Uan 1 2:24 - El Nuevo Testamento en matsés

²⁴ Tauambuen Nuquin Papabëta Esus tantiamenuen chuibansho mimbi tantiondaid bëshunenda. Adec bëshunenquio icquin Esusbëta Nuquin Papa tantiec aidbëd abentsëc yacbimbuec tabadquido yec mibitedi cuëshëdenquio iquendac.

Uan 1 2:24 ပူးပေါင်းရင်းမြစ်များ

Ducas 1:2

Aidon Esuquidistun tauain naidbëtabi ambi naid utsitedi isbanquidon ambi: Chuibenneta, caidon chuibanacpaden dada uaidtedi nec.

Ducas 9:44

Tantia. Chuinu. Bëshunenquio icquin bëdambuen tantiaquiota. Matsesën Tishaid icsho ubi chieshënquido ubi bedmendac, quepanëdash Esus.

Uanën dada uaid 14:23

Adoaquien Esusën: Ubi tantiaquid umbi chiacpadombuen naquid nec. Aden nasho aid tantiaquioquin Cun Pabëtan aidbëd icquin bëdambo icmendambi. Adoac ubëd iquec Cun Pabëd yacbimbuec tabadendac.

Uanën dada uaid 15:7

Adshumbic Esusën padpiden chuipondash: Ubi tantiec ubëd tëshnanenquio yec tabadquin umbi chiacpadombuen nabanquidën: Ubi nashunta, Papa, cac mimbi chiacpadombuen Nuquin Papan mibi nashunendac.

Uanën dada uaid 6:56

Aden cun nami pequinc cun intac acquinc caquid yec ubëd abentsëc yacbimbuec tabadtequid nendac. Adecbidi aidbëd abentsëc yacbimbuec iquendabi.

Uanën dada uaid 8:25

Adsho tantiashumbien cun matsesën chuiquidon: ¿Mitsipadquid icquin ubi aden chuiquin nai? caquien: Umbi chianniac mibitedishun tantienquio iccoc. Adquid icsho mibi chuiuate bunenquio iquebi, quepondash Esus.

Pidipos 4:15

Min nidaid cuëshë Masedonia caid yacnouësh Esus chuibennenu, quec nidsho issun Esus tantiaquido icquin Pidipos yacnocshon mibitedishunuidtsëqui piucquid menenubi uanno shubu utsin icquidon menenquio iccondashi.

Codosas 3:16

Esuquidistun naid chuibanaid bëdamboshëcquid tantiaquido mibitedi neque. Aid bëshunenquio icquin tantiec bëdambuec tabadta. Adembidi bëdambuen tantiaquin Esus tantiaquid utsibobëd tantiananec Esuquidistun chiaid chuinanec: Bëdambuec tabadnuna, quec chuinanta. Aden naic chuiquid tapa Dabidën dada uampid cuëdëntebëta cuëdënte utsi Nuquin Papan mibi bëdambo icmiaidbëtabi ambi naid utsi chiec cuëdëndedneta.

Ebedeo 2:1

Adec abitedishun Icbombo Nuquin Papan Mado Esus icnuc: Ambi Chiaid niaquec cuëshëdchitomane, queshun aid tantiaquin aidën chiacpadombuen nabanec bëdambuec tabadnuna.

Ebedeo 3:14

Tauambuen nuqui Esus tantiabenondacpadombuen chieshtoenquio icquin tantiec uënësabi yacpadembi ënenquio icquin tantiaquido yec Esusbëd tabadtequido nuqui nendac.

Uan 1 1:3

Aidi ubëd icquidobëtan isquin chuibansho tantiondashun chuibanec nebi. Ma mibitedi ubëd icquidobëd abentsëc yacbimbuec ma tabadnu, quequin chuibanec nebi. Adecbidi abentsëc yacbimbuec Nuquin Papabëd yec aton mado Esuquidistubëd yec quec ubitedi tabadacpadecbidi ma mibitedi tabadnu, quequin chuibanec nebi.

