Tito 3:5 - El Nuevo Testamento en matsés

⁵ Aidëmbi matses icsambuen naquid icshobi cuidmenquio icte bunquid icquin bëdambuen isquin nuquitedi mënchicpondash. Adshumbic nuqui icsambuen naidtedi ucmenuen nuqui utsiacbimbuecnuc chuca icmequin aton Mayan Bëda meniac.

Tito 3:5 ပူးပေါင်းရင်းမြစ်များ

Mateo 3:11

Adshumbic padpiden chuiquin: Umbi icsambuen naid ënash Nuquin Papa tantiaquid nebi, quequid mibi utsi utsiec icsho acten mentobanquin chuibanquid nebi. Umbi chuibannubi cun tsiuec utsi choshon aidëntsen chuibanendac. Aidi ubi udictsëcquidquio yec nadatiambocquin nabanquid icsho ubi icsaquid icquin abi tapucudaid chicnuec dacuëdtsiabi. Aidi choshon: Ubi tantiaquid nec, queshun cute nëdënquequidbimbuecnuc ismequin aton Mayan Bëda menendac.

Ducas 1:50

Aton matsesën tishaid tsibanquid tsibanquidquiec abi tantiaquido icsho issun: cuidenquio icquin mimbi bëdambuen isquin tantiendac.

Ducas 1:54

Nuquin matses isadaidbo tantiaquin nashunquid Nuquin Papa nec. Adquid icquin aido bëshunenquio icquin bëdambuen isquid nec.

Ducas 1:72

Nuquin tsusedpabo bëdambuen isquin ambi aido chiampicpadombuen bëshunenquio icquin naindac.

Ducas 1:78

Mibi oncamequid Nuquin Papan nuqui cuidte bunenquio icquin matses tantiaquid icquin badiadnuc uëshë chënquecunacbimbuecquid nuqui cuidmenquiocquid abucshun chomendac.

Doma 11:14

Umbi mibitedi chuibanaid tantiash cun matses utsi utsiec: Esus tantiate bunebi, ma quenu, queshun mibitedi chiec nebi. Adshun Esus tantiabensho aidotsen Nuquin Papan cuidenquio icquin bëdambuen isquin abëd tabadmendac.

Doma 11:6

Aden tantiec Nuquin Papa bëdambocquid icquin ambi chiacpadombuen naquid nibëdsho bëdambuen istiapimbo icbuedëmbi ambi tantiactedishun icsambuen nabuedombi abi tantiasho Nuquin Papan bëdambuen isendac.

Doma 12:2

Esus tantiesabon nacpadombuen naic tabadenda. Adembidi aidon tantiacpadombuen nainquiocquin bëdambuen tantiabenash mibitedi bëdambuec tabadquid yanendac. Adash Nuquin Papa bunacpadec tabadquin bëdambocquid yec abi bunaidquio yec icsambocquidpenquio yante yec quequin mibitedishun tantiendac.

Doma 3:20

Aden Ambi Chiaid niaquesambo nibëdnuc: Ambi Chiaidtedi naquidquio nebi, quesho Nuquin Papan ubi bëdambuen isec, quequin nuquitedi abimbo chuitiapimbo iquec. Nuquin Papan Chiaid issun: Ambi Chiaid niac niaquec icsambuen naiquien nuquitedi tabadchitec, quequin tantiamenuen Nuquin Papan: Naden nata, quequin chuiquin Moises dada uamiampid nec.

Doma 4:5

Nuquin Papambien icsambuen nabuedëmbi Esus tantiasho aid matses bëdambuen isendac icsambuen naisabimbuecnuc. Aid matsesën abi bëdambuen ismete nainquio icshobi Nuquin Papan bëdambuen isec.

Doma 9:11

Bacuë daëd tishabi icshobi aid bëdambuen nainquio yec, icsambuec tabadtiapimbo icnubi Nuquin Papan Debeca naden chuipampic: Min mado tsiuecquid icshobi bëyucquidën nashunendac, quepampic. Adembidi Isaquën mado chuiquin Nuquin Papan Ambi Chiaid naden dada uamepampic: Acobouidtsëqui tantiaquioquimbi Esau bëdiactsëc tantiatsembi, quepampic. Nuquin Papan ambi tantiacpadombuen adombuembidi tantiamec, quequin nuquitedi tantiec. Ambi tantiaid matses icsho bëdambuen nainquio yec icsambuec tabadquid nec, quenquio icquin Nuquin Papan ambi tantiacpaden tantiamendac.

Doma 9:16

¿Ambembi nasho Nuquin Papan ubi bëdambuen istsiash, quequin abi bunacpaden nashoda Nuquin Papan matses bëdambuen ispec? Padenquio. Nuquin Papan ambi tantiactedishun abi tantiasho Nuquin Papan uënësquio icquin bëdambuen isendac.

Doma 9:30

Aden chiaid tantiash ¿atotsi nuqui quendac? Matses utsibon abi tantienquio icbuedombi ambi chiacpadombuen naquin tantiabensho icsaisabimbuecnuc bëdambuen isendac. Ambi chiacpadombuen naic tabadnu, quesabobi Nuquin Papan abi tantiasho icsaisabimbuecnuc isendac.

Codinto 1 6:11

Ënden mibitedi utsi utsiec adquido iccondaidi nëbi abi tantiaquido yansho issun acten mentoaido iquec. Adembidi mibitedi Nuquin Papan bëdamboshëcquid icmequin Nuquin Icbo Esuquidistu tantiaquid icsho mibi isaisabimbuecnuc bëdambuen isec. Adembidi Nuquin Papan aton Mayan meniaido mibitedi nendac.

