Uan 1 3:10 - El Nuevo Testamento en matsés

¹⁰ Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.

Uan 1 3:10 ပူးပေါင်းရင်းမြစ်များ

Mateo 13:38

Padnuen tied tapan icquidbimbuecquid nidaidën tabadquidotedi nec. Pete ëshëbimbuecquid Nuquin Papan namiaido nec. Padnuen ubi chieshënquido Mayan Icsa Satanasën namiaido icquin uasin icsambocquid ansecaquidbimbuecquido nec.

Ducas 6:35

Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Uanën dada uaid 1:12

Adquid icnubien utsibon: Nuquin Papan Madombo nec, quequin aid tantiabenquid icsho Nuquin Papan: Cun mado nec. Cun champi nec, capanëdash.

Uanën dada uaid 11:52

Aden Caipasën chuinëdaid tantiaquin umbitsen chuinu. Tantia. ¿Isadaidbouidtsëqui cuidmenquio icnuecta Esus abided cuidadec uënëstiondash? Padenquio. Matses utsibontsen abi tantiaquido yansho Nuquin Papan: Cun mado nec. Cun champi nec, caido icsho abëdi tabadmenuec Esus abided cuidadec uënëspondash, quequin tantiembi.

Uanën dada uaid 8:44

Min papabimbuecquid Mayan Icsa Satanas nec. Aid bunacpadenuidi nate bunquid yec aidën mado mibitedi nec. Ëndenquimboshë Nuquin Papan tauambuen matses uambi Mayan Icsa Satanas cuessunnianquidquio yampampic. Adquid iquec Nuquin Papan chiacpadombuen namenquio yec chieshëmënec cumapenec muaquidquio nec. Aton padibi icquid yec bëdambuen chuimenquio icquin matses muamequidquio nec.

Uanën dada uaid 8:47

Nuquin Papa tantiaquidën Nuquin Papan Chiaidquio chuisho bëdambuen tantiendac. Padnuen mibitedi Nuquin Papa tantiesabo yec Nuquin Papan Chiaidquio chuisho tantiate bunenquio iquec, quepondash Esus.

Hechos 13:10

Mayan Icsa Satanasën tantiamiaid yec bëdambuen naidbëta bëdambuen chiaid tantiamesambo mibi nec. Nuquin Papan namiaid nebi, quequin mimbi icsambuen naid ompoquimbi Nuquin Papan Chiaid utsi uaquin muaquin mimbi adenuidi chuibaneque. Tantia. Chuinu.

Doma 13:8

Aidted bedshun mibi meneuanun nanu, quequin bedenda. Aden nainquio yec utsibobëd tantiananta. Adec utsibobëd bëdambuec tantiananquin Nuquin Papan: Naden nata, quequin Moises chiampicpadombuen nuqui bëdambuen naindac.

Epeso 5:1

Mibitedi Nuquin Papan: Cun bacuëbo nec, queshun ambi tantiaido yec aidbimbuec tantiananec tabadta.

Codosas 3:14

Adec tabadec utsibobëd tantiananec tabadta. Adec tabadec cuëshëdenquio yec abentsëc yacbimbuec bëdamboshëcquido mibitedi yanendac.

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Uan 1 2:29

Esuquidistu Nuquin Papan chiacpadombuen naquid yec bëdamboshëcquid nec. Adembidi ambi chiacpadombuen naquidotedi bëdambuen isquin Nuquin Papan: Cun bacuëbo nec, caindac, quequin mibitedishun tantiec.

Uan 1 3:1

Tantia. Chuinu. Abi tantiaquido icsho nuqui tantiaquioquin Nuquin Papan: Cun bacuëbo nec, caidombo nuqui nendac. Adoaido icquin: Adquid nebi, quequin nuqui tantiec. Adquid icsho Nuquin Papa tantiesabon nuqui tantienquio iquendac.

Uan 1 3:2

Cun utsibo, Nuquin Papan: Cun bacuëbo nec, quequin tantiaidombo nuquitedi nec. Adquid icshobi Nuquin Papan nëbi: Nadquid icmendambi, quesho tantiabi nuqui iquec. Naden nuqui tantiec: Esuquidistu nidaidën padpidec chouasho isash: Adquidshenda caposh, quequin nuqui isquin tantiendac. Aden isash aidpadquid nuqui yanendac.

Uan 1 4:21

Esuquidistun ubitedi naden chuipondash: Nuquin Papa tantiaquid nebi, quiash abi tantiaquid utsibobëd tantiananta, quequin chuipondash.

Uan 1 4:6

Nuquien Nuquin Papan namiaido nendac. Adquid icquin: Nëid Mayan Icsa Satanasën namiaid yec muaquid nec. Nëidien Nuquin Papan Mayan Bëdan tantiamiaid yec abimbo chuiquid nec, quequin nuqui tantiendac. Umbi chuibansho Nuquin Papa tantiaquidon tantiendac. Nuquin Papa tantiesambien umbi Esuquidistu chuibansho tantiate bunenquio iquendac.

Uan 1 4:8

Matses tantianquidquio Nuquin Papa nec. Adquid icnuc nuqui utsibobëd tantiananesa yec Nuquin Papa tantiaquidpenquio nec.

Uan 1 5:19

Esus tantiaquid icquin Nuquin Papan: Cun bacuëbo nec, caido nebi, quequin nuqui tantiec. Nuquin Papa tantiesabotedi Mayan Icsa Satanasën iuaquin namiaido nec, quequimbidi nuqui tantiec.

Uan 1 5:2

Adembidi Nuquin Papa tantiaquin Aidën chiacpadombuen naquid icquin Ambi: Cun bacuëbo nec, caidotsen nuqui tantiendac, quequin abimbo nuqui tantiec.

Uan 3 1:11

Tantia. Cun utsi Cayo umbi tantiaidquio icsho mibi chuinu. Icsambuen naquidën nacpaden naic icsainda. Bëdambuen naquid Nuquin Papa tantiaquid neque. Bëdambuen nata. Icsambuen naquid: Nuquin Papa iquec, quequin tantiesa nec.