Tito 1:6 - El Nuevo Testamento en matsés

⁶ Mimbi Esuquidistu tantiaquid utsibo isbanquin bëdambuen tabadmequin chuibanquid icta, caid nadquio icquid, quequin chuita, Tito. Bëdambuec tabadquin ismequid icta. Adecbidi chido abentsëc inquid icta. Min bacuëbobëdi Esuquidistu tantiaquido icta. Adquidën bacuëbo bëdambuec tabadquin aton papan chiaidbëta aton titan chiaid niaquenquio icquin bëdambuen nabanquid, quequin chuita.

Tito 1:6 ပူးပေါင်းရင်းမြစ်များ

Ducas 1:5

Nidaid Udea caid yacno Edodes cuëmëdquid isadaidbon chuiquid tapa icnubien Nuquin Papa ismequin nëish iua cuessunneshun pichicaquid Sacadias cuëmëdquid icpanëdash. Aidi Abiasbëtan Nuquin Papa tabadte shubu dapa yacnoshon nabanquid yec Adonën tsiuecquid nepanëdash. Aidën chido Isabed cuëmëdquid Adonën tsiuecquidbidi nepanëdash.

Epeso 5:18

Tantiadennuen acte paë uaid aquenda. Aid aquec padpidec icsambocquid yanuaindac. Icsambuen nate bunenquio icquin Nuquin Papan Mayan Bëdan tantiamiacpadombuen bëdambuen nabanta.

Tesadonica 1 5:14

Cun utsibo, mibitedishun nabante chuinu. Chieshquid icsho: Mibitsen chonoadta, cata. Utsibo chieshtotiadquio icsho: Esus tantiec bëdambo icnuna, cata. Esus bëdiactsëc tantiactsëcsho bëdambuen chuiquin Esus tantiamequiota. Dada padishquio icquid icsho nashunta. Badedquio chieshtoenquiocquin abitedi bëdambuen ista.

Timoteo 1 1:9

¿Bëdambuen naquidouidtsëqui chuiquinda Nuquin Papan Moises dada uamepampic? Padenquio. Naden icsambuen naquido chuiquimbien adopampic. Nëidic aton chuiquidën chiaid niac niacquido. Nëidic Nuquin Papan Chiaid niac niacquido. Nëidic Nuquin Papa tantiesabo. Nëidic Nuquin Papabëta abi tantiaquido mamënshunquido. Nëidic amëbi cuessunnequido. Nëidic anibi cuessunnequido. Nëidic utsibo cuessunnequido.

Timoteo 1 3:12

Esus tantiaquido nashunquid chido abentsëc inquid nendac. Adquidën aton chidobëta aton bacuëbo chieshmenquiocquin bëdambuen namequid nendac.

Tito 1:10

Tantia. Chuinu. Nuquin Papan chiacpadombuen naisabo dadpen iquec. Abimbo caic, camenuec abimbo chiacbimbuec aido onquec. Dadpenshun isadaidbon nacpadombuen ma nanu, quequin: Shui dëbid dëtemeta, quequin muaquin chuibanec.