Timoteo 2 3:4 - El Nuevo Testamento en matsés

⁴ Nëidic bëdambocquid danmianashi mua uanquido. Nëidic bëdambuen tantienquio icquin ambi natemaid naquido. Nëidic: Ubiuidtsëqui bëdambo iquec, quec abibi datantiadquido. Nëidic ambi naiduidi bunquin Nuquin Papa tantiesabo.

Timoteo 2 3:4 ပူးပေါင်းရင်းမြစ်များ

Hechos 19:36

Aden utsibon tantiec, quequin tantiaquin cuëdcuededbuedi ënëdshun bëdambuen tantiashun nata.

Hechos 7:52

¿Nuquin Papan oncamiaido nuquin tsusedpabon mëyanenquioda icpampic? Adembidi: Nuquin Papan Chomiaid icsaisambo choendac, quequin chuibanquido tsusedpabon cuessun secapampic. Aidon nampicpadembidi Nuquin Papan Chomiaidquio icshobi mibitedishun chieshënquin uënës uamepondac.

Doma 11:20

Abimbo mimbi caic. ¿Atotsi queshun Nuquin Papan isadaidbo bëdambuen istiapimbo icpec? Ambi Chomiaid Esus tantienquio icsho Nuquin Papan aido bëdambuen istiapimbo iquec. Padnuen Esus tantiasho mibitedi bëdambuen isec. Adoac: Ubi bëdambo icnubi isadaidbo icsambo iquec, quenda. Adenquio yec: Nuquin Papan cuidnushe, queshun Esus tantiec bëdambuec tabadta.

Doma 16:18

Nuquin Icbo Esuquidistun chiacpadombuen nainquio icquin aidon: Umbi chiaid tantiata, quequin abi bunaidquio namequin muaquin Esus tantiabentsëcquid icsambuen namec.

Timoteo 1 3:6

Esus chuibanquid icta, canun nëbimbobi Esus tantiabentsëcquid icsho: Ubi Esus chuibanquid icta, cainda. Adquid chuibanquid icmiac Nuquin Papan Chiaid badedquio niactsiashe. Mayan Icsa Satanasbimbuec: Ubiuidtsëqui bëdamboshë iquebi, quetsiashe. Adquid: Esus chuibanquid icta, cainda.

Timoteo 1 5:6

Niante utsimbien abi bunaiduidi naic. Adquidën uënësacbimbuecquin Nuquin Papa tantienquio iquec. Adquid Esus tantiaquidon nashunenquio iquec.

Timoteo 1 6:17

Atona dadpen dayun uaquido naden chuita, mado. Cuna dadpenquioshë icnuc ubiuidtsëqui bëdambo iquebi, quenda. Nibëdantiapimbo icquid danquin mimbi dayun uaiduidtsëqui tantienda. Nuquin Papambo tantiaquiota. Aidëmbi matses bëdambo icmenuen atona dadpen bedmec, quequin chuita.

Udas 1:19

Adquido yec chieshëmënec cuësh cuëshëdmianquido nec. Adec abi bunacpadec tabadquid icnuc Nuquin Papan Mayan aidobëd tabadenquio iquendac.

Udas 1:4

Esus tantiaquido danmianquiec mibitedi icsambuen namenuec mibi yacno muaquido puduedac caosh. Ambi ëndenquimbo chuiquin dada uamiampicpadombuen Nuquin Papan cuidtequidombo aido nendac. Adquido icquin: Esuquidistu Nuquin Icbopenquio neque. Aidën chiaid nainquio icnuna. Nuquin Papan bëdambuen isaidombi Ambi Chiaid niacniacquin abi bunaiduidi naquin ambi natemaidi nasho issun nuqui cuidenquio iquec, quequin chiec cumapenec muaique. Aden chiec muasho tantienda.