoaquien Pidaton: ¿Atotsi icsambuen nasho mimbi adope? caquien buëdanquiec cuëdcuededec: Cueste napotiaidën dectanquin uënës uame, quecuededpanëdash.

Mateo 5:37

Aden chienquio icquin: Ai, Aden naimbi, queshun muainquiocquin nata. Adembidi: Padi. Aden natiapimbo iquebi, queshun mimbi chiacpadombuen nainda. Utsi uaquin mimbi icsambuen naindac, quepanëdash Esus.

Ducas 11:51

Tsusedpan abia Abed cuëmëdquid cuessunniampid icnubi tsiuecquio Sacadias cuessunnepampic. Aidi Nuquin Papa tabadte shubu dapa yacnocquid Nuquin Papa ismequin nëish iua pichicate dayunshunquiobi aidon cuessunnepampic. Aden ënden nampidbëta nëbi mimbi icsambuen naid tantiaquin mibitedi cuidendac.

Uanën dada uaid 10:32

Adsho isashien: Sianenda. Cun Pan nadatiambocquin namiacpadombuen mibitedi dadpen nabanquin ismebanombi. Aden umbi naid ¿mitsicquid abentsëc icsambo icsho issun ubi sesenu, caquin naic? quepondash Esus.

Uanën dada uaid 8:40

Bëdambuen natiapimbo icquin Nuquin Papan Chiaidquio chuisho tantiashumbi mimbi ubi cuessunnete bumpec. Abadauanëmbien Nuquin Papan Chiaid tantiaquin aden nainquio icpanëdash.

Uanën dada uaid 8:41

Min papabimbuecquidën nacpadombuembidi naquidien mibitedi nec, capondash Esusën. Adoaquien cun matses isadaidbon: Mambi ubitedishun Nuquin Papauidtsëqui tantieyoc. Utsi tantiatiapimbo icquin Nuquin Papa abentsëqui Papa caimbi, quepondash.

Hechos 7:52

¿Nuquin Papan oncamiaido nuquin tsusedpabon mëyanenquioda icpampic? Adembidi: Nuquin Papan Chomiaid icsaisambo choendac, quequin chuibanquido tsusedpabon cuessun secapampic. Aidon nampicpadembidi Nuquin Papan Chomiaidquio icshobi mibitedishun chieshënquin uënës uamepondac.

Tesadonica 1 2:14

Cun utsibo, nidaid Udea caid yacnocquido yacpadquiec chieshtoenquio icquin mimbi Esus tantiec. Udea yacnoshon Esus tantiaquido icsho aton matses isadaidbon cuestiadquio icquin chieshënac chieshtoenquio iccondash. Adombuembidi min matsesën chieshënac mibitedi chieshtoenquio iccondac.

Ebedeo 11:4

Ëndenquimbo Abedën Nuquin Papa tantiaquin: Mibi bunacpadombuen cun nëish iua cuessunneshun pichicanu, quequin bëdambuen chuishun pichicasho issun Nuquin Papan bëdambuen isaidquio Abed icpampic. Aton buchi Cainien ambi chiacpadombuen nainquiocquin tiedën icquid pichicasho issun Nuquin Papan icsambuen isaid icpampic. Abed uënësampid icnubi Abedën Nuquin Papa tantiaquioquin nampid chiannetequidquio abi iquec.

Ebedeo 12:24

Adecbidi Esus yacno choacbimbuecquido mibitedi nec. Aidi Nuquin Papan Ambi Chiaid chuca namiaid icquin Nuquin Papa matses bëdambuen ismequid nec. Esus abided cuidadec uënësaid intaquën matsesën icsambuen naid ucacbimbuen bëshunmequin Nuquin Papa nuquitedi bëdambuen ismec. Padnuen Abed intac chiquidiquec uënësaidën Nuquin Papa matses bëdambuen ismetiapimbo icpampic. Esus abided cuidadec uënësaidëmbien Nuquin Papa matses bëdambuen ismendac.

Petedo 1 4:4

Adec tabadondaidi nëbi bëdambuec tabadsho issun mibëtan icsambuen nabanondaidon: ¿Atotsi queshun nuqui naondacpadombuen nainquio ique? quequin mibitedi icsambuen chuishunendac.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.

Udas 1:11

Aido cuidtequido icsho tantiac uënësquioshë iquec. Cain campidbimbuecquid aido nec. Nuquin Papan Chiaid niacniacquin abi bunaid naiqui icsaic. Aido piucquid dadpen bedteuidi bunquido yec Badan caidbimbuecquido nec. Adembidi Nuquin Papan Ambi Chiaid niacniacsho Code uënësmepampic.

Esusën Uan ismiaid 17:6

Aid chido acte paë uaid acash tantiadenacbimbuen Nuquin Papa tantiaquidon intac acshun tantienquio yamposh. Esus tantiaquin aid chuibansho dadpen cuessun secaidon intac acshun tantiadenquio yansho isuapombi. Adquidtedi istanec tantiadempambo icpobi.