Timoteo 2 4:3 - El Nuevo Testamento en matsés

³ Iuecshun Nuquin Papan Chiaidquio matses dadpenshun tantiatiapimbo iquendac, quequin tantiashun aden abimbo chuibanta, mado. Aden tantiatiapimbo icquidën Nuquin Papan Chiaidpenquio chuisho tantiash: Ubi bunaidquio mimbi chieque. Tantianu. Ubi chiec cho, quequin muaquid utsi utsien abi yacno puduedmendac.

Timoteo 2 4:3 ပူးပေါင်းရင်းမြစ်များ

Ducas 20:19

Aden Esusën utsi chiacbimbuen chuisho tantiash: Nuqui naid chiec Esus nec, quiash Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido Esus bedmete bunquimbi matses dadpen Esusën chuisho tantiate bunquido icsho issun dacuëdënquin Esus bedtiapimbo icpanëdash.

Ducas 6:26

Matsesënuidtsëqui: Bëdambocquid mibi nec, quequin chiaidi Nuquin Papan cuidtequid mibitedi iquendac. Adombuembidi ëndenquimbo: Nuquin Papan oncamiaid nebi, quec muaquidquiobi tsusedpabon: Bëdambo mibi iquec, quequin chuipampic, quepanëdash Esus.

Uanën dada uaid 8:45

Adquid icnuc umbi Nuquin Papan Chiaid abimbo chiaqui tantiate bunenquio mibitedi iquec.

Hechos 17:21

Abi buanquido Adeopaco caid yacno nidtedniash Atenas yacnocquidobëd nidaid utsi utsiec yacnouësh chochoquido badiadquidën badiadquidënquiec utsin utsinquien ambi tantiacpaden chuibansho tantianuec iccuededtednepanëdash.

Codinto 1 2:1

Cun utsibo, mibi yacno nidshun Nuquin Papan ambi matses tantiamenquio icpampidi cumapenen tantiaquidquio nebi, quenquio icquin mibitedi bëdambuen chuinuec nidondabi.

Codinto 1 2:4

Adshunquio: Dadpen tantiaquidquio yec bëdambuec onquequidquio nebique. Umbimbo tantiamebennu, quenquio icquin Esus chuibanondambi. Adenquio icquin: Ma Nuquin Papan Mayanëmbi nadatiambocquin tantiamenu, queshun umbi chuibannubi Aidëmbi mibitedi tantiamiondash.

Cadasia 4:16

Adondaidi nëbi ¿abimbo chuiquindambi mibitedi ubi chieshënmepe? Padenquio.

Timoteo 1 1:10

Nëidic aton chidopenquio chudquido. Nëidic aton bënëpenquio chudmequido. Nëidic dada daëdi chichudnanquido. Nëidic chido daëdi dachunnanquido. Nëidic iua icmenuen bedshumbi piucquid bedquin matses utsi menequido. Nëidic muaquidombo. Nëidic Nuquin Papan tantianubi abimbo chiec nebi, quequin chiec muaquido. Adquid matses icsambuen naquido chuiquin Nuquin Papan Chiaidquio Moisesën dada uapampic.

Timoteo 2 1:13

Tantia, mado. Mibi chuinu. Umbi abimbo chiondaidquio chuiban: Nuquin Papan Chiaidquio nec, queshun. Esuquidistu tantiaquid icquin matsestsen tantiec bëdambuec tabadta, mado.

Udas 1:18

Aidon naden chuipondash: Esus chote nëbi yannuc matses abi bunacpadombuen naic icsambuec tabadendac. Adquido icquin Esus chieshënquin abi tantiaquido icsambuen chuishunquin mamënshunendac, quepondash aido.