Timoteo 2 4:7 - El Nuevo Testamento en matsés

⁷ Utsibon chieshënquin mëyandedniaqui dayacquio icquin Esusën naid chuibenniondambi. Ubi bunaid bednu, quec cumapenec titinquiacbimbuen dayacquiocquin Nuquin Papan Chiaidtedi nabanombi. Nëbi Nuquin Papan tantiacpadën ënembi. Chieshtoenquio icquin Esus tantiaquidquio nebi.

Timoteo 2 4:7 ပူးပေါင်းရင်းမြစ်များ

Ducas 11:28

Adoaquien: Nuquin Papan Chiaid chuibansho tantiashun aidën chiacpadombuen nabanquid Nuquin Papan bëdambo icmiaidquio nendac, quepanëdash Esus aid chido chiec.

Ducas 8:15

Pete ëshë utsi nidaid bëdambo yacno paëdaidbimbuecquid nad iquec. Nuquin Papan Chiaid chuibansho tantiaquioshon ambi tantiabued bëshunenquio icquin tantiadonec bëdambuec tabadquin utsi tantiamequin chuibanquidquio nendac. Adquid natiamiantequid chonoc chieshtoenquio icquin utsibo ënenquio icquin chuibanendac. Adquidën chuibanac ubi tantiaquid dadpenquio yanendac, quepanëdash Esus abëd icquido chiec.

Uanën dada uaid 17:6

Adshumbic Esusën abëd icquido icsho ubitedi tantiaquin aton Papa naden chuiuapondash: Mimbi tantiaidtedi Mimbi ubi tantiaquid icmiacsho Mimbi bëdambuen iste chuibanombi. Aden mimbi chiaidquio chiac nabanosh, Papa.

Uanën dada uaid 4:34

Adsho tantiash Esus: Ubi cuishoncamete petebimbuecquid utsi iquec. Ubi chomiondaid Nuquin Papan chiacpadombuen naic bëdambo iquebi. Ambi chiaidtedi chonoadquin nainnuec nebi, quepondash.

Hechos 13:25

Aden chuibanquin nainequi: ¿Mitsi paden ubi isquin tantie? Nuquin Papan Chomiaid mimbi cainaidpenquio nebi. Mimbi cainaidquio choendac. Aidi ubi udictsëcquid yec nadatiambocquin nabanquid icsho ubi icsaquid icquin abi tapucudaid chicnuec dacuëdec shuebudtiapimbo iquebi, quepanëdash Uan acten mentoanquid, quepanëdash Pabado.

Hechos 20:24

Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Cadasia 2:2

Adec Nuquin Papan tantiamiacpadec ambo nidshun Esus tantiaquido iccuededacno puduedshun umbi isadaidpembo Esusën naid Chiaid Bëda chuibennebued chuibanondambi. Adshumbic aidon chuiquid tapabo caidouidtsëqui umbi nabambuedtedimbo chuibanondambi. Aden chiambo icnuc utsibon: Pabadon icsambuen chieque. Tantienda, cac tantiashun Esus tantienquio yannushe, queshun chuibanondambi.

Pidipos 1:30

Ubi chieshëmbocpadombuembidi mibitedi chieshënec. Mimbi isnubi natiamequin chieshënondashi. Adembidi nëbi abi chieshënebi, quequin mimbi tantiendac.

Timoteo 1 1:18

Tantia, Timoteo, cun madobimbuecquid icsho mibi chuinu. Umbi chiacpadombuen Nuquin Papan Chiaidquio chuibanta, mado. Ënden mibi Esus chuibanquid yanabi icnuc Nuquin Papan oncamiac ubipadquidobëtan Esus tantiaquidon mimbi Esus chuibante chuipanëdash. Aidon chiondacpadombuen chieshtoenquio icquin Nuquin Papan Chiaidquio chuibanta. Adec sondadobimbuecquid mibi ictsiac.

Timoteo 1 6:12

Utsibon chieshënaqui chieshtoenquio icquin Esus tantiaquiec bëdambo icta. Uënësash Nuquin Papabëd ënëdenquio yec tabadnuec adta. Nuquin Papan: Cun Mado Esus tantiaquiec uënësacsho ubëdi tabadmendambi, queshun Nuquin Papan tantiamiac mimbi Esus tantiabempondac. Adshumbic: Nuquin Papan Mado Esus tantiaquiembi, quequin matses dadpen mimbi tantiamepondac.

Timoteo 1 6:20

Umbi chuibuedtedi tantiaquin bëdambuen chuibanta, mado. Utsi Nuquin Papan Chiaid chienquio yec ambembi chiaid chiec onquesho tantienda. Utsibic: Ubien bëdambuen tantiaquidquio nec, quebuedobi muasho tantienda.

Timoteo 2 1:14

Nuquin Papan Mayan Bëda nuquibëd iqueque. Aidën tantiamiac umbi chiondacpadombuen Nuquin Papan Chiaidquio chuiquin Esusën naid chuibanta, mado.

Timoteo 2 3:10

Umbi mua uainquio icquin abimbo chuibanondaid mimbi tantiec. Ma Esus tantianu, quequin Esusën naid chuibanec bëdambuec tabadondabi. Esus tantiaquidquio icquin matses tantiaquin Esusën naid chuibenniondambi. Chieshënaqui chieshtoenquio iccondabi.

Esusën Uan ismiaid 3:10

Umbi chiacpaden utsi uainquio icquin ubi tantiasho issun mibi cudasquin dayun uaindambi. Mayan Icsa Satanasën: Mibi icsamenu, quequin: Tannu, queshun natiamboshë icmendac. Adoshobi mibi cudasquin dayun uaindambi. Adembidi nidaid utsi utsiec yacno tabadquido abitedi natiamendac.

Esusën Uan ismiaid 3:8

Mimbi naidtedi tantiembique. Tantia. Chuinu. Mibi yacno umbi shëcuë shëcniaid utsibon shëcnandotiapimbo iquec. Adquid icnuc: Tantiatiapimbo iquebi, quenquio mibi iccoc. Adec chieshtoenquio icquin ubi tantiasho umbi mibi uidënquio icmiac umbi naid mimbi chuibanendac utsibon ënmetiapimbo icnuc. Mibi yacno ubi tantiaquido daëdpactsëc icnubi ubi mimbi tantiaquioc.

Esusën Uan ismiaid 6:11

Adoaquien: Chiata. Iuec iuecpactsëcshun naindambi. Min utsibobimbuecquido ubi tantiaquido utsibo umbi tantiactedi chieshëmënquidon ma cuessun secabono. Adosho issun cuessun secanquido cuidendambi, quequin chuiposh. Aden chuitanquin Nuquin Papan: Ubëdi tabadmequin icsaisa mibi icmembi, queshun dashcute ënapen icquid ushumbocquid dasiuimbamposh.