Timoteo 2 4:12 - El Nuevo Testamento en matsés

¹² Tiquico cuëmëdquid shubu dadpen icquid Epeso yacno nidmiombi.

Timoteo 2 4:12 ပူးပေါင်းရင်းမြစ်များ

Hechos 18:19

Adec nidequi Epeso yacno chopanëdash. Ambo choshon Aquida aton chidobëta: Nëmbobi tabadta, capanëdash. Adshun aid daëdi nianec Nuquin Papan Chiaid chuibante shubu yacno nidshun isadaidbo Esus tantiamenuen Nuquin Papan Chiaid chuibampanëdash Pabadon.

Hechos 18:21

Nuquin Papan tantiacpadec mibi isec padpidec chouatsiabi, quianec Epeso yacnouëshquio puduanec nidec cano dapa antabëdtoanec Pabado nidpanëdash.

Hechos 19:1

Codinto yacno Apodo icnubi Pabado nidaid Pidiquia caid yacnouësh puduanec podquedën choec macuësh tapa naquiadcuëtsenec shubu dadpen icquid Epeso yacno chopanëdash. Ambo choshon Esus tantiaquido istuidshun

Hechos 20:25

Nëshunquio: Nuquin Papan namiacno tabadte iquec, quequin chiaid umbi chuibansho tantiabenondaidon ubi nëuëshquio nidacsho mibitedishun padpiden ubi isuainquio iquendac, quequin tantiembi.

Hechos 20:4

Nëidtedi dada abëd nidquido icpondash. Nëidic Bedea yacnouësh choquid Pidonën mado Sopatedo. Utsibic Tesadonica yacnouësh choquid Adistadcobëd Secundo. Utsibic Dedbe yacnouësh choquid Cayo. Utsibic nidaid cuëshë Asia yacnouësh choquid Timoteo yec Tiquico yec Todopimo yec quec icpondash.

Epeso 6:21

Nuquin utsi nuqui tantiaidquio ubëd icquid Tiquico mibi yacno nidmembi. Aidi Esuquidistu tantiaquid icquin ubi nashunquid nec. Nuquin Icbo tantiaquidquio aidi nec. Aidëmbi mibi yacno nidshun: Nadquio iccosh, quequin umbi naidtedi chiendac. Aden chuisho tantiash mibitedi bëdambo iquendac.

Codosas 4:7

Tantia. Mibitedi chuibannu. Nuquitedi cun utsi caid Tiquico mibi yacno nidshun ubi tabadaid mibitedi chiendac. Aidi Nuquin Icbon tantiamiacpadombuen ubëtan chuibanquidquio yec ubi nashunquid nec.

Timoteo 1 1:3

Tantia. Mibi chuinu, mado. Nidaid cuëshë utsi Masedonia caid yacno nidquin umbi chiondacpadquiec Epeso yacno icta. Mibi yacnocquidon: Nuquin Papan Chiaidquio chuinu, quebuedombi aid abimbo chienquio icsho tantiashun naden chuita: Nuquin Papan Chiaid chuiquimbi muaquin ambembi chiaid utsibëta natsusuaquin chuibanenda, cata.

Tito 3:12

Tantia. Mibi chuinu. Adtemasbëd Tiquico ubëd iquec. Aid daëd icnuc abentsëc Quedeta yacno nidmembi. Aid mibi yacno nidacsho issun: Pabado isec nidnu. Mimbitsen nëmbocquido chuibanta, quequin chianec Nicopodis yacno nidta, Tito. Nicopodis yacnoshon ue taëquid matanmete bunebique. Ubi ambo istuidec nidta.