Timoteo 2 4:2 - El Nuevo Testamento en matsés

² Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.

Timoteo 2 4:2 ပူးပေါင်းရင်းမြစ်များ

Ducas 7:23

Umbi aden nabanaid tantiash chieshtoenquio icquin ubi tantiaquid Nuquin Papan bëdambuen isaidquio nendac, quiosh Esus, quequin Uan chiec nid, quepanëdash Esus Uambëd icquido chiec.

Ducas 7:4

Adoaquien: Ai, quianec Esus yacno nidshun chuituidec: Sondadon chuiquid capitan caidën: Chuitan, caido nebi. Cun iua uënëstiadtsëcquio iqueque. Ma bëdanmenu. Esus chuitan, cac mibi chiec chobi. Aidi nuquin matses tantiaquin Nuquin Papan Chiaid chuibante shubu uamiondaidquio nioshe. Aidën chiacpadombuen aton iua bëdanmeshuntiadquidi mibi nec, quepanëdash isadaidbon chuiquido Esus chiec.

Ducas 9:60

Adoaquien Esusën: Uënësacbimbuec icquidon ma uënësaid chococanu. Mimbimbo: Nuquin Papan namiacno tabadte iquec, quequin tantiamequin chuibenneta, capanëdash.

Hechos 16:13

Pidipos yacno tabadashic isadaidbo chonoadtemaid uëshën Nuquin Papa chiec isadaidbo onquededniacno istuidnuec puduanec shubu nibëdacno nidequi acte yacno chopondabi. Ambo choshon iccuededquido chidobo istuidshun Nuquin Papan Chiaid Bëda Esusën naid Pabadon chuibampondash.

Hechos 20:7

Ambo tabadequi dominco inchëshën Esus tantiaquidobëd iccuededquin abëd icquidobëtan Pabadon Esus uënës uaid tantiaquin pan cuëshcuëshshun pebededpondash. Aden piashic Pabado: Badiadash nidebi, quiash inchësh poctsembo yantsëcquiec iuec onquepondash.

Hechos 28:16

Aden aido bëquedash aucbidi choec Pabadobëd Doma yacno chochopondash. Ambo choacshobien chuiquidon Pabado quënën tsadunmenquio icquin shubu utsin tabadmepondash sondado abentsëcshun abëd tabadquin isnubi.

Doma 10:15

¿Mitsipaden: Chuibenneta, cacmaidëmbi Esusën naid chuibennepec? Naden chuiquin Nuquin Papan dada uamepampid iquec: Nuquin Papan matses bëdambuen iste iquec, quequin Chiaid Bëda chuibennequid chosho isash cuishonquendac, quequin chuipampic.

Doma 12:12

Uënësacsho abi yacno Esusën ubi tabadmendac, quequin cainec cuishonqueta. Utsibon chieshënquin natiamiaqui chieshtoenquio icquin tantiata. Ënenquio icquin badedbadedquien Nuquin Papa chianneta.

Cadasia 6:6

Esus tantiaquido icsho: Nadec tabadquid, quequin chuibanaido icquin Nuquin Papan Chiaid abi chuibanquid nashunquid nendac.

Codosas 1:25

Mibitedi bëdambo icmenuen Esus tantiaquidotedi nashunquid icmequin Nuquin Papan: Nidaid utsi utsiec yacno nidshun Esuquidistun naid Chiaid Bëda chuibenneta, caidquio nebi.

Codosas 4:3

Adembidi ubitedi tantiaquin Nuquin Papa chianneta. Ënden mimbi matses tantiamenquiocnëdaidi Esuquidistu chuibanquin ma utsibo tantiamequin bëdambuen chuibennenu, quequin Nuquin Papa chianneta. Aden chuibennesho bedshun quënën tsadunaid nebi.

Tesadonica 1 1:6

Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.

