Tito 1:15 - El Nuevo Testamento en matsés

¹⁵ Bëdambuen tantiaquid yec bëdambuec tabadquin nabanquid nendac. Icsambuen tantiaquidien bëdambuen nate tantienquio icquin Nuquin Papa tantiesabo nendac. Icsambo iquec, quenquio icquin icsambuenuidi nate bunquin aiduidi tantiaquid nendac.

Tito 1:15 ပူးပေါင်းရင်းမြစ်များ

Mateo 15:18

Matses onquiaidimbi ana shëcuënuësh choaid caoc. Abi ëquëducuësh chieshëmënec onquec: Adoembi, quequin otacquio tantiaquin icsambuen chuiquin matsesën icsambuen naindac nadquidtedi.

Hechos 10:15

Adoaquien padpidec abucuësh onquec: Nuquin Papan bëdambo icmiaidi icsambocquid nec, cainda, quepanëdash.

Doma 14:14

Nuquin Icbo Esus tantiaquidquio icquin: Umbien petemaid nec, quequin tantienquio iquec. Nëbi petemaid nec, caid nibëdec, quequin tantiembi. Ubi adnubi utsibo: Umbi petemaidquio nec, quequin tantiaquin ma penquio icpanuna.

Doma 14:20

Nuquin Papan bëdambuen isaidon tantienquio yannushe, queshun ambi petemaid pemequin aido chieshtomenda. Nuquin Papan: Matsesën petemaid nec, caid nëbi nibëdnubi Esus tantiabentsëcquid ambi petemaid pemequin aid chieshtomiac icsambo ictsiash.

Doma 14:23

Ambi: Umbi petemaidquien nepec, quequimbi pesho: Nuquin Papan nëishënchitembini ictsiash, ambi cabuedi piash icsambuen nachitombi, quetsiash. Adsho Nuquin Papantsen: Icsambuen naic, catsiash. Aden naic icsatequid nec, cabuedtedi naic nuqui icsaindac.

Codinto 1 10:23

Mibitedi utsi utsiec: Ubi bunacpadembi nabanembi, quepec. Ai, abimbo mimbi caic. Aden naic abitedi bëdambocquidpenquio nec. Aden mibi bunacpaden naquin Esus tantiaquid utsibo mimbi bëdambuen tantiametiapimbo iquec.

Codinto 1 10:25

Piucquid menequin pambid tëshë bednu, quequin: ¿Matsesën ambibi nacnenshun papa caid ismequin pichicanuen cuessunniaid tëshëda nec? quenquio icquin bedshun peta.

Codinto 1 10:31

Nuquin Papa bëdamboshë iquec, ma utsibo quenu, queshun pete peshun acte acquin bëdambuen nabanec tabadtedneta.

Codinto 1 8:7

Utsin utsinquien mibitedishun umbi chuibued bëdambuen tantiabi iquec. Ënden Esus tantiabenabi icquin ambi papa canun nacnenaid tantiaquid mibi icpondac. Adombuembidi nëbi tantiaquin ambi papa canun nacnenaid ismequin pete dasanaid nec, quequin tantiaquimbi aid pec Esus bëdambuen tantiabenabictsëcquid yec: Icsambuen nachitombi, quependac.

Timoteo 1 6:5

Pabiate shëcuë nibëdacbimbuen Nuquin Papan Chiaidquio bëdambuen tantienquio yec chushcananendac. Nuquin Papan Chiaid chuibanquidën piucquid dadpen bedte danec chuibanquidbidi ictiadquio iquendac.

Ebedeo 10:22

Adquid icnuc bëchish nibëdquiecnuc acten dapanacbimbuen nuqui icsambuen naid nibëdacbimbuecnuc Nuquin Papan nuqui bëdambuen isec. Adoac: Nuquin Papa tantiaquidquio nuqui nec. Adecbidi: Nuquin Papan ambi tantiacpadombuen naindac, quequin tantiaquidquio nuqui nec. Adquid yec Nuquin Papa chiannequid nuqui nendac.

Ebedeo 12:15

Nuquin Papan bëdambuen isaid icquimbi chieshtoshon icsambuen nasho issun: Mibi icsambuec tabadeque. Adec tabadquin ismequin cute podo icsa chodcashun acmiacbimbuen mimbi utsibo icsambuen nametsiaque. Padi. Aden naic tabadenda, quequin chuiban.

Ebedeo 9:14

Esusën intaquëmbien Nuquin Papa yacnombo matses puduedmetequidquio nec. Nuquin Papan Mayan Bëda uënësesambo icquin dayacquio icmiac Esuquidistu icsambuen naisambo yequi matsesën icsambuen naid bedshunec abided cuidadec uënëspanëdash. Adec uënësaid icnuc nëbi naden nuqui tantiec: Umbi icsambuen naidtedi tantienquio yec bëshunquin ambi cuidtequid icbuedi Esusën mënchicaid icsho Nuquin Papan ubi cuidenquio iquec, quequin nuqui tantiec. Nuquin Papa uënëstiapimbocquidën namiaid icmenuec adec Esus uënëspanëdash.