Uan 1 2:1 - El Nuevo Testamento en matsés

¹ Mibitedi cun bacuëbobimbuecquido icsho: Icsambuen naic tabadnushe, queshun chuiquin dada uaimbique. Isec onqueta. Nuqui icsambuen nasho issun Esuquidistun Nuquin Papan chiacpadombuen naquid icquin Nuquin Papa chiendac. Ubi tantiaquidën icsambuen naid tantienquio yec bëshunta, quequin Esuquidistun chiendac.

Uan 1 2:1 ပူးပေါင်းရင်းမြစ်များ

Ducas 10:22

Aden chiashic: Cun Pan ambi tantiaidtedi ubi tantiamec. Umbi nabambuedbëta umbi nabante abitedi utsibon tantienquio icnuc Cun Panuidtëqui tantiec. Adembidi cun Pan natebëta ambi nabambued utsin tantienquio icnuc umbentsëqui abitedi tantiembi. Aden tantiaquid icquin: Umbi tantiaidtedi nëid matses bëdambuen tantiamembi, queshun: Nuquin Papa nadquio iquec, quequin tantiamembi, quepanëdash Esus.

Uanën dada uaid 10:15

Nuquin Papabëd ubi tantiananacpadquiec ubi tantiaquidobëdtsen tantiananquiebi. Aden ubi tantiaquido tantiec Cun Pa aido cuidmenquio icnuec ubided cuidadec uënësendabi.

Uanën dada uaid 13:33

Tantia. Umbi tantiaido yec cun mado caido icsho mibitedi chuinu. Mibëd iuec tabadenquio iquendabi. Umbi isadaidbon chuiquid tapabo chuibocpadombuembidi mibitsen chuiuanu. Ubi nidacsho nibënquin mibitedishun ubi istuidenquio iquendac. Ubi nidacno mibi nidtiapimbo iquendac.

Uanën dada uaid 14:16

Aden naquidquio icsho issun Cun Pabëd icquin Cun Pa naden chiendambi: Nuqui tantiaquido bëdambuen tantiamequin ma aido cudasënquin bëdambuen nashunnu. Nuquin Mayan Bëda aidobëd ënëdenquio icnuc tabadmenuna, Papa, umbi cac Cun Pan Aton Mayan Bëda mibëdi tabadmendac.

Uanën dada uaid 14:6

Adoaquien Esusën: Nuquin Papa yacno nidte tantiamequidquio nebi. Nuquin Papan Chiaiduidtsëqui chiec muesambo nebi. Adquid icnuc ubiuidtsëqui tantiash Nuquin Papa yacno tabadendac.

Uanën dada uaid 21:5

Adshobini Esusën cuëmpondash: Caniabo ¿tedtsi nuëcquid bedo? cac: Padambo. Nibëdec, capondambi.

Uanën dada uaid 5:14

Adshumbic Esusën Nuquin Papa tabadte shubu dapa tsicatiacno puduedshun ambi daicsacsho bëdanmebued istuidpondash. Istuidshumbien: Tantia. Mibi chuinu. Umbi bëdanmebuedquio mibi neque. Padpidembuen icsambuen nainquiocquin ënash bëdambo icta. Padenquio yec padpidembuec daicsabudchitomane, quiash adta, capondash Esusën.

Uanën dada uaid 5:36

Adquid Uan icnuc ubi abimbo chuiquin tantiamequidquio abi utsi iquec. Aidëmbi: Matses ismenu, queshun nadatiambocquin nabanquidquio icmepondashi. Ambi chomiaid icquin Nuquin Papan namiacpadombuen nadatiambocquin nabanquin umbi ismesho isash: Ai, aidi nec, queshun ubi tantiatiadquidi mibitedi nec.

Uanën dada uaid 6:27

Peteuidtsëqui tantiaquin pete bednuen naquidquio mibi nec. Aidquio chodquetequid neque. Chodquetiapimbo icquid tantiaquin bëdambuen nata. Aden nash Nuquin Papabëd ënëdenquio yec tabadtequid mibi yantsiandac. Nuquin Papan: Umbi chomiaidquio yec Matsesën Tishaid neque. Ismenu, quequin Aidën namiacpadombuen mibi ismequin nadatiambocquin nabanombi, quepondash Esus.

Uanën dada uaid 8:11

Ai, nibëdosh, quesho tantiashumbien: Umbimbo mibi cuënoten sesenquio iquembique. Mimbi icsambuen naid ënash min shubuno tabadec nid, champi, capondash Esusën.

Hechos 7:52

¿Nuquin Papan oncamiaido nuquin tsusedpabon mëyanenquioda icpampic? Adembidi: Nuquin Papan Chomiaid icsaisambo choendac, quequin chuibanquido tsusedpabon cuessun secapampic. Aidon nampicpadembidi Nuquin Papan Chomiaidquio icshobi mibitedishun chieshënquin uënës uamepondac.

Doma 5:10

Abi chieshënquido icsho issun nuqui cuidte bunenquio icquin Nuquin Papan aton Madoded cuidmepanëdash. Aden aton Madoded cuidmiash nëish bëdanshun abi tantiaquido bëdambo icmeshun abi yacno tabadmendac. Nëbi Nuquin Papan uincuenmenëdaid icquin Esusën nuquitedi cuidmenquio iquendac.

