Timoteo 2 4:11 - El Nuevo Testamento en matsés

¹¹ Ducas abentsëqui ubëd iquec. Madcos bedbëtsenec cho, mado. Aidën ubi nashunquin ubëtan Nuquin Papan namiacpadombuen natsiashe.

Timoteo 2 4:11 ပူးပေါင်းရင်းမြစ်များ

Mateo 19:30

Adshumbic: Utsitsen mibitedi chuinu. Nidaidënuësh chuiquid tapa icbuedi Nuquin Papa yacnouësh utsi utsiec chuiquidpenquio iquendac. Adecbidi utsi utsiec nidaidënuësh chuiquidpenquio icbuedi Nuquin Papa yacnouësh chuiquid tapa iquendac, quepondash Esus.

Mateo 20:16

Adashic abi onquec: Adombuembidi abi yacnoshon ambi tantiacpadombuen Nuquin Papan naindac. Nidaidënuësh chuiquidpenquio icbuedi Nuquin Papa yacnouësh utsi utsiec chuiquid iquendac. Adecbidi utsi utsiec nidaidënuësh chuiquid icbuedi Nuquin Papa yacnouësh chuiquidpenquio iquendac, quepondash Esus.

Ducas 13:30

Nidaidënuësh chuiquid tapa icbuedi Nuquin Papa yacnouësh utsi utsiec chuiquidpenquio iquendac. Adecbidi utsi utsiec nidaidënuësh chuiquidpenquio icbuedi Nuquin Papa yacnouësh chuiquid tapa iquendac, quepanëdash Esus.

Hechos 12:12

Adec nidequi Uan cashumbic Madcos caidën titan shubu yacno Petedo chopanëdash. Aidën tita Madia nepanëdash. Ambobi Esus tantiaquid dadpen iccuededquin Nuquin Papa chiec tabadpanëdash.

Hechos 12:25

Adnubic Antioquia yacnocquid Esus tantiaquidon aton piucquid ambi menenuen sanaid Bednabebëta Saudo meniac buanec Edusaden yacno choshon ambocquid Esus tantiaquido menebanash auëshquio puduanec Antioquia yacnobidi chouapanëdash. Aidobëdi Uan cashumbic Madcos caid chopanëdash.

Hechos 15:37

Adoaquien: Uan cashumbic Madcos cuënaid ma nuquibëd nidnu. Chuinuna, capanëdash Bednaben.

Hechos 15:39

Adoaquien Bednaben aden tantienquio icquin: Aidi buannuna, quequin iuen chuibudaqui Pabadon adembidi: Padi, cauac Pabadobëd cuëshëdnanec Bednabe Madcosbëd cano dapa antabëdtoanec nidec acte nënantanquio nidaid nacnëdquid Chipide yacno nidpanëdash.

Hechos 16:10

Aden tantiash: Nuquin Papan: Nidaid Masedonia caid yacnoshontsen Esus chuibanta, caoshibique. Ambo nidnun nacnennuna, Pabadon cac badedquio buannun nacnembededpondambi.

Codosas 4:10

Adistadco ubëta quënën tsadunaid nec. Aidëmbi: Aido tantiec tsadebique. Chui, quesho tantiashun dada uaimbi. Adombuembidi Madcos Bednaben utsin chiaid dada uaimbi. Aidi iuecash mibi yacno nidsho issun bëdambuen isquin iuedta.

Codosas 4:14

Adembidi Demasbëtan ubitedishun tantiaidquio dauëchoquid Ducasën: Aido tantiec tabadebique. Aido chui, quequin chiacpadombuen dada uaimbi.

Timoteo 2 1:15

Mibi tabadaid nidaid cuëshë Asia caid yacnocquido dadpen ubi nianec cuëshëdondaid mimbi tantiec, mado. Piquedobëd Edmoquenes adecbidi ubi nianec ubëd cuëshëdondash.

Timoteo 2 2:21

Adquid icnuc Esus tantiaquidquio icte bunebique. Nëbi muaquin chuisho tantiatiapimbo icquin Nuquin Icbon chiacpadombuen naimbi, quiash Nuquin Icbon iuambo yantsiash shocosh bëdambocquid yacbimbuec. Adsho Nuquin Icbon bëdambuen nametsiash.

Pidemon 1:24

Adembidi Madcos yec Adistadco yec Demas yec Ducas yec quec ubëtan chuibanquido icquin: Mibi tantiembi, quequin chuita, cac dada uaic nebi.

Petedo 1 5:13

Nuquin Papan tantiamiac nuquibëtan Esus tantiabenondaid Doma yacnocquido: Aido tantiembi, quiosh mibitedi caic. Adecbidi cun madobimbuecquid Madcostsen: Aido tantiembi, quiosh mibitedi caic.