Tesadonica 1 5:14

Cun utsibo, mibitedishun nabante chuinu. Chieshquid icsho: Mibitsen chonoadta, cata. Utsibo chieshtotiadquio icsho: Esus tantiec bëdambo icnuna, cata. Esus bëdiactsëc tantiactsëcsho bëdambuen chuiquin Esus tantiamequiota. Dada padishquio icquid icsho nashunta. Badedquio chieshtoenquiocquin abitedi bëdambuen ista.

Tesadonica 1 5:20

Aden Nuquin Papan Mayan Bëdan tantiamequin oncamiaid icquin chuisho: Muequi nec, quequin mamënshunenda.

Timoteo 1 4:13

Mibi yacno nidec ubi puduedabi icnuc Esus tantiaquido iccuededacnoshon Nuquin Papan Chiaidquio isbanquin adenuidi chuibanta. Nuquin Papan chiacpadec chieshtoenquio yec bëdambuec tabadnuna, quequin Nuquin Papan Chiaidquio isbanquin matses bëdambuen tantiamequin chuibanta.

Timoteo 1 5:20

Esus chuibanquidën Nuquin Papan Chiaid niacacsho: Nuquin Papan Chiaid niacquin mimbi icsambuen naoc. Aden nainda, cata. Esus tantiaquido dadpenshun tantianubi aden chushcata. Aden chuisho tantiash dacuëdec: Ubitsen adembidi chushcapanundac, queshun ma utsibon Nuquin Papan Chiaid niaquenquio icnu, queshun chuita.

Timoteo 2 2:21

Adquid icnuc Esus tantiaquidquio icte bunebique. Nëbi muaquin chuisho tantiatiapimbo icquin Nuquin Icbon chiacpadombuen naimbi, quiash Nuquin Icbon iuambo yantsiash shocosh bëdambocquid yacbimbuec. Adsho Nuquin Icbon bëdambuen nametsiash.

Timoteo 2 2:25

Esus tantiesabon: Mimbi Nuquin Papan Chiaid chuisho tantiatiapimbo iquebi, caqui adembi chieshtoenquio icquin Nuquin Papan Chiaidquio mimbi chuibanendac. Nuquin Papan Ambi Chiaidquio tantiamiac: Icsambuen naombi, quequin ma Esus tantiesan tantiabennu, quequin abi chuibanendac.

Timoteo 2 3:10

Umbi mua uainquio icquin abimbo chuibanondaid mimbi tantiec. Ma Esus tantianu, quequin Esusën naid chuibanec bëdambuec tabadondabi. Esus tantiaquidquio icquin matses tantiaquin Esusën naid chuibenniondambi. Chieshënaqui chieshtoenquio iccondabi.

Tito 1:13

Aden abimbo chuipampic, quequin muaquin chuiquid ambi icsambuen tantiaid ënmenu, quequin: Aden chuibanenda, quequin chuita ma Esuquidistumbo tantiaquid yampanu, queshun.

Tito 2:15

Umbi chuibuedtedi chuibanquin tantiameta. Mimbia tantiaquid icquin: Umbi chiacpadombuen nabanec tabadtedneta, quequin Quedetabo chuibanuata. Mimbi chiacpadombuen nainquiocsho issun: Aden naic tabadenda, quequin chuibanuata. Adec bëdambuec tabadquin bëdambuen chuibansho issun utsibon mibi icsambuen chuishuntiapimbo iquendac.

Ebedeo 13:22

Cun utsibo, mibitedi bëdambuen tantiamenuen daëdpactsëc umbi chuiquin dada uabued chieshtoenquio icquin tantiadoneta.

Esusën Uan ismiaid 3:19

Mimbi icsambuen naic, quequin aton papan aton bacuë ënmiacbimbuen ubi tantiaquidon icsambuen nasho issun: Ambi icsambuen naid ënmenu, quequin natiambo icmembique. Nuquin Papabëta ubi padpidembuen tantiabenuaquin mimbi icsambuen naid ënash bëdambuec tabadta.