Uan 1 1:7

Nuquin Papan chiacpadombuen nabanquid yec Esus tantiaquid utsibobëd abentsëc yacbimbuec tabadquid nuquitedi nendac. Adquid nuqui icmenuec nuqui icsambuen naidtedi bedshunec abided cuidadec Nuquin Papan Mado Esuquidistu uënëspondash. Adec intac mëyanec uënësondaidënquio nuqui icsambuen naidtedi uqendac. Nuqui icsambuen nabued tantienquio yec bëshunendac.

Uan 1 2:7

Tantia, cun utsibo. Umbi tantiaido icsho mibi chuinu. Nuquin Papan: Naden nata, quequin chiaid chuca chienquio icquin mimbi ënden bedanquin chuibansho tantiondaidbidi mibitedi chuiquin dada uaic nebi.

Uan 1 3:24

Aden ambi chiacpadombuen naquidbëd abentsëc yacbimbuec Nuquin Papa iquec. Adecbidi matses Nuquin Papabëd abentsëc yacbimbuecbidi icuaic, quequin Nuquin Papan aton Mayan meniaid nuquibëd icquin nuqui abimbo chiaid tantiamec.

Uan 1 4:13

Abi tantiaquid icsho aton Mayan meniaid icquin nuquitedi naden tantiec: Nuquin Papabëd abentsëc yacbimbuec nuqui icnuc nuquibëd abentsëc yacbimbuec Nuquin Papa iquec, quequin nuqui tantiec.

Uan 1 4:15

Esuquidistu Nuquin Papan Madombo nec, quequin tantiaquidbëd abentsëc yacbimbuec Nuquin Papa iquec. Adecbidi aidbëd abentsëc yacbimbuec abi tantiaquid iquec.

Uan 1 4:16

Naden nuquitedi tantiec: Tantianquidquio icquin Nuquin Papan nuqui tantiec. Adecbidi aton matsesbëd tantiananquidquio yec Nuquin Papabëd cuëshëdenquiocquid nec. Adecbidi nuquibëd Nuquin Papa iquec.

Uan 2 1:2

Nuquin Papan Chiaid abimbo iquec, quequin ënenquio icquin tantiaquido icquin ubitedi tantiasho mibitedi tantiaquiembi.

Uan 2 1:9

Ambibi tantiaid natsusuaquin Esuquidistun chuibanondaidquio chienquiocquid Nuquin Papa tantiesabo nec. Padnuen Esuquidistun chiaidquio chuibansho tantiashun ënenquio icquin tantiaquid Nuquin Papabëta aton Mado Esus tantiaquidquio nendac.

Uan 3 1:3

Mibëd icquidon nëmbo choshon naden chioshi: Esuquidistun chiacpadombuen nabanec tabadquid Cayo nec, quequin chuibanoshi. Aden chuisho tantiabosh bëdambo iquec cuishonquec tsadebi.

Esusën Uan ismiaid 3:11

Tantia, nëbimbobi choendabi. Mimbi bëdambuen nabocpadombuen chieshtoenquio icquin ubi tantiata. Utsibon chieshënaqui mibi icbocpadquiec chieshtoenquio yec bëdambuec tabadta. Adquid icsho cuidenquio icquin utsibon mënchictiapimbo icnuc mibi bëdamboshëcquid menequin ubëdi tabadmendambi.

Esusën Uan ismiaid 3:3

Mimbi umbi naid chuibansho tantiabenondacpadombuen ubi padpiden tantiabenuata. Bëshunenda. Nëbi mibi icsaid ënshun umbi chiacpadombuen nauata. Isucunenquio yacbimbuen ubi padpiden tantienquio icshoembi mibi cuidendac. Ampequid choec, quequin tantienquio yacbimbuen tantienquio icsho mibi cuidtsiambique. Ubi tantiaquiota.