Uan 1 1:6 - El Nuevo Testamento en matsés

⁶ Adquid icnuc: Nuquin Papa tantiaquid yec aidbëd abentsëc yacbimboecquid nebi, quebuedëmbi icsambuen nabanquin aidën chiaid niac niacquid yec nuquibi muaquid nendac.

Uan 1 1:6 ပူးပေါင်းရင်းမြစ်များ

Mateo 7:22

Nuquin Papan matses abitedi cuidte uëshën matses dadpenshun ubi chuiquin: Icbo, Icbo, Cun Icbo mibi nec. Mibi caquin: Aidën namiaidquio nebi, quequin dadpen naombi. Nuquin Papan Chiaid chuiquinc, podobitsi icsabo matses dapuduedaido cuenmequinc dadpen nadatiambocquin naquinc caombique. Ubi puduedme, Icbo,

Uanën dada uaid 11:10

Inchëshën capuequien tocoshquetanec uebudquid, quequin Esusën chuipondash.

Uanën dada uaid 12:35

Adoaquien Esusën: Nadquid nebi, quenquio icquin utsi chiacbimbuen naden chuipondash: Mibi bëdambuen tantiamequid nëbi abi mibëd iqueque. Aid tantiata. Adbuedi uëshë budacbimbuec isadenquio yanendac. Aid nibëdnuc inchëshën tantienquio yec capuacbimbuen mimbi bëdambuen tantienquio iquendac.

Uanën dada uaid 12:46

Uëshë chënquequid isquin tantiacbimbuen Nuquin Papan matses bëdambuen iste tantiamequidquio nebi. Ubi tantiaquid yanash bëdambuec tabadec inchëshquio icnuc istiapimbo yacbimbuec icsambuec tabadenquio iquendac.

Uanën dada uaid 8:12

Adshumbic padpidembuen matses tantiamequin Esusën naden chuiuapondash: Nuquin Papan bëdambuen iste matses tantiamequidquio nebi. Umbi tantiamiac ubi tantiabenquido icsambuen nate bunenquio yanendac. Adash ubëd tabadtequid iquendac, quepondash Esus.

Uanën dada uaid 8:55

Mimbi: Tantiembi, cabued Nuquin Papa ma mibitedishun tantienquio iqueyoc. Umbien Nuquin Papa tantiaquiec. Aid tantienquio iquembi, quec mibi yacpadecbidi muaquidquio ictsiabi. Mambi Cun Pa tantiaquin Aidën chiacpadombuen naiyoc.

Timoteo 1 4:2

Aden podobitsi icsabon tantiamiac muaquidon: Abimbo caimbi, quequin bëdambocquid danmianquien muaquin chiendac. Aidon: Naden nac bëdambo ictsiash. Naden nac icsambo ictsiash, quequin bëdambuen tantienquio icquimbi icsambuen chuibansho matsesën tantiashunendac.

Santiaco 2:14

Cun utsibo: Esus tantiaquid nebi, quequid icquimbi ¿Ambi Chiaid nabanenquiocquidta Nuquin Papan bëdambuen ispadic? ¿Adquidta abi yacno tabadmepec? Padenquio.

Santiaco 2:16

menenquio icquin naden chiec: Nidec nid. Dashcute bedash dasiuidta. Adembidi: Pete bedshun codocashun pec nid, ¿mimbi cacta bëdambo icpadic? Padenquio. Aden mimbi dashcutebëta pete menenquio icquin chuiquinuidtsëqui nacta ¿bëdambo icpadic? Padenquio.

Santiaco 2:18

Adnubien: Esus tantiaquid nebi, quequid icnubi utsi: Ubi bëdambuen nabanquidquio nebi, quequid icpec. Adshun: Esus tantiaquid nebi, quequin aidën chiacpadombuen nainquiocquin ubi isme, capec. Adshun: Esus tantiaquid nebi, quequin chienquiocquimbi Esusën chiacpadombuen bëdambuen nabanquin mibi ismembi, quequid icpec.

Uan 1 1:10

Matses icsambuen naisambo nibëdquiec, quequin chuiquin Nuquin Papan Chiaid dada uampid icnubi: Icsambuen naisambo nebi, quequin chiec: Muaquid Nuquin Papa nec, quiacbimbuec nuqui onquepec. Adec onquequin Nuquin Papan Chiaidquio bëdambuen tantienquiocquid nuqui nendac. Aden chuiquid Nuquin Papan chiacpadombuen naisa nendac.

Uan 1 1:3

Aidi ubëd icquidobëtan isquin chuibansho tantiondashun chuibanec nebi. Ma mibitedi ubëd icquidobëd abentsëc yacbimbuec ma tabadnu, quequin chuibanec nebi. Adecbidi abentsëc yacbimbuec Nuquin Papabëd yec aton mado Esuquidistubëd yec quec ubitedi tabadacpadecbidi ma mibitedi tabadnu, quequin chuibanec nebi.

Uan 1 1:8

Icsambuen naisambo nebi, quec nuquibi mua uadquid icquin abimbo chuibanquidpenquio nuqui nendac.

Uan 1 2:4

Adnubien utsi: Aid tantiembi, queshumbi aidën chiacpadombuen nainquio icquin muaquin chuibanquid yec abimbo chuiquidpenquio nendac.

Uan 1 4:20

Utsi nadpec: Nuquin Papa tantiaquid nebi, quepec. Adquid icquimbi abëtan Esus tantiaquid utsi ambi isaidquio chieshënquid yec muaquidquio nendac. Aden ambi isaidquio tantienquiocquid iquec ambi isacmaidquio Nuquin Papa tantienquiocquidbidi nendac.