Timoteo 2 3:3 - El Nuevo Testamento en matsés

³ Nëidic utsibo natiambo icmequido. Nëidic cuesnante bunquido matses tantiesabo. Nëidic utsibon icsambuen naid chuiquido. Nëidic ambi icsambuen nate bunaid ëntiapimbo icquido. Nëidic abembi chieshëmënquido. Nëidic utsibo abembi natiamequido. Nëidic bëdambocquid chieshënquido.

Timoteo 2 3:3 ပူးပေါင်းရင်းမြစ်များ

Mateo 10:21

Adshumbic padpiden chiec: Ubi chieshënquidon ubi tantiaquidotsen cumapenen chieshënendac. Esus tantiaquid nec, queshun aton buchimbi aton utsi cuessunnemendac. Amëmbi ambi tishmiaido cuessunnemendac. Aton bacuëbombi chieshënquin anibëta amë cuessunnemendac.

Mateo 4:1

Aden Uanën acten mentobocshobien Nuquin Papan Mayanën shubu nibëdacno Esus buampanëdash. Ma Mayan Icsa Satanasën Nuquin Papan Chiaid niacmequin tannu, queshun ambo Esus buampanëdash.

Ducas 10:16

Aden chuishumbic ambi: Chuibennec nid, caido chiec: Mibitedishun chuibansho tantiaquido yec ubi tantiaquido nendac. Utsiboen mimbi chiaid tantiesabo yec ubi tantiesabo nendac. Aden ubi tantiesabo icquin ubi chomequid Nuquin Papa tantiesabotsen nendac, quequin Esusën chuipanëdash.

Ducas 16:14

Aden chuibansho tantiash aton piucquid ambi tantiaidquio icnuc Esus icsambuen chuishunquin mamënshunec padiseobo tabadcuededpanëdash.

Uanën dada uaid 6:70

Adoaquien Esus: Ai, mibitedi: Nuquibi icnu. Cho, cabampondambi. Umbi adondaid icnubi abentsëc Mayan Icsa Satanasën namiaidquio yec icsamboshëcquid iquec, quepondash.

Doma 1:29

Aido nadquido nec. Nëidic utsi icsambuen nambo icquidobi muaquin cuidmequido. Nëidic icsambuecshë tabadquido. Nëidic aton chidopenquio chudquido. Nëidic aton bënëpenquio chudmequido. Nëidic dada aton dada utsibëdi chichudnanquido. Nëidic chido aton chido utsibëdi dachudnanquido. Nëidic dadpen bunquin bedquido. Nëidic chieshëmënquido. Nëidic utsina isash natiambo bunec chieshëmënquido. Nëidic cuessunnianquido. Nëidic chushcananquido. Nëidic muaquido. Nëidic icsamboshë icquido. Nëidic utsibo icsaiduidi chuiquido.

Doma 1:31

Nëidic pamumëdacbimbuecquin Nuquin Papan Chiaid tantiate bunenquio icquido. Nëidic ambi chiacpadombuen nainquio icquido. Nëidic aton matses tantienquio icquido. Nëidic utsibo uënëstiadtsëcquio icsho isash: Uënësquio iquec, quetiapimbo icquido.

Codinto 1 7:5

Adquid icnuc min bënën: Chudnu, cac: Padi, cainda. Adembidi min chidon: Ubi chud, cac: Padi, cainda. Adbuedi: Nëidtedec ushquimbien Nuquin Papa chuitiad, queshun nainquio yec tabadta. Aidtedec ushquin padenquiocshon iuen mëmuntiapimbocsho issun Mayan Icsa Satanasën icsambuen namenushe, quiash min chidobëd padpidec icuata.

Codinto 1 7:9

Adquid icnubi mëmuntiapimbo yec cumapenec chudte bunquin chido bedshun inta. Adembidi chidon mëmuntiapimbo icquin dada bunquin dada bedmeta.

Tesadonica 1 4:8

Aden chuisho tantiashun umbi chuibambued niacquin matsesën chiaidpenquio mibitedishun niaquendac. Aton Mayan nuqui menequidën Nuquin Papan Chiaidquio mimbi niaquendac.

Timoteo 1 3:11

Adquidën chido: Bëdambocquid nec, utsibon caidquio nendac. Utsin icsambuen naiduidi chienquio yec bëdambuec tabadquid nendac. Muainquiocquid nendac. Adquidquio Esus tantiaquido nashunquidën chido bëdambo ictsiash.

