Uan 1 1:5 - El Nuevo Testamento en matsés

⁵ Esuquidistun Nuquin Papan naid chuibansho tantiondashun mibitedi chuiuaimbique. Tantia. Nuquin Papa bëchamauanquiecquid yec bëdamboshë icquid nec. Adquid yec inchështiapimbo yacbimbuen icsambuen naisambo nec.

Uan 1 1:5 ပူးပေါင်းရင်းမြစ်များ

Uanën dada uaid 1:19

Uanën Nuquin Papa tantiabenquido acten mentobannubien Edusaden yacnoshon isadaidbo chuiquidon: ¿Tsutsi neque? Chuimetan, cac Nuquin Papa ismequin nëish iua cuessunneshun pichicaquidobëd Nuquin Papa tabadte shubu dapa yacno nacnenquido Debin tsiuecquido chochoshon Uan chuituidpondash.

Uanën dada uaid 1:4

Aidquio Nuquin Papa yacno tabadmianquid nec. Nuquin Papapadquidquiobidi yec: Nadquio Nuquin Papa iquec, quec tantiamianquidquio Esus nepondash.

Uanën dada uaid 1:9

Nidaidën choshon cuëte dëbedmequin ismiacbimbuen matses Nuquin Papambo tantiamendac, quequin chuibampondash.

Uanën dada uaid 8:12

Adshumbic padpidembuen matses tantiamequin Esusën naden chuiuapondash: Nuquin Papan bëdambuen iste matses tantiamequidquio nebi. Umbi tantiamiac ubi tantiabenquido icsambuen nate bunenquio yanendac. Adash ubëd tabadtequid iquendac, quepondash Esus.

Uanën dada uaid 9:5

Aden chiashic: Matsesbëd tabadquin chëncaquin ismiacbimbuen matses Nuquin Papa bëdambuen tantiamequidquio nebi,

Codinto 1 11:23

Nuquin Icbon abi uënës uate tantiaquin chuibanondaid chuisho tantiondashun mibitedi chuibanondambique. Aidquiobidi chuinu. Tantia. Abi chieshënquidon bedmete inchëshëmbi: Ubëd icquidëmbi ubi bedmendac, quequin tantiaquin Nuquin Icbo Esusën pan bedshun sananquin:

Timoteo 1 6:16

Aid abentsëqui uënëstiapimbo icquid nec. Bëchamauanquiec isadsho: Isnu, quequimbi anuenadtiapimbo iquec. Aidi matsesën istiapimbo icquid nec. Adquid icsho: Mibiuidtsëqui abitedishun Icbombo yec nadatiambocquid mibi bëdamboshëcquid nec, Papa, amen, quequin Nuquin Papa chiannenuna ënenquio icquin.

Santiaco 1:17

Nuquin Papa icsa nibëdquid yec bëdamboshëcquidquio icquin nuquitedi bëdambocquid menendac. Aidëmbi badiadën uëshëbëta inchëshën uëshë uatanquin uispatedi uapampic. Nuquin Papa utsi ictiapimbo icquid yec iuecash adquiouidi iquendac. Inchëshnuc abuc icquid chënquebuedi chënquenquio yanacbimbuecpenquio utsi ictiapimbo iquendac.

Uan 1 3:11

Ënden bedanquin chuisho mimbi tantianëdaid nad iquec: Esuquidistu tantiaquid yec Esus tantiaquid utsibobëd tantiananquionona, quequin mibitedi chuipanëdash.

Esusën Uan ismiaid 21:23

Ambobidi inchështanec badiadenquio iquendac. Badiadën uëshë isadenquio iquendac. Inchëshën uëshëtsen isadenquio iquendac. Nuquin Papa uëshëmbo yec bëchamauanquiec icquidëmbi ambo uëshëmbouidquio iquendac. Adecbidi Obecabimbuecquid tabotebimbuec iquendac.

Esusën Uan ismiaid 22:5

Ambo inchështe nibëdendac. Nuquin Papa bëchamauanquiec icquidëmbi uëshëmbouidquio icnuc inchështe nibëdquio iquendac. Adecbidi badiadën uëshë chënquequid nibëdnuc matsesën tabote taboaid nibëdendac. Adshumbic abi tantiaquido chuiquid tapabo icmiac ënenquio icquin namebanendac, quequin ismeposhi.