Timoteo 2 4:14 - El Nuevo Testamento en matsés

¹⁴ Mibi tabadacno Epeso yacnoshon shocosh nacnenquidën Adejandon Esusbëta ubi cumapenen chieshënondash. Aidi Nuquin Papan cuidendac, mado.

Timoteo 2 4:14 ပူးပေါင်းရင်းမြစ်များ

Doma 12:19

Cun utsibo, umbi tantiaido mibitedi neque. Tantia, chuinu. Chieshëmënquidobëd cuidnanenquio icta. Adenquio icquin: Nuquin Papanuidtsëquien aid cuidec, quequin tantiata. Naden Nuquin Papan chuiquin Ambi Chiaid dada uamiampid iquec: Ubentsëcquiobi icsaquido cuidquid nec, quec Icbo, quequin chuipampic.

Doma 2:6

Aden matsesën naidtedi tantiaquid icquin bëdambuen naquido abëdi tabadmequimbi icsambuen nabanquido cuidendac.

Tesadonica 2 1:6

Nëbi mibitedi natiamequin chieshënquidon naidtsen tantiaquid icquin Nuquin Papan: Icsambuen naquido nec, queshun aido cuidendac.

Timoteo 1 1:20

Adejandobëtan Imeneyo caidën aden Esus tantienquio yanosh. Aid daëdshun Nuquin Papa mua uaquin icsambuen chuishunsho nadopombi. Adquid icsho Mayan Icsa Satanasën natiamiac: Nuquin Papa mua uaquin icsambuen nachitombi, quequin ma tantiabennu, queshun Esus tantiaquidobëd tabadmenquio icpombi.

Timoteo 2 4:15

Nuquin Papan Chiaid umbi chuibansho tantiate bunenquio icquin aidën icsambuen chuishunondashibique. Nuquin Papan Chiaid chuisho mibitsen icsambuen chuishunmenda.

Uan 1 5:16

Mibëtan Esus tantiaquidën icsambuen naic uënësenquio icsho issun Nuquin Papa chuita: Mibëd tabadtequid icmeuaquin bëdambuen isuata, Papa, quequin chiac Nuquin Papan bëdambuen isuaindac. Padnuen utsi icsambuen naic uënësso issun: Mibëd tabadme, quequin Nuquin Papa chienda.

Esusën Uan ismiaid 18:20

Mibi abuc tabadquidotedi: Shubu dadpen icquid cuidquin nëdëncaquin nibëdanmequiosh, quec cuishonqueta. Adecbidi Nuquin Papa tantiaquido yec cuishonqueta. Adecbidi Esusën: Ubi chuibenneta, caido yec cuishonqueta. Adecbidi Nuquin Papan oncamiaido yec cuishonqueta. Mibi chieshënquin natiamiacpadombuen mibi chieshënquido Nuquin Papan ambi chiacpadombuen naquin uesquin cuidquioshe, queposh abucuësh onquec.

Esusën Uan ismiaid 18:6

Adashic padpidec onqueuaic: Babidonia yacnocquidon matses utsibo icsa uaquid icsho issun cuidquin dadpenquio icsauata. Aden icsa uaquidquio icsho udictsëcquio icsauameta. Aden aid chidon acte paë uaid acmequin dadpen icsa uaquid icsho issun nëishquioshon: Cumapenec ma icsabudquiono, quequin acte paë uaid icsa daëden cushtotanquin acme. Adsho nëbi uesquin cuidquiendambi.

Esusën Uan ismiaid 6:10

Adoaido icquin cumapenec cuëdquin Nuquin Papa chuidoneposh: Abitedishun Icbombo icquin mimbi tantiacpadombuen namequidquio mibi nec. Icsaisambo yec muesambo mibi neque. En chui, Papa. Nidaidën tabadquido ubi chieshënquin cuessun secambuedo ¿tedectsicshun mimbi aido cuidpe? quequin chuidoneposh.