Tito 2:8 - El Nuevo Testamento en matsés

⁸ Adec bëdambuec tabadquin ismequin Nuquin Papan Chiaid abimbo mimbi chuibanac Esus tantiesabon mibi chieshënenquio icquimbi ubitedi icsambuen chuishuntiapimbo yec dacuëdec tabadendac.

Tito 2:8 ပူးပေါင်းရင်းမြစ်များ

Madcos 12:17

Adsho tantiashumbien: Ai, aidëna neque. Aid: Bec cho, quesho meneta. Adembidi Nuquin Papa Nuquin Icbombo icquin: Naden nata, cac aidën chiacpadombuen nabanta, capanëdash Esusën. Aden chuisho tantiash tantiadempambo yec tabadec: Bëdambuembien chuipec, quec tabadcuededpanëdash.

Madcos 12:28

Adec Esusbëd saduseobo onqueshobien Moisesën chiampid tantiamequid abentsëcshun tantiapanëdash. Bëdambuen Esusën saduseobo chuisho tantiash aidtsen: Umbitsen tantianu. Chui. Nuquin Papan: Naden nata, quequin Moises dada uamiampid dadpen iquec. Adquid icnuc ¿mitsicquid abentsëc nasho Nuquin Papan: Bëdambuenshë naic, capatsiash? quepanëdash Esus chiec.

Madcos 12:32

Adoaquien Moisesën chiampid tantiamequid nadpanëdash: Abimbo mimbi chioc. Nuquin Papa abentsëcquiobi iquec. Aidpadquid utsi nibëdec.

Madcos 12:34

Aden bëdambuen chuisho tantiash: Nuquin Papan namiacno anoentsëqui choacbimbuen mimbi bëdambuen tantiec, capanëdash Esusën. Aden chuisho tantiash: Esus icsambuen chuimenu, quetiapimbo utsibo yampanëdash.

Ducas 13:17

Aden Esusën chuisho tantiash: Aden nainda, quequin chuibuedobi: Icsambuen chuichitombi, quiash natiec abi chieshënquido otacquio tabadcuedednubi utsibo Esusën nadatiambocquin naid isash cuishonquec: Bëdambo iquebi, quec tabadpanëdash.

Tesadonica 2 3:14

Nëid dada uaquin umbi chuibambued niac niacsho ista. Aden chiaid niacquin icsambuen nasho isash: Icsambuen nachitombi, quequin dacuëdtanquin ma tantiabennu, quiash aidbëd onquec tabadenda.

Timoteo 1 5:14

Adquid niante machobudambo icquid dadan bedac bëdambo ictsiash, caimbi. Adoac bacuë tishuatsiash. Adshun aton shubun icquido nashuntsiash. Adec bëdambuec tabadsho issun: Icsambuen chuishunquin: Icsambocquid nec, Esus tantiesabon catiapimbo ictsiash.

Timoteo 1 6:3

Nuquin Icbo Esuquidistun Chiaidquio chienquio yec tantienquiocquid nec, quequimbi ambembi tantiaquin chuibanquid icsambo iquec.

Tito 3:14

Adec nashunnanec nuquitedi bëdambuec tabadquin ismiac adecbidi utsibo nashunnanec tabadec Esuquidistu tantiaquid yanendac, quequin chuibanta.

Petedo 1 2:12

Nuquin Papa tantiesabobëd bëdambuec tabadta. Ma aidontsen: Tantiabennu, quiash adta. Adec mibitedi bëdambuec tabadsho issun mibi chieshënquin icsambuen chuishumbuedombi Nuquin Papa tantiabenshun naden chiendac: Papa, Mimbi tantiamiaido bëdambuec tabadsho issun mibi tantiabenombi, quequin Nuquin Papan matses abitedi chuimequin cuidte uëshëmbi aden chiendac.

Petedo 1 2:15

Nuquin Papa mibitedi bëdambuen naic tabadmete bunquid nec. Adquid icsho tantiesabo icquin mibitedi icsambuen chuishunte bumbuedombi mibi icsambuen chuishunenquio iquendac.

Petedo 1 3:16

Aden chuibanquid yec: Ubiuidtsëqui bëdambo iquebi, quenquio icquin bëdambuen isquin chuibanta. Aden icsambuen naid ënash bëdambuen nabanec mibitedi tabadsho isash chieshëmënquid nadtsiash: Esus tantiec bëdambuec tabadquidobi icsambuen chuiquin muauachitombi, quec dacuëdendac.