Tito 1:8

Adquid icquin Esuquidistu tantiaquid isedquid chosho issun aton shubun iuedquid nendac. Adecbidi utsibobëd bëdambuec tabadte bunquid nendac. Adecbidi bëdambuen tantiaquin: Aden naic icsambo ictsiabi, quequid nendac. Adecbidi: Naden naic bëdambocquid yantsiabi, queshun bëdambuen naquidquio nendac. Adecbidi abimbo chuiquidquio icquin icsambuen nabi icquid cuidenquiocquid nendac. Adecbidi Nuquin Papan namiaid yec aidën chiacpadombuen nabanquid nendac. Adquid icquin ambi icsambuen nate bunaid nainquiocquid nendac, quequin chuita, Tito.

Tito 2:3

Adembidi Esuquidistu tantiaquid machobo tantiamequin naden chuibanta. Nuquin Papan bëdambocquid icmiaid nebi, quec bëdambuec tabadta. Adembidi utsin icsambuen naiduidi chiannequid iquenda. Adembidi acte paë uaid tantiadennuen acquid iquenda. Bëdambuen nabanec tabadquin buntacbo ismeta, quequin machobo chuibanta, Tito.

Santiaco 2:6

Nuquin Papan adoaid icshobi mibitedi: Tsadten tsadenquio yec nidaidën tsadta, cac: Icsambocquid nec, quequin ubi isec, quequin tantiec aidi tsadpec. Padnuen atona dadpen icquidon mibitedi utsi utsien chonuauaquin mëyanshun mibi daëdpactsëc ¿menenquioda ictiosh? Adquidon mua uaquin chuiquin mibitedi utsi utsien cuidte chuiquid yacno ¿buanenquioda ictiosh?

Petedo 2 2:14

Muaquido iquec utsin chido isash cumapenec chudte bumpec. Nuquin Papan Chiaid niacniacquin abi icsaid ënenquio iquec. Adquid icquin Esus tantiactsëcquido utsi tantiamequin icsamepec. Abi bunacpadombuen muaquin piucquid dadpen bedte bunquido yec icsamboshëcquido nec.

Petedo 2 2:19

Adquido icquin: Nuqui bunaiduidi nanuna. Adec nuqui bëdambo ictsiac, quequin chuibanendac. Adoac iuabimbuen ambi icsambuen naid ambembi ëntiapimbo yec icsamboshëcquido iquendac.

Petedo 2 3:3

Naden chiaidtsen mibitedishun tantiata: Esus nidaidën padpidec chote nëbi yannuc Esus tantiesabon abi icsate bunaiduidi naic tabadquin mibitedi icsambuen chuishunquin mamënshunendac.

Udas 1:16

Aido cuidtequido iquec aton chuiquid tapabon chiaid tantienquio yec: Icsambo iquec, quiash icsambuen chuishunquin abitedi chieshënec tabadec. Ubiuidtsëqui bëdambuen naquidquio nebi, queuidequi iquec. Ubi bunacpadombuen ma nanu, quiash matses utsibo chiec: Umbi tantiaidquio mibi nec, quec muaic.

Udas 1:18

Aidon naden chuipondash: Esus chote nëbi yannuc matses abi bunacpadombuen naic icsambuec tabadendac. Adquido icquin Esus chieshënquin abi tantiaquido icsambuen chuishunquin mamënshunendac, quepondash aido.

Esusën Uan ismiaid 13:15

Nacnenacsho issun nidaid ëquëducuësh chobuedën bëdi dapabimbuecquid acte ëquëducuësh chobuedën aton chuiquid tapabimbuecnuc nacnembuedi tibocamianshun oncameposh. Adoaquien nacnembuedquiobi chuiquid tapabimbuec onquequin: Ubi tantiesabotedi cuessun secatan, cac aton chuiquid tapa tantiesabotedi cuessun secatamposh.

Esusën Uan ismiaid 13:17

Aden chiacpadec siadambo icquidona bedquin min piucquidbëta mitsana utsi menenda. Aden chiacpadec siadquidonauidtsëqui bedquin meneta, caposh. Utsi utsiec bëdi dapabimbuecquid acte ëquëducuësh chobuedën cuëmëdquid dada uaquin bësiadmiaid neposh. Utsi utsiec aid cuëmëdaidbimbuecquid numedo chuiquin dada uaquin mësiadmiaid neposh.

Esusën Uan ismiaid 16:6

Umbi oncamiaidobëta ubi tantiaquido chieshënquin nua intac mëyanmequin cuessun secabudniondash, queshun cuessun secanquido cuidquin mimbi ambi acaid acte intacuashunquin acmiacsho issun mibi bëdamboshë iquec, caimbi, queposh.

Esusën Uan ismiaid 17:6

Aid chido acte paë uaid acash tantiadenacbimbuen Nuquin Papa tantiaquidon intac acshun tantienquio yamposh. Esus tantiaquin aid chuibansho dadpen cuessun secaidon intac acshun tantiadenquio yansho isuapombi. Adquidtedi istanec tantiadempambo icpobi.