Timoteo 2 4:18 - El Nuevo Testamento en matsés

¹⁸ Padpiden chieshëmënquidon: Chieshtomenu, casho Nuquin Icbon nac chieshtoenquio ictsiabi. Nuquin Icbombidi abi yacno ambi namiacno abuc abëdi ubi tabadmendac, queshun: Nuquin Icbo bëdamboshë iquec, caimbi ënenquio icquin. Amen.

Timoteo 2 4:18 ပူးပေါင်းရင်းမြစ်များ

Mateo 13:43

Padnuen ubi tantiec bëdambuec tabadquido Nuquin Papan namiacno nidash bëdamboshë yec uëshë chënquiacbimbuec bëchamauanquiec iquendac. Umbi aden chuibambued tantiashun pabiate shëcuë choquidën bëdambuen tantiata, quepondash Esus.

Mateo 25:34

Adshumbic Abitedishun Icbombo icquin abiuc icquido ubi tantiaquido naden chiendambi: Cun Pan mibi bëdambo icmiaido neque. Ubëdi tabadec cho. Matses uabi yec ëndenquimboshë mibitedi caic: Aido ubi tantiaquido icmeshun ubëdi bëdamboshë yacno tabadmendambi, quequin Cun Pan tantiamiaido yec ambi namiacno ubëdi bëdambuec tabadec cho, caindambi, quepondash Esus.

Mateo 6:13

Adembidi Mayan Icsa Satanasën tanquin ubi icsamete bunmequin: Iuanu, casho ubi cudasquin mënchicta, Papa. Mibiuidtsëqui nadatiambocquid yec bëdamboshëcquid yec nibëdantiapimbocquidquio mibi nec, Papa, Amen, quequin Nuquin Papa chianneta, quequin Esusën chuibampanëdash.

Ducas 11:4

Adecbidi utsin ubi chieshënsho isash aid cuidenquio yec ubi bëshunacpadecbidi umbi icsambuen naidtedi tantienquio yec bëshunta, Papa. Adembidi: Mayan Icsa Satanasën icsambuen namequin tanquin icsamenushe, queshun ubi cudasquin dayun uata, Papa, quequin chuita, quepanëdash Esus.

Ducas 12:32

Mibitedi cun obecabimbuecquido nec. Adquido yec daëdpactsëc icshobi Nuquin Papan ambi namiacno tabadmete buneque. Dacuëdenda, caimbi.

Ducas 22:29

Adquid icsho cun Pan ubi chuiquid icmiacpadombuembidi chuiquid mibitedi icmendambi.

Uanën dada uaid 17:15

Aden tantiaquin: Ubi tantiesabobëd ubëd icquido tabadmenda, quequin chienquio icquin: Satanas iuamequin chieshtomenda, quequin chiec nebi, Papa.

Doma 11:36

Nuquin Papan abitedi uapampic. Aidtedi atona nec. Ambi uaid abitedi iquec. Ambi uaidtedi ambi dayun uaidquio nec. Adquid icsho: Nuquin Papa bëdamboshë iquec, canuna ënenquio icquin. Amen.

Doma 16:27

Nëbi Esuquidistunuidtsëqui tantiamiacpadombuen chuiquin: Nuquin Papa abentsëcquiobi iquec. Aidpadquid utsi nibëdec. Abitedimbo tantiaquid yec bëdamboshëcquid nec, canuna ënenquio icquin. Amen.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 1 10:13

Esus tantiaquidquiobida neque. Isnu, queshun mëmuntiapimbo icnuc utsibo natiamiampicpaden mibitedi tanquin natiamiambo iquec. Abi tantiaquid icsho Nuquin Papan mëmuntiapimbo icnuc tanmequin mëyadmetiapimbo iquec, quequin nuqui tantiec. Adec natiamiantequid icnuc chieshtonoshe, queshun Nuquin Papan mibitedi tantiaquin chieshtomenquiocquin dayacquio icmendac.

Codinto 1 15:50

Tantia, cun utsibo. Matses yec dada namibëd intacchoquid icnuc Nuquin Papan namiacno tabadtiapimbo iquendac. Uënësash aton dada chodquetequid icnuc Nuquin Papa yacno tabadtiapimbo iquendac.

Codinto 2 1:10

Aden: Cuessunnenuna, cac natiapobi. Adshobi Nuquin Papan mënchicposhi. Adenuidi aidëmbi ambi mënchicbocpadembi ënenquio icquin ubi nashunendac, quequin tantiec tsadebi.

Cadasia 1:5

Aid tantiaquin: Nuquin Papa bëdamboshë iquec, canuna ënenquio icquin. Amen.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Tesadonica 2 3:3

Nuquin Icbo bëdamboshë icquid nec. Muesambo icquin ambi chiacpadombuen naquid icquin nuquitedi bëdambuen dayun uaindac. Ubi tantienquio yannushe, queshun nuqui chieshtomenquio icquin Mayan Icsa Satanas nuqui iuametiapimbo iquendac.