Cadasia 2:16

Adquid icnuc Nuquin Papan: Naden nata, quequin chuiquin Moises dada uamiampid tantiaquin nabansho Nuquin Papan icsaisabimbuecnuc nuqui bëdambuen isec, quetiapimbo nuquitedi iquec. Esuquidistu tantiashouidtsëqui Nuquin Papan nuqui bëdambuen isec, queshun nuqui Esuquidistu tantiabenondac. Adshun ambi: Naden nata, quequin chiampiduidi nainquio icsho icsaisabimbuecnuc Nuquin Papan bëdambuen istiapimbo iquec, quequin nuqui tantiec.

Epeso 2:4

Aden cuidembi, quebuedëmbi nuqui cuidte bunenquio icquin Nuquin Papan nuquitedi tantiaquiec.

Epeso 4:23

Adec mibitedi Nuquin Papan tantiamiaid yec bëdambuec tabadta.

Epeso 5:26

Adec abided cuidadec uënëssun: Ubi tantiaquido bëdamboshëcquid icmenu, queshun ambi Chiaid tantiamequin abi tantiaquido acten mentoadmendac.

Codosas 3:10

Adoacsho dashcute chuca dasiuinacbimbuen chuca uaido mibitedi nec. Mibi uaquidquio Nuquin Papabimbuec yanquin aid mimbi bëdambuen tantiaquiendac.

Timoteo 2 1:9

Nuquin Papan: Cuna nec, quequin aton Mado Esus tantiamiaido icquin adonona. ¿Nuqui bëdambuec tabadshoda Nuquin Papan nuqui bëdambuen isbempondash? Padenquio. Ëndenquimboshë nidaidbëta matses uabi yequi Nuquin Papa: Umbi chiaid niac niacquin icsambuen naquidëmbi cun Mado Esuquidistu tantiasho cuidenquio iquendambi, quequin ambi chiampicpadombuen nuqui Esus tantiaquid icmiac.

Tito 3:4

Adquid nuqui icsho issumbien Nuquin Papan matses abitedi tantiaquid icquin aton matses icmenuen nuqui icsambuen naidtedi bedshunash abided cuidadtequid Esus chomepanëdash.

Ebedeo 10:22

Adquid icnuc bëchish nibëdquiecnuc acten dapanacbimbuen nuqui icsambuen naid nibëdacbimbuecnuc Nuquin Papan nuqui bëdambuen isec. Adoac: Nuquin Papa tantiaquidquio nuqui nec. Adecbidi: Nuquin Papan ambi tantiacpadombuen naindac, quequin tantiaquidquio nuqui nec. Adquid yec Nuquin Papa chiannequid nuqui nendac.

Ebedeo 4:16

Adquid icnuc tantianquidquio yec Nuquin Papa abitedishun Icbombo yec aton tsadte dapan tsadacno choec puduedshun chiacbimbuen: Ubi cuidenquio icquin bëdambuen ista, quequin Nuquin Papa chiannenuna. Adembidi natiamiantequid icnuc Abi chiannesho tantiashun Nuquin Papan nuquitedi chieshtomenquio icquin nashunquin dayacquio icmendac.

Ebedeo 6:6

Aden Esus tantiabuedi tantiesa yanuashun padpiden tantiabentiapimbo iquendac. Adquid: Esus cueste napotiaidën dectan, quequidbimbuecquid icquin utsibo icsambuen oncamequin Nuquin Papan Mado mamënshunmec. Adquid icsho Nuquin Papan padpiden Esus tantiaquid icmeuatiapimbo iquendac.

Petedo 1 1:3

Nuquin Papa, Nuquin Icbo Esuquidistun Papa, bëdamboshë iquec, canuna naden tantiaquin: Icsambuen naquido cuidte bunenquio icquin uincuenmequin chuca nuqui icmenuen Nuquin Papan abided cuidadec uënësaid Esus nuqui tantiamiondash. Adoac nuqui naden tantiec: Esuquidistu uënësacsho chococac uincuenash padpidec uënëstiapimbo iquendac. Adembidi Esus tantiec uënësacsho uincuenmeshun Nuquin Papan abi yacno nuqui tabadmendac padpidec uënëstiapimbo icnuc.

Petedo 1 2:10

Ënden mibitedi Nuquin Papan: Cun matses nec, cainquio icpondash. Adquid iccondaidi nëbi Nuquin Papan: Cun matses caido mibitedi nec. Ënden Nuquin Papan mibi bëdambuen istiapimbo icpanëdash. Adobuedëmbi nëbi mibitedi tantiaquin Nuquin Papan mibi bëdambuen isec.

Petedo 1 3:21

Aid acte cubudnëdaid tantiaquin acten mentomete nec, quequin nuqui tantiec. Nëbi nuqui bëdambuen isquin mënchicaido icquin acten mentomec. ¿Nuquin dadan icquid bëchish ucquinda nuqui acten mentomedi? Padenquio. Nuquitedi acten mentomec Nuquin Papa naden chuiquin: Umbi icsambuen nabanaidtedi bëchish ucacbimbuen mibi tantiembique. Ubi bëdambuen ista, quequin acten mentomec. Aden abi tantiasho Nuquin Papan uincuenmenëdaid icquin Esuquidistun nuqui cuidmenquio iquec.