Doma 6:15

Nuquin Papan nuquitedi bëdambuen isec, quequin chuisho tantiashun naden icsambuen tantienda: Moises dada uamiampidtedi niacsho bëdambuen isquin cuidtiapimbo iqueque. Ambi chiaid niacquin icsambuen nanu, ¿quequinda tantie? Aden icsambuen tantienda.

Doma 8:34

Adquid icshoda ¿Utsibon: Aido natiamequin cuidquin Nuquin Papa nibëdacno nidmenu, queshunda naic? Padenquio. Esuquidistu abided cuidadec uënësacsho uincuenmepanëdash. Aidëmbi nëbi Nuquin Papan dayun abiucquio tsadquin nuquitedi tantiaquin: Aid bëdambuen ista, quequin Nuquin Papa chiannec.

Codinto 1 15:34

Padpidembuen mimbi icsambuen tantiaid ënquin bëdambuen chiaidquio tantiaquin bëdambuen tantiauata. Mibitedi utsi utsiec Nuquin Papa tantienquio yec tabadsho: Ma dacuëdnu, quequin chiec nebi.

Codinto 2 5:21

Ambi cuidtiadquidi nuqui icnubi Esuquidistu icsambuen naisa icshobi Nuquin Papan abided cuidmepanëdash: Cun Mado tantiaquidotedi icsambuen naisabimbuecnuc bëdambuen isembi, queshun.

Cadasia 4:19

Cun bacuëbobimbuecquido icsho mibitedi tantiac uënësquio iquec. Anin paëmbo icnuc natiaquimbi aton bacuë tishacbimbuen natiaquin mibitedi tantiaquiembi. Esuquidistubimbuec icpashun, quequin tantiembi.

Epeso 2:18

Esuquidistunuidtsëqui nac: Nëid isadaidbo nec. Nëid isadaidpembo nec, quenquio icquin aton Mayambëd abentsëc yacbimbuecnuc tabadmiaido yec Nuquin Papa yacno puduedtequido nuqui nendac.

Epeso 4:26

Nëishshun icsambuen nainda. Nëishash abi uëshëmbi badedquio bëdanta.

Timoteo 1 2:5

Aden Nuquin Papan Chiaidquio tantiashun nuqui naden tantiec. Nuquin Papa matses uaquid abentsëcquiobi iquec. Matsessun Nuquin Papa matses bëdambuen ismequid aton Mado Esuquidistu abentsëcquiobi iquec.

Timoteo 1 3:14

Nëbi mibi isec nidte bunebi. Nidambo icquimbi nëid umbi dada uaid issun:

Ebedeo 9:24

Nidaidënshun Nuquin Papa abuc tabadtebimbuecnuc matsesën nacnenaidën tabadte shubun Esuquidistu aton intac buanec puduedenquio icpanëdash. Aton Papa abuc tabadacnombo puduedshun abi tantiaquido icsho nuqui tantiaquin: Papa, ubi tantiaquid neque. Bëdambuen ista, quequin Nuquin Papa abi chiannec.

Santiaco 1:27

Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.

Santiaco 3:9

Nuquin anan onquequin: Nuquin Icbo Nuquin Papa bëdambo iquec, quequin chuishumbic Nuquin Papan abibimbuecnuc uaid matses icshobi icsambuen nuqui chuishunec.

Petedo 1 2:22

Esuquidistu muesambo yec icsambuen naisambo nepondash.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.

Uan 1 3:18

Cun bacuëbobimbuecquido icsho umbi tantiaido mibi neque. Utsibo tantiaquin nashunquid nebi, quec onqueuidequi onquenda. Utsi tantiembi, quequin mimbi tantiacpadombuen aid tantiaquin nashunquin ismeta.

Uan 1 3:5

Adquid icnuc Esuquidistu matsesash nuqui icsambuen nabanaidtedi bedshunec abided cuidadec uënëspanëdash, quequin mibitedishun tantiec. Adembidi icsambuen naisambo Esuquidistu nec, quequin mibitedishun tantiauaic.

Uan 1 3:7

Cun bacuëbobimbuecquido icsho umbi tantiaido mibi neque. Utsibon mibitedi muaquin chienquio icpashun. Naden tantiata. Nuquin Papan: Naden nac bëdambo ictsiash, caid tantiaquin nabanec bëdambocquid iquec Esuspadquid mibi iquendac.

Uan 1 4:4

Cun bacuëbobimbuecquido yec mibitedi Nuquin Papan namiaido nec. Muaquidon chuisho tantiashun: Muaquin chiec nec, quequin mibitedishun tantiac. Nuquin Papa nadatiambocquidën aton Mayan meniac Aidën tantiamiac muaquidën chuibansho mimbi: Muaquid nec, quequin dëniacquin tantiendac. Padnuen Nuquin Papa chieshënquido namequid Mayan Icsa Satanas bëdiactsëc nabanquid nec.

Uan 1 5:17

Icsambuen naidtedi Nuquin Papan Chiaid niaquec icsatequid nec. Icsambuen naid utsi utsiec uënëstequid icnubi utsi utsiec uënësenquio ictequid nec.

Uan 1 5:21

Cun bacuëbobimbuecquido mibi neque. Naden icsambuen nainda. Utsibon ambibi nacnenshun papa cain tantiaid Nuquin Papapenquio tantiec tabadenda.

Uan 3 1:4

Umbi Esusquio chuibanondaido yec cun bacuëbobimbuecquido nec. Adquido yec umbi chiondacpadquiec Esus tantiec bëdambuec tabadec, quiash cuishonquequiec bëdambo iquebi.