Timoteo 1 1:17

Aden tantiaquin: Nuquin Papauidtsëqui abitedi namequid yec abitedishun Icbombo nec. Uënëstiapimbo icquid nec. Isadesambo nec. Adquid abentsëcquiobi icnuc abipadquid utsi nibëdec. Adquid icsho abitedishunquio: Mibi bëdamboshë iquec, Papa, quequin ënenquio icquin chiac bëdambo ictsiash. Amen.

Timoteo 1 6:16

Aid abentsëqui uënëstiapimbo icquid nec. Bëchamauanquiec isadsho: Isnu, quequimbi anuenadtiapimbo iquec. Aidi matsesën istiapimbo icquid nec. Adquid icsho: Mibiuidtsëqui abitedishun Icbombo yec nadatiambocquid mibi bëdamboshëcquid nec, Papa, amen, quequin Nuquin Papa chiannenuna ënenquio icquin.

Timoteo 2 1:12

Aden chuibenneshobini chieshënquin natiamequin quënën tsadumpondash. Adoaqui dacuëdenquio yec chieshtotiapimbo icquin Esus tantiembi. Umbi tantiaidquio nadatiambocquin nabanquidquio Esus nec. Adquid icquin: Umbi naid chuibanenquio yannushe, queshun abi tantiamequin Esusën ubi chieshtomenquio iquendac. Aidëmbi nidaidën choabi icquin abi chuibanquid chieshtoenquio icquid ubi icmendac, quec dacuëdenquio iquebi.

Timoteo 2 4:1

Nuquin Papabëtan Esuquidistun mibi iseque. Bëdambuen chuibanta. Esusën padpidec choshon abitedishun Icbombo icquin uënësabi icquidobëta uënësaido uincuenmeshun cuidnumbi chiendac. Nëid ubi tantiaquid ubëdi tabadmembi. Nëid ubi tantiesa cuidembi, quequin chiendac.

Ebedeo 11:16

Adenquio yec: Nuquin Papa yacno bëdamboshë yacno tabadte bunquiebi, quesho tantiashun: Cun matses nec. Aidon Papa nebi, quequin chuishun abi yacno abëd tabadte Nuquin Papan icmiaid shubu dadpen icquid abi iquec.

Ebedeo 12:22

Padnuen mibitedi dacuëdenquio yec Macuësh Sion cashumbic Edusaden Bëdambocquid abuc icquidën Nuquin Papa uënëstiapimbocquid tabadacno choacbimbuecquido mibi nec. Ambo Nuquin Papabëd icquido tambantiapimbo yec dadpenquioshë nadec onquec: Nuquin Papa bëdamboshë iquec, quec cuëdëncuededec tabadec.

Ebedeo 13:21

Aden abi tantiaquido icsho Esusën nëish iua obeca dayun uacbimbuen dayun uaquin Nuquin Papan ambi tantiacpadombuen bëdamboshëcquiduidquio icmendac. Adoac Nuquin Papa bunacpadombuen ma napanuna. Adembidi abi bunacpadombuen ma icmepanuna, queshun Esuquidistunuidtsëqui nac. Esuquidistu bëdamboshëcquidquio yec nibëdantiapimbocquid nec, quequin ënenquio icquin chiannenuna. Amen.

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Petedo 1 1:5

Aden Nuquin Papa tantiaquidombo icsho isash: Aid tantienquio yannushe, quiash nadatiambocquin nabanquid icquin Nuquin Papan nuquitedi dayunuaic: Abitedimbo cuidquin chuibante uëshëmbi Esusën bedtanacsho: Ubi yacno tabadmendambi, quequin Nuquin Papan nuqui dayun uaindac.

Petedo 1 5:11

Aidi nadatiamboshëcquid yec nibëdantiapimbo icquid nec, queshun: Mibi bëdamboshë iquec, canuna ënenquio icquin. Amen.

Petedo 2 1:11

Adec bëdambuec tabadec uënësacsho: Ubi tantiaquid mibi neque. Ubëdi tabadec cho, queshun ambi ënenquio icquin namiacno abëdi tabadmequin Nuquin Papa matses cuidmenquiocquid icquin Nuquin Icbo Esuquidistun nuqui bëdambo icmendac padpidec uënëstiapimbo icnuc.

Petedo 2 3:18

Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.

Udas 1:1

Esuquidistun iuambo nebi. Santiacon utsi Udas nebi. Mibitedi tantiaquioquin Nuquin Papan tantiamiaido icquin abi tantiasho: Ubi tantienquio yannushe, queshun Esuquidistun mibitedi cudasquin dayunuaic, quequin chuiquin mimbi iste dada uanu.