Uan 1 2:21 - El Nuevo Testamento en matsés

²¹ Aden: Nuquin Papan Chiaid abimbo iquec, quequin tantiaquido icsho mibitedi chuiquin dada uaic nebi. Aden tantiesabo icsho mibi chuiquin dada uainquio ictsenombi. Abimbo chuiquid yec muatiapimbocquid nec, quequin mibitedishun tantiec.

Uan 1 2:21 ပူးပေါင်းရင်းမြစ်များ

Uanën dada uaid 18:37

Adsho tantiashun Pidaton: Chuiquid tapa nebi ¿quecta ique? caquien: Ai, ma mimbibi chuipayoc. Chuiquid tapa icnuec matsesën tishaid nebi. Adquid icquin matses uaquid tantiamenuen abimbo chuibanombi. Adoac abimbo chuisho tantiate bunquidon ubi tantiendac, quepanëdash Esus.

Uanën dada uaid 8:44

Min papabimbuecquid Mayan Icsa Satanas nec. Aid bunacpadenuidi nate bunquid yec aidën mado mibitedi nec. Ëndenquimboshë Nuquin Papan tauambuen matses uambi Mayan Icsa Satanas cuessunnianquidquio yampampic. Adquid iquec Nuquin Papan chiacpadombuen namenquio yec chieshëmënec cumapenec muaquidquio nec. Aton padibi icquid yec bëdambuen chuimenquio icquin matses muamequidquio nec.

Santiaco 1:19

Tantia, cun utsibo. Umbi tantiaido icsho mibitedi chuinu. Utsin chuibansho bëdambuen tantiaquid icta. Adquid icquin utsibon chuibannubi badedquio onquequin chienda. Adecbidi badedquio nëishenda.

Petedo 2 1:12

Umbi aden chuibuedtedi mibitedishun tantiondac. Aden tantiash chieshtoenquio yec Esus tantiec bëdambuec mibitedi tabadanondac. Aden abimbo chiaid tantiondaid icsho mibi adembi chuiquin tantiamedednendambi.

Uan 1 3:19

Adec utsibo nashunquid icquin: Nuquin Papan abimbo chuiquidën namiaid nebique. Ubi cuidenquio iquendac, quequin tantiaquin dacuëdenquio icquin Nuquin Papa nuqui chiannendac.

Udas 1:5

Tantia. Nuquin Papan cuidampid mimbi tantianëdaidi mibitedi padpiden chuiuanu. Equipito yacnoshon isadaidbotedi buanmepampic. Adoac iuectanquin ambi buanmiaidombi Ambi Chiaid niacniacsho issun Nuquin Papan abi tantiesabotedi uënësmepampic.